අද රට පුරා "තරුව" දිදුලන කොට මාලිමා නායකයන්ට ආණ්ඩුක්රම ව්යවස්ථාවේ 9 වැනි වගන්තිය මතක් වෙලා - විමල් වීරවංශ
බෞද්ධ ශිෂ්ටාචාරගත උරුමය මත පදනම්ව, සිංහල, දෙමළ, මුස්ලිම් ජාතික සමගිය වෙනුවෙන් කැප වූ මෙරට දෑහිතකාමී, දේශමාමක බලවේගයන්ගේ දේශපාලන කඳවුර වන සර්වජන බලයෙහි "තරු ලකුණ" අද රටම දිදුලමින් යන ගමන හමුවේ මෙතෙක් නිරාගමික ස්ථාවරයක සිට බුදු දහමට අපහාස කළ ජාතික ජන බලවේගයේ නායකයන්ට "ශ්රී ලංකා ජනරජය බුද්ධාගමට ප්රමුඛස්ථානය පිරිනමන්නේය..." යනුවෙන් සඳහන් ආණ්ඩුක්රම ව්යවස්ථාවෙහි 9 වැනි වගන්තිය රකින හැටි කතා කිරීමට සිදුව ඇතැයි සර්වජන බලය විධායක සභික, ජාතික නිදහස් පෙරමුණේ නායක, පාර්ලිමේන්තු මන්ත්රී විමල් වීරවංශ මහතා පවසයි.
මෙවර ජනාධිපතිවරණයට "තරුව" ලකුණෙන් තරග වදින, "සර්වජන බලය" දේශපාලන එකමුතුවෙහි අපේක්ෂක, මව්බිම ජනතා පක්ෂයේ නායක, ව්යවසායක, නීතිඥ දිලිත් ජයවීර මහතාට සහයෝගය පළ කිරීම පිණිස ඊයේ(25) සවස අනුරාධපුර කඩ පනහ පරිශ්රයේදී පැවති මහජන රැලිය අමතමින් විමල් වීරවංශ මහතා මෙසේ පැවසීය.
මෙම මහජන රැලිය අමතා, සර්වජන ජනාධිපති අපේක්ෂක දිලිත් ජයවීර ශ්රී ලංකාවේ කොමියුනිස්ට් පක්ෂයේ ප්රධාන ලේකම්, වෛද්ය ජී. වීරසිංහ, යුතුකම ජාතික සංවිධානයේ සභාපති, පාර්ලිමේන්තු මන්ත්රී ගෙවිඳු කුමාරතුංග, ප්රජාතන්ත්රවාදී වාමාංශික පෙරමුණේ නියෝජ්ය ලේකම් ජී. වී. ඩී. තිලකසිරි, ජාතික නිදහස් පෙරමුණේ දේශපාලන මණ්ඩල සභික, පාර්ලිමේන්තු මන්ත්රී ගාමිණී වලේබොඩ, මව්බිම ජනතා පක්ෂයේ නියෝජ්ය සභාපතිනි, නැගෙනහිර පළාත් හිටපු ආණ්ඩුකාර අනුරාධා යහම්පත්, පිවිතුරු හෙළ උරුමයේ නීති ලේකම් නීතිඥ භූපති කහතුඩුව, මව්බිම ජනතා පක්ෂයේ යාපනය දිස්ත්රික් සංවිධායක අරුන් සිද්ධාර්ත් යන මහත්ම මහත්මීහු ද අදහස් දැක්වූහ.
මෙහිදී වැඩිදුරටත් අදහස් දැක්වූ විමල් වීරවංශ මහතා මෙසේද සඳහන් කළේය.
"සර්වජන බලයේ 'තරුව' අනුරාධපුරයට පායන කොට අනිකුත් දේශපාලන පක්ෂවල පිංගුත්තරයන්ට තරු පෙනෙන්න පටන් අරන් තිබෙනවා. මේ 'තරුව' අනුරාධපුරයට පෑව්වේ දිදුලන තරුවක් වීමට මිසක් මිලාන වන තරුවක් වීමට නොවේ.
අගුපිල්වල ලැගලා හරි යයිද?
ඔබ දන්නවා, අපි මේ රටේ 'එක ප්රතිපත්තියක -;එක අරමුණක' සිට දේශපාලනය කරපු මිනිස්සු බව. අපි කිසිවිටෙකත් එහෙට මෙහෙට පැන්නේ නැහැ. අපි, රාජපක්ෂලා රනිල් වික්රමසිංහලාගේ දංකුඩ ලෙවකන කොට ඒ දංකුඩ කන සමාගම අතඇරලා ආපු මිනිස්සු; ඇමතිකමින් දොට්ට දානකොට බය නැතුව විරුද්ධ පක්ෂයේ වාඩි වුණු මිනිස්සු. අපි කිසිවිටකත් 'ඩල්ල ඩලා' වගේ, 'දයාබර සිරි' වගේ, තව එවැනි බොහෝ අය වගේ එක එකාගේ අගුපිල්වල ලගින්න ගියේ නැහැ. මේ රටේ ආර්ථික - දේශපාලන අර්බුදයට උත්තර හොයන ඔබ, අපෙන් ඉල්ලන 'යුතුකම - වගකීම' එවැන්නක් ද? මේ රටේ අනුරාධපුර මහා විහාර සම්ප්රදාය ගොඩනඟපු 'ඓතිහාසික සභ්යත්වයට' දණ නමා වන්දනාමාන කරන ඔබ අපෙන් ඉල්ලන 'යුතුකම - වගකීම' එය නොවන බව අප දන්නවා. දේශපාලන පක්ෂ සහ ජාතික සංවිධාන 07ක් එකමුතු වෙලා සර්වජන බලය ගොඩනැඟුවේ ඔබ අපෙන් ඉල්ලා සිටින 'යුතුකම හා වගකීම' ඉටුකරලන්නයි.
9 වන වගන්තිය මතක් වුණු මාලිමා නායකයෝ
දැන් 'ශ්රී ලංකා ජනරජය බුද්ධාගමට ප්රමුඛස්ථානය පිරිනමන්නේය...' යනුවෙන් සඳහන් ආණ්ඩුක්රම ව්යවස්ථාවේ 9 වැනි වගන්තිය ගැන මෙච්චර කාලයක් කතා නොකරපු ජාජබ උන්දැලාත් ඒ ගැන කතා කරන්න පටන් අරන් තිබෙනවා. මීට මාස හය - හතකට කලින් ජාජබ බිමල් රත්නායක උන්නැහේ 'ශ්රී ලංකාව අනාගමික රාජ්යයක්!' කියල බීබීසී එකට කියනවා මම අහගෙනයි. ඒ වගේම ගාල්ලේ ජාජබ නලින් හේවගේ උන්නැහේ කියමින් ගියා, 'බුදු හාමුදුරුවෝ බෝ ගහකට පිටදුන්නු එක හොඳයි. කොස් ගහකට පිටදුන්නා නම් අපට කොස් ගෙඩියක්වත් කන්න වෙන්නේ නැහැ' කියා. එහෙම කියපු ජාජබ උන්දැලා දැන් එක පාරටම ආණ්ඩුක්රම ව්යවස්ථාවේ 9 වැනි වගන්තිය රකින හැටි කතා කරන්නේ ඇයි? ඒ තමයි සර්වජන බලයේ බලපෑම.
පාවෙන 35%-40%ට...
දැන් සජිත් ප්රේමදාස මහත්තයා නම් 'අලි එලවන මන්තරයක්' ජප කරමින් ඉන්න බවයි පෙනෙන්නේ. අනෙක් අතට වික්රමසිංහ මහත්තයාගේ ආයු කාලය අවසන් වෙලයි තියෙන්නේ. උන්දැට 'පන්දම' අල්ලන්න ගිය පොහොට්ටුවො, 'අපේ අනාගතයට කුමක් වේවි ද? කියලා අන්දමන්ද වෙලා ඉන්නවා. මේ දවස්වල මේ රටේ ජනාධිපතිවරණය පිළිබඳව කෙරෙන කවර ජනමත විමසුමකදී වුවත් ලැබෙන ප්රතිඵලය තමයි, '35‰-40% අතර ඡන්දදායකයන් ප්රමාණයක් තම ඡන්දය ප්රකාශ කරන්නේ කාටදැයි මෙතෙක් තීරණය කර නැත' කියන එක. ජවිපෙ මොන 'බට්ටා' ගහගෙන ආවත් සජිත් ප්රේමදාස මොන ලකුණෙන් ආවත් රනිල් වික්රමසිංහ 'ගෑස් සිලින්ඩරය' කරේ තියාගෙන ආවත් 'තීන්දු කරන්න බැරිය' කියලයි ඒ අය කියන්නේ. සියයට තිස්පහක්- හතළිහක් තීන්දුවක් ගන්න 'වෙලාව' එනකන් තමයි බලා ඉන්නේ.
ඉතිහාසයේ මුල් වරට සර්වජන බලයෙන්...
විශේෂයෙන් ඒ පිරිසට සහ මේ රටේ සියලු ඡන්දදායකයින්ට අපි කියන්න කැමතියි. මෙතෙක් මේ රටේ දේශපාලන ඉතිහාසයෙහි නොවුණු දෙයක් සර්වජන බලය හැටියට මෙවර ජනාධිපතිවරණයේදී අපි සිදුකර තිබෙනවා. ඒ තමයි 'මැතිවරණ ප්රතිපත්ති ප්රකාශනයක් වෙනුවට ජනතාවගේ, ආගමික නායකයන්ගේ, ව්යවසායකයන්ගේ, විද්වතුන්ගේ අදහස් ඇතුළත් උපායමාර්ගික සැලැස්මක් ඔබ හමුවේ තැබීම. ඒ උපායමාර්ගික සැලැස්මේ පළමු කෙටුම්පත අපි සර්වජන බලය විධායක සභාව ලෙස ඔබ හමුවේ තැබුවා. දෙවන කෙටුම්පත සකස් කළේ පළමු කෙටුම්පත සඳහා රට පුරා මහජනයාගෙන් ලැබුණු අදහස් යෝජනා ද ඇතුළත් කරලයි. දෙවන කෙටුම්පත අපි මහා සංඝරත්නය ඇතුළු ආගමික නායකයන්ට, විද්වත් වෘත්තිකයන්ට, ව්යවසායකයන්ට ඉදිරිපත් කර තිබෙනවා. මෙවර ජනාධිපතිවරණය සඳහා මැතිවරණ ප්රකාශනයක් වෙනුවට සර්වජන අපේක්ෂක දිලිත් ජයවීර සහෝදරයා ඉදිරිපත් කරන රට ගොඩනඟන උපායමාර්ගික සැලැස්ම සකස් වන්නේ මේ දෙවන කෙටුම්පත සඳහා ලැබෙන අදහස් යෝජනා ඇතුළත් කරලයි.
අපි මෙවර ජනාධිපතිවරණයේදී ඒ විදියට මහජනයාගේ අදහස් යෝජනා අරගෙන හදපු, 'මේ වැටුණු රට ගොඩනඟන්නේ කොහොමද?' කියන අපේ උපායමාර්ගික සැලැස්ම රට හමුවේ තබනවා. එය මේ රටේ දේශපාලන සංස්කෘතියට නවමු අත්දැකීමක්. ඔබ දන්නවා දැන් සමහරු ඉදිරිපත් කර ඇති මැතිවරණ ප්රකාශනවල තිබෙනවා, ' වැට් බදු අඩු කරනු ලැබේ!' කියලා. තවත් එකක තිබෙනවා, 'වැටුප් වැඩි කරනු ලැබේ!' කියලා. නමුත් බදු අඩු කළාම අහිමි වන ආදායම උපයාගන්නා ආකාරය, වැටුප් වැඩි කිරීමට ආදායම උපයාගන්නා ආකාරය මේවායේ නැහැ. නමුත් සර්වජන බලය උපායමාර්ගික සැලැස්මෙන් වැටුප් වැඩි කරන ආකාරයත් කියනවා; ඒ සඳහා ආදායම් හොයන ආකාරයත් කියනවා.
මේ ඓතිහාසික අනුරාධපුර නගරයේ සිට අපි සපථ කරනවා, 'මේ ජනාධිපතිවරණ සටන තරුව ලකුණෙන් දිලිත් ජයවීර ජයග්රහණය කළාම අනුරාධපුර ඔබගේ පමණක් නොවෙයි සකල ශ්රී ලාංකිකයන්ගේම සකල දුක් වේදනාවන්ට අපි විසඳුම් දෙනවා' කියා. ගෝඨාභය රාජපක්ෂ ජනාධිපතිවරයා ගෙනාවෙත් අපි එහෙම බලාපොරොත්තු තියාගෙන. නමුත් ඔහු ලැබුණු ජනවරමට පිටුපස හරවලා පලා ගියා. නමුත් අපි කෙසේ හෝ තමුන්නාන්සේලාගේ දුක් වේදනාවන්ට විසඳුම් දෙනවා කියන අධිෂ්ඨානයෙන් තමා විපක්ෂයේ වාඩි වුණේ. සර්වජන බලයේ ඉන්නේ අතන මෙතන ලැගලා තමන්ගේ ප්රතිපත්තිය පාවලා දීපු මිනිස්සු නොවෙයි. නමුත් අනුර දිසානායකලා දිහා හොඳට බලන්නකෝ! එදා 2004 දී කෘෂිකර්ම, වාරිමාර්ග, පශුසම්පත් ඇමති විදිහට චන්ද්රිකා කුමාරතුංග ජනාධිපතිනිය ගාව ලැග්ගා. 2010 දී ජනාධිපතිවරණයට සරත් ෆොන්සේකා පොදු අපේක්ෂකයා කරලා කර තියාගෙන ආවා. 2015 දී සිරිසේන ජනාධිපතිවරයා සහ රනිල් වික්රමසිංහ අගමැතිවරයා ගාව නොනිල විදියට ලැග්ගා. ඔවුන්ගේ දින 100 ආණ්ඩුවේ හිටියා. 'හොරු අල්ලන කමිටුවේ' ප්රධානියා වෙලා හිටියා. එයාලා නොලැග්ග තැනක් නැහැ. නමුත් සර්වජන බලයේ ඉන්නේ තමන්ගේ ජාතිකවාදී ප්රතිපත්තිය අංක එකට රැකපු මිනිස්සු. ඒ විදිහට ප්රතිපත්ති රැකපු අපි තමුන්නාන්සේලාට කියනවා, 'ලක් මාතාව ඇද වැටී තිබෙන අගාධයෙන් ගොඩගන්න ඕනෑ නම් මෙතැන තමයි තැන' කියලා.
මෙහේ ඉන්න බයිඩන්ලා වැනෙනවා!
අපි දුටුවා, ඇමරිකා එක්සත් ජනපදයේ ඩොනල්ඩ් ට්රම්ප් සහ ජෝ බයිඩන් යන ජනාධිපති අපේක්ෂකයන් තමන්ගේ ප්රතිපත්ති ප්රකාශන පිළිබඳව විවාද කළ ආකාරය. විවාදයෙන් පැරදුනු බයිඩන්ට තමන්ගේ පක්ෂයේ අපේක්ෂකත්වයත් අහිමි වුණා. සර්වජන අපේක්ෂක අපේ දිලිත් ජයවීර සහෝදරයාත් මෙරට ප්රධාන අපේක්ෂකයන් සියලුදෙනාට තම ප්රතිපත්ති ප්රකාශනත් රැගෙන විවාදයට එන්න කියලා ඇරයුම් කළාට එයාලා දිගින් දිගටම ඒ විවාදය මඟ හරිනවා. අපට පෙනෙන්නෙ විවාදයට ආවොත් තමන්ගේ අපේක්ෂකත්වය අහිමි වෙයි කියලා බයේ මෙහේ ඉන්න බයිඩන්ලා වැනෙමින් සිටින බවයි.
ඒ නිසා අපි වෛරයෙන් නොවෙයි ඔළුවෙන් හිතලා නිවැරදි තීරණය ගත යුතුයි. නිවැරදි තීන්දුවක් ගෙන රට ගොඩනගන සැබෑ ගමනට එක්වෙමු! සර්වජන බලය තරු ලකුණ ඉහළින් ඔසවා තැබීමට ඔබ සැමට ධෛර්යය සහ ශක්තිය ලැබේවා! කියා පතනවා."
මාධ්ය අංශය,
සර්වජන බලය
සම්බන්ධිත පුවත් | Related News
ප්රධාන පුවත්
රටේ ආර්ථික අර්බුදයේ ඇත්තම කතාව වෛද්ය වසන්ත බණ්ඩාර හෙළිකරයි..
එක් නඩුවකින් සරණ ගුණවර්ධනට බරපතල වැඩ සහිත වසර 04 ක සිර දඬුවම්..
සුරේෂ් සලේ වෙනුවෙන් පවත්වන සත්යග්රහයට දේශහිතෛෂී ජාතික ව්යාපාරයත් එක්වෙයි..
සලේගේ විමර්ශනවලට අදාළව මානව හිමිකම් කොමිසමෙන් CIDයට කැඳවීමක්..
පාස්කු ප්රහාරයේ නියම සත්ය කියන්නේ මාලිමාවට අවශ්ය සත්ය නෙවෙයි.. සහරාන් වරෙන්තු වී සිටියදී මඩකලපුව අධිකරණයට හංගගෙන ආපු නීතිඥයා ගැනත් හෙළිකරන්න.. - සිරිල් ගාමිණී පියතුමාට පොහොට්ටුවෙන් ප්රතිචාර
සුරේෂ් සලේගේ ආරක්ෂාව වෙනුවෙන් දියත් කර ඇති සත්යග්රහයට උපරිමයෙන් දායක වන්න.. - ජාතික සංවිධාන එකමුතුවෙන් ඉල්ලීමක්
ආගමික නායකයින් පාස්කු ප්රහාරය හරහා දේශපාලනය කරනවා.. - සුරේෂ් සලේගේ මව සත්යග්රහයට එක්වෙමින් කියයි
ගින්දරත් එක්ක සෙල්ලම් නොකරනු! පිලිපීන දේශපාලනඥයන් කිහිප දෙනෙකුට අනතුරු ඇඟවීමක්! ග්ලෝබල් ටයිම්ස් කතුවැකිය"
සලේ වෙනුවෙන් අඛණ්ඩ සත්යග්රහය ආරම්භ වෙයි..
සුරේෂ් සලේගේ බිරිඳගෙන් CID අධ්යක්ෂ ශානිට ලිපියක්..
මේ පිරිමහන්නේ නන්දිකඩාල් පරාජයේ වෛරයයි.. මාලිමාවේ ඊබ්රාහිම් නිදොස් කොට රණවිරු සලේ පාස්කු පාස්කු ප්රහාරයේ “කුරුසය” මත තබා ඇන ගසන්නට ඉඩ නොදෙනු! - විමල්ගෙන් සටහනක්
සලේ වෙනුවෙන් අද සිට අඛණ්ඩ සත්යග්රහයක්..
සුරේෂ් සලේ රෝගී තත්ත්වයකින් කොළඹ ජාතික රෝහලට..
වීදුරු ගෙවල් වල හිඳිමින් අනුන්ට ගල් ගහන්න එපා!- ශ්රී ලංකාවේ රුසියානු තානාපතිගෙන් ශ්රී ලංකාවේ යුරෝපා සංගමයේ නියෝජිතයන්ට අවවාදයක්
යාපනයේ ජාතිවාදය අවුස්සන හැටි මෙන්න.. ආණ්ඩුව මොකද කියන්නේ? - අරුන් සිද්ධාර්ත්
ආණ්ඩුවේ ආයුෂ උතුරු නැගෙනහිර පළාත් සභා ඡන්දය තියන තුරු විතරයි.. - වෛද්ය වසන්ත බණ්ඩාර