ඊනියා සත්‍ය සෙවීමේ පනත මගින් රණවිරුවන් පාවාදීමේ දුෂ්ඨ මෙහෙයුම පරාජය කිරීම වෙනුවෙන් සර්වජන බලය, රණවිරු සංවිධාන සහ ජාතික සංවිධාන අතර එකඟතාව අත්සන් කෙරේ

Aug 29, 2024 at 11:50 AM

|

Lanka Leader

ඊනියා සත්‍ය සෙවීමේ පනත මගින් ආරක්ෂක හමුදා පාවාදීමේ දුෂ්ඨ මෙහෙයුම පරාජය කිරීම වෙනුවෙන් සර්වජන බලය, රණවිරු සංවිධාන සහ ජාතික සංවිධාන අතර එකඟතාව අත්සන් කිරීම අද (29) උදේ 9.00 ට  මිරිහාන - නුගේගොඩ (ජුබිලි කණුව අසල) රැෆල්ස් උත්සව ශාලාවේ දී සිදු විය.

මෙම අවස්ථාව වෙනුවෙන් සර්වජන බලයේ ජනාධිපති අපේක්ෂක දිලිත් ජයවීර, ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ, පාර්ලිමේන්තු මන්ත්‍රී ජයන්ත සමරවීර,  පාර්ලිමේන්තු මන්ත්‍රී ගාමිණී වලේබොඩ, පාර්ලිමේන්තු මන්ත්‍රී ගෙවිඳු කුමාරතුංග, ආචාර්ය ගුණදාස අමරසේකර, විශ්‍රාමික බ්‍රිගේඩියර් අතුල ද සිල්වා, දේශහිතෛෂී ජාතික ව්‍යාපාරයේ මහලේකම් වෛද්‍ය වසන්ත බණ්ඩාර, ගෝලීය ශ්‍රී ලාංකික සංසදයේ විධායක අධ්‍යක්ෂ කමල් ලියනගේ, නැගෙනහිර පළාත් හිටපු ආණ්ඩුකාර අනුරාධා යහම්පත්, නීතිඥ චරිත සිරිවර්ධන, නීතිඥ මධුමාලි අල්විස්, මහජන යුතුකම් කේන්ද්‍රයේ කැඳවුම්කරු වසන්ත අල්විස්, ස්පර් ඕස්ට්‍රේලියානු සංවිධානයේ කීර්ති ජයසූරිය, , ලක්මව දියණියෝ සංවිධානයේ ජාතික සංවිධායිකා ප්‍රියංගා කොතලාවල, නිමල් තිස්ස විජේතුංග, තුෂාර වීරසිංහ යන මහත්ම මහත්මීහු එක්ව සිටියහ.

මෙහිදී ගෝලීය ශ්‍රී ලාංකික සංසදයේ විධායක අධ්‍යක්ෂ කමල් ලියනගේ මහතා විසින් ගෝලීය ශ්‍රී ලාංකික සංසදය  මගින් සකස් කළ "රණවිරු විත්ති වාචිකය" සර්වජන බලයේ ජනාධිපති අපේක්ෂක දිලිත් ජයවීර මහතා වෙත පිළිගන්වනු ලැබූ අතර, ජාතික විද්වත් භික්ෂු සංසදය හා ජාතික සංවිධාන විසින් ඉදිරිපත් කළ " අනාගත ආණ්ඩුවක ප්‍රමුඛතා න්‍යායපත්‍රය නොහොත් 60 වැදෑරුම් සමාජ සම්මුතිය" ලියැවිල්ල ආචාර්ය ගුණදාස අමරසේකර මහතා විසින් දිලිත් ජයවීර මහතා වෙත පිළිගැන්වීම ද සිදු විය. 

ඡායාරූප පහළින්...