ඩොනල්ඩ් ට්‍රම්ප් තවත් වෙඩි තැබීමකින් ගැලවෙයි
එක්සත් ජනපද හිටපු ජනාධිපති සහ රිපබ්ලිකන් ජනාධිපති අපේක්ෂක ඩොනල්ඩ් ට්‍රම්ප් ෆ්ලොරිඩාවේ වෙස්ට් පාම් බීච් හි trump International Golf Club ක්‍රීඩා පිටියේ ඊයේ(14) ක්‍රීඩා කරමින් සිටියදී ඔහු ආසන්නයේ වෙඩි තැබීමක් සිදුවී ඇති බව විදෙස් මාධ්‍ය වාර්තා පවසයි.
ට්‍රම්ප්ගේ මාධ්‍ය ප්‍රචාරක අංශය පැවසුවේ වෙඩි තැබීමෙන් හිටපු ජනාධිපතිවරයාට හානියක් සිදුවී නොමැති අතර ඔහු ආරක්ෂිතව එම ස්ථානයෙන් ඉවත් කර ඇති බවයි.
“ජනාධිපති ට්‍රම්ප් අසල සිදුවූ වෙඩි තැබීම් වලින් පසුව ට්‍රම්ප් ආරක්ෂිතයි. මේ අවස්ථාවේ වැඩි තොරතුරක් දීමට නොහැකියි.”ට්‍රම්ප්ගේ මාධ්‍ය ප්‍රචාරක අංශයේ ප්‍රකාශක ස්ටීවන් චියුන්ග් පැවසීය.
ට්‍රම්ප් සම්බන්ධ සිදුවීම අමෙරිකානු රහස් සේවය විසින් පිළිගෙන ඇති අතර, එය විමර්ශනය කිරීමට පාම් බීච් ප්‍රාන්ත ෂෙරිෆ් කාර්යාලය සමඟ කටයුතු කරන බව X හි ප්‍රකාශයක් නිකුත් කරමින් ප්‍රකාශ කළේය. මෙම සිද්ධිය දේශීය වේලාවෙන් පස්වරු 2 ට පෙර සිදු වූ බව එම සේවාව පවසයි.
ඇමරිකානු මාධ්‍ය මෙම සිදුවීම් පිළිබඳ එකිනෙකට පරස්පර තොරතුරු සමාජ ගිණුම් කිහිපයක පල කර ඇති අතර, මූලික වාර්තාවලින් පෙනී යන්නේ මෙම සිද්ධිය කිසිසේත් ට්‍රම්ප් සම්බන්ධ එකක් නොවූ අතර පුද්ගලයන් දෙදෙනෙකු එකිනෙකාට වෙඩි තබා ගැනීමක් පමණක් බවයි.
කෙසේ වෙතත්, මේ සම්බන්ධයෙන් වැඩිදුර ලැබෙන වාර්තා වලට අනුව , වෙඩි තැබීම ට්‍රම්ප්ට අදාලව සිදු වී ඇති බව පෙන්වා දී තිබේ. රහස් සේවය විසින් සැකකරුට වෙඩි තබා ඇති බව සීඑන්එන් වෙත ලැබී තිබෙන මූලාශ්‍ර පවසයි. නම හෙළි නොකළ නිලධාරීන් මේ පිළිබඳව සීඑනෙන් පුවත් සේවය වෙත පැවසුවේ සන්නද්ධ පුද්ගලයෙක් චේතනාන්විතව ට්‍රම්ප්ට ප්‍රහාර එල්ල කර ඇති බවයි.
සිද්ධියට සම්බන්ධ බවට විශ්වාස කෙරෙන සැකකරුවෙකු අත්අඩංගුවට ගෙන ඇති බව මාටින් කවුන්ටි ෂෙරිෆ් කාර්යාලය ෆේස්බුක් සටහනක් තබමින් ප්‍රකාශ කළේය. දැනට පවතින විමර්ශනය සඳහා "ඉන්ටර් ස්ටේට් 95" හි කොටසක් වසා දමා ඇති බව සටහන වැඩිදුරටත් පැවසීය.
“අපි මෙම තොරතුරු ලබා ගත හැකි වන පරිදි යාවත්කාලීන කරන්නෙමු,” ෂෙරිෆ් කාර්යාලය වැඩිදුරටත් පැවසීය.
පෙන්සිල්වේනියාවේ පැවති මැතිවරණ ප්‍රචාරක රැලියක් අතරතුරදී ට්‍රම්ප් ඝාතන තැතකින් දිවි ගලවා ගැනීමෙන් සති කිහිපයකට පසුව මෙම සිදුවීම සිදුව තිබේ. හිටපු ජනාධිපතිවරයා රැස්වීමක් අමතමින් සිටියදී වෙඩි ප්‍රහාරයකට ලක් වූ අතර, එහි සිටි එක් ආධාරකරුවෙකු මිය ගොස් තවත් දෙදෙනෙකු තුවාල ලැබූහ. කෙසේ වුවද ආරක්ෂක අංශ ස්නයිපර් කණ්ඩායමක් විසින් එල්ල කරන ලද වෙඩි තැබීමෙන් තෝමස් මැතිව් ක්‍රොක්ස් ලෙස හඳුන්වන අපරාධකරු එම ස්ථානයේදීම මිය ගියේය.
සම්බන්ධිත පුවත් | Related News
ප්‍රධාන පුවත්
රුසියානු හමුදාවට අවශ්‍ය උපකරණ විකිණීම හේතුවෙන් එක්සත් ජනපදය ඉන්දියානු සමාගම්වලට සම්බාධක පනවයි
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි!- ඊශ්‍රායල ජන මාධ්‍ය පවසයි.
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි ඊශ්‍රායල ජන මාධ්‍ය පවසයි.
තුන්වැනි සමාලෝචනයට අයි.එම්.එෆ්. පිරිසක් ළඟදීම ශ්‍රී ලංකාවට
සුමන්තිරන්ට විදේශ ඇමැතිකම දී ඉලංකෙයි තමිල් අරසු කච්චි පක්ෂයේ රට බෙදන කොන්දේසිවලට ආණ්ඩුව එකඟ වෙලා - ගම්මන්පිලගෙන් ආණ්ඩුවට ප්‍රබල චෝදනාවක් (වීඩියෝ)
සහල් ඒකාධිකාරයක් පවත්වාගෙන යන්නේ මේ රටේ මහා පරිමාණ මොල්හිමියො පස් දෙනෙක්... ගොවියා සූරා කාලා, පාරිභෝගිකයා විනාශ කරලා, ආණ්ඩු මට්ටු කරන ඔවුන්ගේ සෙල්ලමට තිත තියන්න ඕනේ - අනුරාධ තෙන්නකෝන්
ආණ්ඩුව එක්ක එකට වැඩකරන්න සුමන්තිරන්ලා සූදානමින්
දශක ගණනාවකට පසු ස්පාඤ්ඤයේ දරුණුතම ගංවතුරෙන් දුසිම් ගනනක් මිය යයි (වීඩියෝ)
ශ්‍රී ලංකාවේ සංවර්ධන අවශ්‍යතා පිළිබඳ සම්පූර්ණ ඇගයීමක් කිරීමට චීනය කටයුතු කරනවා - ශ්‍රී ලංකාවේ චීන තානාපති
බොරු කියපු නිසා හරිනි අග්‍රාමාත්‍ය ධුරයෙන් ඉල්ලා අස්විය යුතුයි - හිටපු ජනපති රනිල් කියයි
"The Island" පුවත් පතේ ලින් ඔකර්ස් දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන්නෙක්දැයි සැකයි - ශ්‍රී ලංකාවේ රුසියානු තානාපති කාර්යාලය
කියුබාවට අත නොතබනු!එක්සත් ජාතීන්ගේ සංවිධානයේදී ලෝක ජනයා ඇමරිකාවට තදින් කියයි
පාස්කු ප්‍රහාර විමර්ශන කමිටු වාර්තාවලින් චෝදනා ලැබූ රවි, ශානි රජයේ ඉහළ තනතුරුවල රඳවා ගැනීම සදාචාරාත්මක ද? - ගෝලීය ශ්‍රී ලාංකික සංසදය ජනපති අනුරගෙන් අසයි
මග පෙන්වන විපක්ෂයක භූමිකාව ඉෂ්ඨ කිරීම වෙනුවෙන් මැතිවරණයට ඉදිරිපත් වෙනවා... තරුණ්‍යයේ හීන මියගිය බිමක එම හීන යථාර්ථයක් කිරීම වෙනුවෙන් කැප වෙනවා - උවිඳු මහනුවරදී කියයි
රන්ජන්ගේ පක්ෂය පුපුරයි! ඇතුළේ ගේම් රැසක් හෙළිවෙයි (වීඩියෝ)
රවි සහ ශානි පාස්කු ප්‍රහාරයේ විමර්ශන සිදු කළ යුතුම යැයි ආණ්ඩුව කියන්නේ ඊබ්‍රහීම්ව බේරගන්න... තමන්ගේ සගයන් බේරාගන්න ආණ්ඩුව රටේ නීතියේ ආධිපත්‍ය කුඩුපට්ටම් කරන්න සැරසෙනවා - ගම්මන්පිලගෙන් ආණ්ඩුවට දැඩි ප්‍රහාරයක් (වීඩියෝ)