සත්‍ය සෙවීමේ කොමිසම පනත් කෙටුම්පත ගැන අපේක්ෂක මතය රටට කියන්න – කීර්ති වික්‍රමරත්න ඉල්ලයි
රටට බලවත් ලෙස අනර්ථකාරී වන 13 වන සංශෝධනය පූර්ණ ලෙස බලාත්මක කිරීමට පවා අවකාශය සැලසෙන සත්‍ය සෙවීමේ කොමිසම පනත් කෙටුම්පත පාර්ලිමේන්තුවේ සම්මත කිරීමට පක්ෂද? විරුද්ධද යන්න ගැන තම මතය ප්‍රකාශ කරන්නැයි අපේ ජනබල පක්ෂයේ ජනාධිපති අපේක්ෂක කීර්ති වික්‍රමරත්න මහතා ජනාධිපති අපේක්ෂකයන්ගෙන් ඉල්ලීමක් කරයි.
2015 සම්මත කළ ජාත්‍යන්තර මානව හිමිකම් කවුන්සිලයේ 30/1 යෝජනාව මගින් එම පනත සම්මත කළ යුතු බව පළමුව රජයට බලකර සිටි බවද වික්‍රමරත්න මහතා සඳහන් කරයි.
එම කොමිසම දකුණු අප්‍රිකාවේ සත්‍ය සෙවීමේ කොමිසමට සමාන කිරීමට යම් පුද්ගලයන් උත්සාහ කළ ද ශ්‍රී ලංකාවේ නීතිය මගින් පිහිටුවීමට නියමිත කොමිසමට ප්‍රතිසන්ධානය ද අයත් වේ. ඒ අනුව වගවීම එනම් යුද අපරාධ චෝදනා එල්ල වන රණවිරුවන්ට දඬුවම් කිරීම සඳහා ක්‍රියාමාර්ග ගැනීම සඳහා ගැටුම් නැවත ඇතිවීම වැළැක්වීම මෙන්ම වින්දිතයන්ට වන්දි ගෙවීම ද එම ක්‍රියාවලියට අයත් වේ. ගැටුම් නැවත ඇති නොවීම යටතේ 13 වන සංශෝධනය බලාත්මක කිරීම සඳහා මැදිහත්වීම ද අයත් වන බව ඔබ ඉතා හොඳින් දන්නා කරුණකි. එම නීතිය අනුව කොමිසමට උපදෙස් දීමට ජාත්‍යන්තර නියෝජිතයන් පත් කළ හැකි බැවින් රට තුළ සිටිමින් 13 වැනි සංශෝධනය බලාත්මක කරවීම සඳහා ජාත්‍යන්තර මැදිහත්වීමකට අවකාශය සැලසේ.
මෙම නීතිය මගින් සාක්ෂි ආඥා පනත අදාළ නොවන ලෙස සහ අණදීමේ වගකීම අදාළ වන ලෙස චෝදනා සහ සාක්ෂි ගොනු කිරීමේ බලය කොමිසමට ලැබේ. ඒ අනුව ඩයස්පෝරාවේ බලපෑම මත විවිධ පුද්ගලයන් විසින් ලබාදෙන ගොතන ලද සාක්ෂි සහ මුදලට ගත හැකි යම් පිරිස් විසින් සිදු කරන පාපොච්චාරණයන් මත පදනම්ව ආරක්ෂක හමුදා සාමාජිකයන්ට එරෙහිව චෝදනා ගොනු කිරීමේ බලය කොමිසමට ලැබේ. ජාත්‍යන්තර උපදේශකයන්ගේ බලපෑම මත එම ක්‍රියාවලිය සිදුවන ආකාරය තුළ හෙළිදරව් නොකරන සාක්ෂිකරුවන් මගින් චෝදනා කර්මාන්ත ශාලාවක් නිර්මාණය කිරීමේ හැකියාව තිබෙන බව ඔබට වටහාගත හැකි යැයි මම විශ්වාස කරමි.
මේ වනවිට ප්‍රධාන අපේක්ෂකයන් තිදෙනකු විසින් 13 වැනි සංශෝධනය බලාත්මක කරන බවට තමාට පොරොන්දු ලබාදුන් බව බෙදුම්වාදී දේශපාලන නායකයෝ පවසති. සත්‍ය සෙවීමේ කොමිසම එම ක්‍රියාවලියේම දිගුවක්, එනම් බෙදුම්වාදී මාර්ග සිතියමේ අවසන් සැතපුම බව ඔවුහු ඉතා හොඳින් දනිති. එම නිසා සිංහල, දෙමළ, මුස්ලිම් සියලු ජනතාව බෙදුම්වාදී ම්ලේච්ඡ යුද්ධයෙන් ගලවා ගත් රණවිරුවන්ට එරෙහිව යුද අපරාධ චෝදනා එල්ල කිරීම සහ ඒ මගින් ආරක්ෂක හමුදා දුර්වල කිරීමේ සූක්ෂම බෙදුම්වාදී මෙහෙයුම පිළිබඳව විශේෂයෙන්ම එම අපේක්ෂකයන් විසින් තම මතය ප්‍රකාශ කිරීම ඉතා වැදගත් වේ.
- දිවයින
සම්බන්ධිත පුවත් | Related News
ප්‍රධාන පුවත්
කැනඩාවේ නේටෝ විරෝධී විරෝධතාකරුවෝ මෝටර් රථ ගිනි තබයි (වීඩියෝ).
රනිල් කාටත් හොරෙන් ඉන්දියාවත් එක්ක අත්සන් කළ එකඟතා ලියවිල්ල අනුරට ක්‍රියාත්මක කරන්න කියයි
මාස් කන්නය අරඹා මාසයක කාලයක් ගතවී ඇතත් ගොවි සහනාධාර මුදල් තවමත් ලැබී නැහැ - ගොවීන්ගෙන් චෝදනා (වීඩියෝ)
උතුර සහ නැගෙනහිර වෙනම රටක්... මම සහාය දෙන්නේ අනුරට - අර්චුනා රාමනාදන් කියයි (වීඩියෝ)
පාර්ලිමේන්තු මන්ත්‍රී අර්චුනා රාමනාදන්ට එරෙහිව පැමිණිල්ලක්... හඬපටයකුත් ලීක් වෙයි
ජාතිවාදයන්ගේත් - ආගමික අන්තවාදයන්ගේත් 'විසකුරු ප්‍රකාශනයක්' වන 'බෙදුම්වාදයට' ද කිසිදු ඉඩකඩක් නොතබන ලෙස ජනපතිගෙන් ඉල්ලා සිටිනවා! - ජානිපෙ ජාතික සංවිධායක ජයන්ත සමරවීර
IMF එකෙන් අහලම විදුලි බිල සංශෝධනය කරන යෝජනාව හදනවලු
යුක්රේනයේ යුද උන්මාදයට එරෙහි මොස්කව් ප්‍රතිචාරය පුටින් ගෙනහැර දක්වයි (සම්පූර්ණ කථාව).
නියෝජ්‍ය ඇමැතිවරු 29ක් දිවුරුම් දෙති
අපි සම්ප්‍රදාය වෙනස් කළා යැයි කියමින් යාපනෙන් ආපු අලුත් මන්ත්‍රී විපක්ෂ නායක පුටුවේ වාඩිවෙලා... අයින් වෙන්න බෑ කියයි (වීඩියෝ)
නාඩු මෙට්‍රික් ටොන් ලක්ෂ 22ක් මෝල්හිමියෝ හංගලා... මෝල්හිමියන්ගේ කූඨ උපායට නව රජයත් හසුවෙලා - ජාතික ගොවිජන එකමුතුවේ සභපාති අනුරාධ තෙන්නකෝන්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
මහාචාර්ය හිනිදුම සුනිල් සෙනෙවි නිර්මාණ කොල්ලකරුවන්ගේ ලැයිස්තුවේ?
රුසියාවේ නව න්‍යෂ්ටික මූලධර්මයෙහි වන ප්‍රධාන කරුණු
ආණ්ඩුවට ලැබුණු ජනවරමට එරෙහිව ක්‍රියා කරන්නේ නෑ... ජනවරම ආරක්ෂා කරමින් ජනතාවගේ අපේක්ෂා වෙනුවෙන් පෙනීසිටිනවා - ජාතික නිදහස් පෙරමුණෙන් නිවේදයක්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි