මෙවර ජනාධිපතිවරණයේදී ඡන්ද ලක්ෂ 30කට අධික සංඛ්‍යාවක් ප්‍රකාශ කිරීමට නොහැකි තත්ත්වයක්
විදෙස්ගත ශ්‍රමිකයන්ගේ හා සිරකරුවන්ගේ ඡන්දය ප්‍රකාශ කිරීම සඳහා අවශ්‍ය නීති සම්පාදනය නොකිරීමෙන් මෙවර ජනාධිපතිවරණයේදී ලක්ෂ 30කට අධික ඡන්ද සංඛ්‍යාවක් ප්‍රකාශ කිරීමට නොහැකි තත්ත්වයක් නිර්මාණය වී ඇති බවට මැතිවරණ නිරීක්ෂකයෝ චෝදනා කරති.
නීති සම්පාදන ආයතනය වූ පාර්ලිමේන්තුව ඊට සෘජුවම වගකිව යුතු යැයිද මෙය මුළුමනින්ම රටේ ජන පිරිසගෙන් සැලකිය යුතු ප්‍රතිශතයකගේ මූලික අයිතිවාසිකම් උල්ලංඝනය කිරීමක් යැයිද මැතිවරණ නිරීක්ෂකයෝ පවසති.
විදෙස්ගත ශ්‍රමිකයන්ගේ හා සිරකරුවන්ගේ ඡන්ද අයිතිය තහවුරු කිරීමට අවශ්‍ය නීති සම්පාදනයට පාර්ලිමේන්තුව මෙන්ම බලධාරීන්ද කිසිදු උනන්දුවක් දක්වා නැතැයි මැතිවරණ කොමිසමේ සභාපති ආර්.එම්.ඒ.එල්. රත්නායක මහතා මේ සම්බන්ධයෙන් කළ විමසීමේදී පැවැසීය.
සිරකරුවාගේ සහ විදේශයන්හි වෙසෙන ශ්‍රී ලාංකික පුරවැසියන්ගේ ඡන්දය ප්‍රකාශ කිරීමේ අයිතිය මැතිවරණ දිනයේ තහවුරු කිරීම සඳහා අවශ්‍ය නීතිමය ප්‍රතිසංස්කරණ වෙනුවෙන් අඛණ්ඩව පෙලඹවීම් කළද එම විෂයට අදාළව ශ්‍රී ලංකාව කිසිදු ප්‍රගතියක් ලබා නොමැති යැයි රත්නායක මහතා කීය.
ඒ අනුව මෙවර ජනාධිපතිවරණයත්් මෙතෙක් පැවැති නීති රාමුව තුළම පැවැත්වෙනු ඇතැයි කී හෙතෙම මැතිවරණ කොමිසමට ඒ සම්බන්ධයෙන් ගත හැකි පියවරක් නැතැයිද කීය.
ඔහු මෙසේද සඳහන් කළේය.
“මේවා කිරීම සඳහා නීති පද්ධතියට අපි යෝජනා කළ සංශෝධන කිසිවක් මේ දක්වා සම්මත වෙලා නැහැ. වසර ගණනාවක් තිස්සේ යෝජනා කරන ලද සංශෝධන එහෙමමයි. ඒවත් එක්ක පාර්ලිමේන්තුව තවම ඉදිරියට ගිහින් නෑ. ඒ නිසා මෙතෙක් පවතින පනතේ තිබෙන රාමුව තුළ තමයි අපි වැඩ කළ යුත්තේ”
මේ ගැන අධිකරණ අමාත්‍ය අලි සබි්‍ර මහතාගෙන් කරුණු විමසීමට උත්සාහ කළද ඔහු විදේශගතව සිටි නිසා දුරකථනයට සම්බන්ධ කර ගැනීමට හැකිවූයේ නැත.
ශ්‍රී ලංකාව මැතිවරණ පරිපාටින් සුරැකීම සම්බන්ධයෙන් කීර්තිමත් ඉතිහාසයක් ඇති රටක් යැයිද මැතිවරණ දෙපාර්තමේන්තුව හා කොමිසම ඉමහත් කැපවීමකින් ඒ පිළිබඳව කටයුතු කිරීම ඊට හේතුව යැයිද “අයිරෙස් සංවිධානයේ” විධායක අධ්‍යක්ෂ මංජුල ගජනායක මහතා ‘ඉරිදා මව්බිම’ට පැවැසීය.
විදෙස්ගත ශ්‍රී ලාංකික ප්‍රජාව ලක්ෂ 30 ඉක්මවන්නේ යැයිද ඔවුන්ට ඡන්ද ප්‍රකාශ කිරීමේ පහසුකම සැලසීම සඳහා 2016දී පාර්ලිමේන්තුවේ තේරීම් කාරක සභාවක් පැවැතියද එය රැස්වූයේ එකම අවස්ථාවකදී පමණක් යැයිද ඉන්පසු පත්කළ තේරීම් කාරක සභාවද රැස්වූයේ අවස්ථා දෙකකදී පමණක් යැයිද ඵඔහු පැවැසීය.
දිනේෂ් ගුණවර්ධන මහතාගේ සභාපතිත්වයෙන් යුත් තේරීම් කාරක සභාව ද මේ ගැන සාකච්ඡා කළේ යැයි ද ප්‍රියසාත්් ඩෙප් කමිටුවට ද මේ ගැන යෝජනා ඉදිරිපත් කර ඇතැයි ඒ මහතා අවධාරණය කළේය.
අවසන් මහමැතිවරණයේදී සිරකරුවන් 22,800කට ඡන්ද අයිතිය අහිමි වී යැයිද බන්ධනාගාරයේ විශේෂ ඡන්ද මධ්‍යස්ථානයක් පිහිටුවීමට අවශ්‍ය නීති ප්‍රතිසංස්කරණය කරගැනීමට නොහැකි වීම ඊට බලපෑවේ යැයිද ගජනායක මහතා කීවේය.
ශ්‍රී ලංකාවේ ලක්ෂ 30ක් 40ක් අතර පිරිසකට සෑම මැතිවරණයකදීම ඡන්දය ප්‍රකාශ කිරීමේ අවස්ථාව අහිමි වන්නේ යැයි කී හෙතෙම මැතිවරණ නිරීක්ෂණ සංවිධාන හා මැතිවරණ කොමිසම මෙම තත්ත්වයට විසදුම් සෙවීම සඳහා ඒකාබද්ධව ක්‍රියා කළද ශ්‍රී ලංකා පාර්ලිමේන්තුවේ කට්ටිවාදය හා අවස්ථාවාදය විසින් එම නීති ප්‍රතිසංස්කරණ වළක්වනු ලැබ ඇතැයි හෙතෙම චෝදනා කළේය.
ඡන්ද අයිතිය හිමි පුරවැසියන්ගෙන් විශාල පංගුවකට මෙසේ එම අයිතිය අහිමි වීම දීර්ඝ කාලයක් තිස්සේ සාකච්ඡා වන නමුත් ඒ ගැන කිසිදු පරිවර්තනීය වෙනසක් නොවීම ඛේදවාචකයක් යැයි පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා කීවේය.
මේ නිසා මැතිවරණ සමයේදී පමණක් කෙරෙන සාකච්ඡාවකට ලඝු නොවී එම ප්‍රතිසංස්කරණ ව්‍යවස්ථාදායකයේ කෙරෙන නීති සම්පාදන මඟින් යථාර්ථයක් විය යුතු යැයි ඒ මහතා කීවේය. ඒ අනුව ඉදිරියේදී බලයට පත්වන ආණ්ඩුවකට මෙම නෛතික හිඩැස පිරවීමේ ප්‍රමුඛ වගකීමක් ඇතැයි ද හෙට්ටිආරච්චි මහතා වැඩිදුරටත් සඳහන් කළේය.
- මව්බිම
සම්බන්ධිත පුවත් | Related News
ප්‍රධාන පුවත්
රුසියානු හමුදාවට අවශ්‍ය උපකරණ විකිණීම හේතුවෙන් එක්සත් ජනපදය ඉන්දියානු සමාගම්වලට සම්බාධක පනවයි
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි!- ඊශ්‍රායල ජන මාධ්‍ය පවසයි.
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි ඊශ්‍රායල ජන මාධ්‍ය පවසයි.
තුන්වැනි සමාලෝචනයට අයි.එම්.එෆ්. පිරිසක් ළඟදීම ශ්‍රී ලංකාවට
සුමන්තිරන්ට විදේශ ඇමැතිකම දී ඉලංකෙයි තමිල් අරසු කච්චි පක්ෂයේ රට බෙදන කොන්දේසිවලට ආණ්ඩුව එකඟ වෙලා - ගම්මන්පිලගෙන් ආණ්ඩුවට ප්‍රබල චෝදනාවක් (වීඩියෝ)
සහල් ඒකාධිකාරයක් පවත්වාගෙන යන්නේ මේ රටේ මහා පරිමාණ මොල්හිමියො පස් දෙනෙක්... ගොවියා සූරා කාලා, පාරිභෝගිකයා විනාශ කරලා, ආණ්ඩු මට්ටු කරන ඔවුන්ගේ සෙල්ලමට තිත තියන්න ඕනේ - අනුරාධ තෙන්නකෝන්
ආණ්ඩුව එක්ක එකට වැඩකරන්න සුමන්තිරන්ලා සූදානමින්
දශක ගණනාවකට පසු ස්පාඤ්ඤයේ දරුණුතම ගංවතුරෙන් දුසිම් ගනනක් මිය යයි (වීඩියෝ)
ශ්‍රී ලංකාවේ සංවර්ධන අවශ්‍යතා පිළිබඳ සම්පූර්ණ ඇගයීමක් කිරීමට චීනය කටයුතු කරනවා - ශ්‍රී ලංකාවේ චීන තානාපති
බොරු කියපු නිසා හරිනි අග්‍රාමාත්‍ය ධුරයෙන් ඉල්ලා අස්විය යුතුයි - හිටපු ජනපති රනිල් කියයි
"The Island" පුවත් පතේ ලින් ඔකර්ස් දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන්නෙක්දැයි සැකයි - ශ්‍රී ලංකාවේ රුසියානු තානාපති කාර්යාලය
කියුබාවට අත නොතබනු!එක්සත් ජාතීන්ගේ සංවිධානයේදී ලෝක ජනයා ඇමරිකාවට තදින් කියයි
පාස්කු ප්‍රහාර විමර්ශන කමිටු වාර්තාවලින් චෝදනා ලැබූ රවි, ශානි රජයේ ඉහළ තනතුරුවල රඳවා ගැනීම සදාචාරාත්මක ද? - ගෝලීය ශ්‍රී ලාංකික සංසදය ජනපති අනුරගෙන් අසයි
මග පෙන්වන විපක්ෂයක භූමිකාව ඉෂ්ඨ කිරීම වෙනුවෙන් මැතිවරණයට ඉදිරිපත් වෙනවා... තරුණ්‍යයේ හීන මියගිය බිමක එම හීන යථාර්ථයක් කිරීම වෙනුවෙන් කැප වෙනවා - උවිඳු මහනුවරදී කියයි
රන්ජන්ගේ පක්ෂය පුපුරයි! ඇතුළේ ගේම් රැසක් හෙළිවෙයි (වීඩියෝ)
රවි සහ ශානි පාස්කු ප්‍රහාරයේ විමර්ශන සිදු කළ යුතුම යැයි ආණ්ඩුව කියන්නේ ඊබ්‍රහීම්ව බේරගන්න... තමන්ගේ සගයන් බේරාගන්න ආණ්ඩුව රටේ නීතියේ ආධිපත්‍ය කුඩුපට්ටම් කරන්න සැරසෙනවා - ගම්මන්පිලගෙන් ආණ්ඩුවට දැඩි ප්‍රහාරයක් (වීඩියෝ)