යහපාලන ආණ්ඩුව යටතේ හොරු ඇල්ලීමේ වගකීම භාරගත්තේ ජනතා විමුක්ති පෙරමුණ... ඒත් හොරු අල්ලගත්තේ නැහැ.... මීයෝ ඇල්ලන්න නම් දත් තිබෙන බළලෙකු සිටිය යුතුයි - ජනපති රනිල් කියයි
තමන් සමඟ සිටින ආර්ථික කණ්ඩායම අභිබවා යා හැකි කණ්ඩායමක් වෙනත් කිසිදු පක්ෂයක නොමැති බව ජනාධිපති රනිල් වික්‍රමසිංහ මහතා පවසයි.
එම පක්ෂවල සිටින ඇතැමුන් තමන් විසින් දේශපාලනයට ගෙන ආ පුද්ගලයන් බැවින් තමා ඒ බව හොඳාකාරව දන්නා බව සඳහන් කළ ජනාධිපතිවරයා, සටන තිබෙන්නේ ජනාධිපතිවරයා කවුරුන්ද යන්න පිළිබඳව නොව, ජනතාව ජීවත් කරවීම පිළිබඳව බවත්, මෙවර ඡන්දය ලබාදිය යුත්තේ ගෑස් සිලින්ඩර් සොයමින් ගිය යුගයෙන් ඉවත් වීම සඳහා බවත් සඳහන් කරයි.
ජනාධිපති රනිල් වික්‍රමසිංහ මහතා මේ බව සඳහන් කළේ නීතිඥ වෘත්තීයවේදීන් සමඟ ඊයේ කොළඹ ටාජ් සමුද්‍රා හෝටලයේ පැවති හමුවට එක් වෙමිනි.
‘ආර්ථික ස්ථාවරත්වය වෙනුවෙන් නීතිඥයෝ ’ යන තේමාව යටතේ සංවිධානය කර තිබූ මෙම හමුවට ජේ්‍යෂ්ඨ ජනාධිපති නීතිඥවරුන්, ජ්‍යෙෂ්ඨ නීතිඥයින් ඇතුළු නීතිඥ ප්‍රජාව නියෝජනය කරන විශාල පිරිසක් එක්ව සිටියහ.
හොරු ඇල්ලීම පිළිබඳව එල්ල කරන චෝදනා පිළිබඳව ද මෙහිදී අදහස් දැක්වු ජනාධිපතිවරයා 2015 වසරේ යහපාලන ආණ්ඩුව යටතේ හොරු ඇල්ලීමේ වගකීම භාරගත් ජනතා විමුක්ති පෙරමුණ පොලිස් නිලධාරියකු හෝ නීතිඥයකු ද නොවූ ආනන්ද විජේපාල මහතාව ඒ සඳහා පත් කර ගනිමින් ලිපිගොනු 400ක් ගෙන ක්‍රියා කළ බව පැවසීය.
අග්‍රාමාත්‍යවරයා ලෙස තමා සිදු කළේ එම කටයුතු සඳහා ප්‍රතිපාදන සැපයීම පමණක් බව පැවසූ ජනාධිපතිවරයා මීයෝ ඇල්ලීමට නම් දත් තිබෙන බළලෙකු සිටිය යුතු බවත් බළලාට දත් නැත්නම් තමාට බැණ වැදී ඵලක් නොවන බවත් කියා සිටියේය.
මෙහිදී වැඩිදුරටත් අදහස් දැක්වූ ජනාධිපති රනිල් වික්‍රමසිංහ මහතා මෙසේ ද පැවසීය.
“අද ඔබ සියලු දෙනා මෙතැනට පැමිණීම පිළිබඳ පළමුවෙන්ම මගේ ස්තූතිය පිරිනමනවා. අපි මෙතැනට පැමිණ සිටින්නේ පොදු වැඩ කටයුත්තකටයි. සියලුදෙනා එක්ව මේ රට ආරක්ෂා කර ගැනීමටයි.
ජේ. ආර්. ජයවර්ධන ජනාධිපතිතුමා එදා මට කිව්වේ බලයේ හිඩැසක් තියන්න එපා කියලයි. ඒකයි මම එදා ගිහින් අගමැතිකම භාරගත්තේ. එදා රටේ පැවති තත්ත්වය දිගටම තිබුණානම් ඇතිවිය හැකිව තිබූ තත්ත්වය අමුතුවෙන් කිවයුතු නැහැ. බංග්ලාදේශයේ ඒ හිඩැස තිබුණා. ෂෙයික් හසිනා මැතිනිය පිටවී යද්දී ආණ්ඩුව ඉදිරියට ගෙන යන්නේ කොහොමද කියා ඔවුන්ට අදහසක් තිබුණේ නැහැ. ඒ හිඩැස නිසා ඔවුන්ට විශාල පාඩුවක් සිදුවේවි.
එදා මේ රටේ අගමැතිකම භාර ගන්න කිසිවෙක් ඉදිරිපත් වුණේ නැහැ. නමුත් මම පාර්ලිමේන්තුවේ තනි ආසනයක් තිබූ මන්ත්‍රීවරයෙක්. මට කිව්වා අගමැතිකම භාරගන්න කියලා."
සම්බන්ධිත පුවත් | Related News
ප්‍රධාන පුවත්
අල්ලස් කොමිසමෙන් එළියට ආ රනිල් මාධ්‍ය හමුවක් පවත්වා ජනපති අනුරගේ හඬ පටයකුත් එළියට දමයි (වීඩියෝ)
ඉන්දු-ලංකා ගිවිසුම් යටතේ එන ව්‍යාපෘතිවලට නඩු දාන්න බැරි විදිහට මුක්තියක් ලබාදීලා... - ගම්මන්පිල හෙළිකරයි
තීරුබදු අර්බුදයෙන් ගැලවෙන්න ලංකාව අමෙරිකාවෙන් යෝජනා ඉල්ලයි.. බද්ද අඩුකරනවා නම් වාහන, ඉන්ධන, ගෑස් මිලට ගන්නම් කියයි..
මහකොමසාරිස් සන්තෝෂ් ජා හදිසියේ රනිල්-මහින්ද හමුවූ හේතුව එළියට..
රනිල් අද අල්ලස් කොමිසම හමුවට..
ලංකාව ඉන්දියානු බලහත්කාරයේ ගොදුරක් බවට පත්කරමින් ඉන්දියාව විසින්ම සකසා අනුරට අත්සන් කිරීමට පමණක් ලබාදුන් ගිවිසුම් 7න් සිදුවෙන විනාශය මෙන්න.. (වීඩියෝ)
ගම්මන්පිල එළියට දැමූ ඉන්දු - ලංකා රහස් ගිවිසුම් මෙන්න..
උසස් පෙළ විභාගයේ ප්‍රතිඵල නිකුත් වෙයි..
ඉන්දු - ලංකා රහස් ගිවිසුම් ගම්මන්පිල එළියට දමයි.. (වීඩියෝ)
ශ්‍රී ලංකාව ඉන්දියාව සමඟ රහස් ගනුදෙනු කරනවාද? - ජාතිකවාදී සංවිධාන ඉන්දු-ලංකා ආරක්ෂක ගිවිසුම සම්පූර්ණයෙන් හෙළිදරව් කරන ලෙස ඉල්ලා සිටී
කොළඹ ඩොක්යාඩ් සමාගමේ 52%ක කොටස් ඉන්දියානු යුද නෞකා නිෂ්පාදන සමාගමකට ලබාදීමේ සූදානමක්..
සම සෞඛ්‍ය උපාධිධාරීන්ට 'දැනුම මිනුම' ප්‍රශ්න ප්‍ත්‍රයකට පෙනී සිටින්න මාලිමාවෙන් බලපෑම් කරලා.. CIDයට පැමිණිල්ලක්..
ජනපති අනුරගේ ලිපියට ඇමරිකාවේ ප්‍රතිචාරය මෙන්න..
යුක්රේන හමුදා රුසියානු සිවිල් ජනයා ඉලක්ක කර රසායනික අවි ප්‍රහාර එල්ල කළ අවස්ථා 400ක සාක්ෂි අනාවරණය වේ
මාලිමාව ඉන්දියාව සමඟ අත්සන් කර ඇති “හොර ගිවිසුම” නිසා පකිස්තාන ඉන්දීය ගැටුමට ලංකාව මැදිහත් වීමේ අවදානමක්..
තැපැල් ඡන්දය සලකුණු කිරීමේ දෙවන දිනය අද..