![](https://lankaleader.com/runningimages/candidate/lankaleader/site_image/312621018987537.jpg)
රුසියාවේ කර්ස්ක් කළාපයේ යුක්රේන හමුදා ආක්රමණ සම්බන්ධයෙන් ශ්රී ලංකාවේ ජන මාධ්ය නිවැරැදි වාර්තාකරණයක යෙදී නැහැ- ශ්රී ලංකාවේ රුසියානු තානාපති කාර්යාලය
ශ්රී ලංකාවේ ජන මාධ්යය වල රුසියාවේ කර්ස්ක් කලාපය ඉලක්ක කර යුක්රේන හමුදා එල්ල කරන ආක්රමණික ප්රහාර සම්බන්ධයෙන් නිවැරැදි තොරතුරු වාර්තා කර නොමැති බව ශ්රී ලංකාවේ රුසියානු තානාපති කාර්යාලය අද (19) නිවේදනයක් නිකුත් කරමින් පවසා සිටියි. ශ්රී ලංකාවේ ජන මාධ්ය ප්රවෘත්ති උපුටාගත් මාධ්යවල කතුවරුන්ගේ මතය අනුව රුසියානු සමූහාණ්ඩුවේ භූමිය තුළ යුක්රේන හමුදා කළ ආක්රමණය "කියෙව් පාලන තන්ත්රයේ සටන්කාමීන්ගේ ආත්ම විශ්වාසය ඉහළ යනවා මෙන්ම සාර්ථකව සිදුවෙමින් පවතී". කෙසේ වුවද සත්ය තත්වය ඊට හාත්පසින්ම වෙනස් බව පවසන ශ්රී ලංකාවේ රුසියානු තානාපති කාර්යාලය, ශ්රී ලංකාවේ ජනමාධ්ය සහ ශ්රී ලංකාවේ ජනයා වෙනුවෙන් රුසියානු විදේශ අමාත්යාංශයේ ප්රකාශිකා මාරියා සකාරෝවා ඉදිරිපත් කළ සංඛ්යා ලේඛන සහ ප්රකාශ උපුටා දක්වන බවද පවසයි. සම්පූර්ණ මාධ්ය නිවේදනය පහතින්...
මාධ්යය නිවේදනයයි
කොළඹ රුසියානු තානාපති කාර්යාලය
2024 අගෝස්තු 19
කර්ස්ක් කලාපය අවට යුක්රේන ත්රස්තවාදී ක්රියාකාරකම් පිළිබඳව වන නිවේදනයයි !
යුක්රේන හමුදා මෙහෙයුම් සාධාරණීකරණය කිරීමට මෙන්ම කර්ස්ක් කලාපයේ තත්ත්වය වැරදි ලෙස සමාජගත කරන ශ්රී ලංකාවේ ජන මාධ්යවල මෑත කාලීන හැසිරීම් කිහිපයක් පිළිබඳව ශ්රී ලංකාවේ රුසියානු තානාපති කාර්යාලය අවධානය යොමු කරණු ලැබීය. ශ්රී ලංකාවේ ජන මාධ්ය ප්රවෘත්ති උපුටාගත් මාධ්යවල කතුවරුන්ගේ මතය අනුව රුසියානු සමූහාණ්ඩුවේ භූමිය තුළ යුක්රේන හමුදා කළ ආක්රමණය "කියෙව් පාලන තන්ත්රයේ සටන්කාමීන්ගේ ආත්ම විශ්වාසය ඉහළ යනවා මෙන්ම සාර්ථකව සිදුවෙමින් පවතී". කෙසේ වුවද සත්ය තත්වය ඊට හාත්පසින්ම වෙනස් බැවින්, ශ්රී ලංකාවේ ජනමාධ්ය සහ ශ්රී ලංකාවේ ජනයා වෙනුවෙන් රුසියානු විදේශ අමාත්යාංශයේ ප්රකාශිකා මාරියා සකාරෝවා ඉදිරිපත් කළ සංඛ්යා ලේඛන සහ ප්රකාශ පහතින් උපුටා දක්වමු.
ඒ අනුව රුසියානු දේශසීමාවේ ඇත්ත වශයෙන්ම සිදුවෙමින් පවතින දේ සහ යුක්රේන ජනපති සෙලෙන්ස්කිගේ නවතම ලේ වැකි අනර්ථ ක්රියාවේ සැබෑ ඉලක්ක මොනවාද යන්න පිළිබඳව ශ්රී ලාංකික මහජනයාගේ අවධානය යොමු කිරීම වෙනුවෙන් ඒ වෙත ආලෝකය යොමු කරමු.
“සාපරාධී සහ නීත්යානුකූල නොවන සෙලෙන්ස්කිගේ පාලන තන්ත්රය එහි පිරිසිදු නවනාසි ස්වභාවය ලොවට හෙළිදරව් කරනු ලබයි. යුක්රේන සන්නද්ධ හමුදාවන් තම අසාර්ථක වූ ඩොන්බාස් හි සිදු කළ මෙහෙයුම් වල තත්ත්වය සැලකිල්ලට ගනිමින්, යුක්රේන බලධාරීන් කර්ස්ක් කලාපයේ දේශසීමා ආශ්රිතව ත්රස්තවාදී ප්රහාරයක් දියත් කර ඇත. අගෝස්තු 8 වන දින යුක්රේන ජනාධිපති කාර්යාලයේ ප්රධානියාගේ උපදේශක මිහායිල් පොඩොල්යාක් විසින් නිර්ලජ්ජිතව පිළිගත් පරිදි, මෙම ප්රහාරය දිගුකාලීනව ඔවුන් සාකච්ඡා වලට එළඹීමට ගන්නා පදනමේ තත්ත්වය වැඩිදියුණු කිරීමට අදහස් කරන්නේ යැයි කියෙව් පරිපාලනය විවෘතව ප්රකාශ කළේය."
“ලැබෙමින් තිබෙන වාර්තාවලට අනුව, කියෙව් පාලන තන්ත්රය කර්ස්ක් න්යෂ්ටික බලාගාරය ඉලක්ක කර ප්රහාරයක් සඳහා සූදානම් කිරීමක් දියත් කර ඇත.
විශේෂයෙන්ම එක්සත් ජාතීන්ගේ සංවිධානය ඇතුළු ජාත්යන්තර සංවිධානවලින් සහ ජාත්යන්තර පරමානු බලශක්ති අධිකාරිය වෙතින් රුසියාව ඉල්ලා සිටින්නේ, කියෙව් පාලන තන්ත්රයේ ප්රකෝපකාරි ක්රියාවන් වහා හෙළා දකින ලෙසත්, කර්ස්ක් න්යෂ්ඨික බලාගාරයෙ හි න්යෂ්ටික නිරුපද්රිතතාව සහ එහි ආරක්ෂාවට තර්ජනයක් වන ඕනෑම තර්ජනයක් වැළැක්වීමට පියවර ගන්නා ලෙසත් ය. එම බලාගාරයට යම් විදියකින් ප්රහාරයක් එල්ල වුවහොත් එය මිනිසා විසින් යුරෝපයේ නිර්මානය කරන ලද විශාලතම ව්යසනයට තුඩු දිය හැකිය."
යුක්රේනය පවසා සිටින පලායාමේ සාර්ථකත්වය සම්බන්ධයෙන් අවබෝධයක් ලබා ගැනීමට රුසියානු ආරක්ෂක අමාත්යාංශය ඉදිරිපත් කරන දත්ත කෙරෙහි අවධානය යොමු කළ යුතුය. රුසියානු ආරක්ෂක අමාත්යාංශය ඉදිරිපත් කරන සංඛ්යා ලේඛන වලට අනුව, අගෝස්තු 18 වන විට කියෙව් හමුදාවන්ට කර්ස්ක් මෙහෙයුමේදී පුද්ගලයින් 3460 ක්, යුද ටැංකි 50 ක්, පාබල සටන් වාහන 25 ක් අහිමි වි තිබේ.
සන්නද්ධ පිරිස් ප්රවාහනය කරන වාහන 45 ක්, සන්නද්ධ වාහන 262 ක් සහ සාමාන්ය වාහන 115 ක් ගුවන් යානා නාශක මිසයිල පද්ධති කිහිපයක් සහ රොකට් ප්රහාර දියත් කරන පද්ධති කිහිපයක් ද විනාශ වී තිබේ.
යුද ගැටුම් මෙන්ම යුද ආතතිය තවමත් පවතී. පසුගිය පැය 24 තුළ රුසියානු හමුදාව යුක්රේන බලසේනා 4 ක ප්රහාර මැඩපවත්වා තිබේ. කෙසේ වෙතත්, යුද බිමේ තත්වය කියෙව් හමුදාවන්ට වාසි සහගත යැයි පැවසීම සත්ය තත්වයෙන් බොහෝ සේ දුරස් ය. සතුරන්ගේ අපේක්ෂාවන් කුමක් වුවත්, රුසියානු ජනතාවගේ ආත්ම විශ්වාසය හා එකමුතුකම අඩපණ වෙනවා වෙනුවට මේ වන විට වඩා ශක්තිමත් වී තිබේ. ජනාධිපති ව්ලැඩිමීර් පුටින් අගෝස්තු 12 වැනි දින ප්රකාශ කළ පරිදි, සාමකාමී ජනතාවට සහ සිවිල් වැසියන්ගේ දේපල වලට තෝරා බේරා ගැනීමකින් තොරව පහර දෙන සහ න්යෂ්ටික බලාගාර වල නිරුපද්රිතතාවයට තර්ජනය කරන අය සමඟ රුසියාව කිසිදු සාකච්ඡාවක් පවත්වන්නේ නැත.
-ශ්රී ලංකාවේ රුසියානු තානාපති කාර්යාලය
On events around the Ukrainian terrorist actions in the Kursk region
සම්බන්ධිත පුවත් | Related News
ප්රධාන පුවත්
"ඒකීයභාවයේ කොඩිය - ජාතික සමගියේ කොඩිය" රැඳුණු එකම දේශපාලන කඳවුරෙහි අපේක්ෂකයා, දිලිත් ජයවීර දිනවීමට පෙරට එන්න! - දෑහිතකාමී, ප්රගතිශීලී සියලු බලවේග වෙතින් විමල් ඉල්ලයි
ශ්රී ලංකාවේ ඒකීයත්වය සහ බුද්ධ සාසනයට අත නොතබනු! - පූජ්ය අගුලුමැල්ලේ සිරි ජිනාන්ද හිමි (වීඩියෝ)
එක්සත් ජනපදය 'ඉතා ඉක්මනින් බංකොලොත් වෙනවා' - එලොන් මස්ක්
බටහිරයන්ගේ බලපෑමෙන් ලංකාවට යවන්න ගෙනා රුසියානු පොටැෂ් පොහොර ටොන් 55,000ක් සහිත නෞකාව ලැට්වියාවේ රීගා වරායේ සිරවී වසරකට වැඩියි - ලංකාවේ රුසියානු තානාපති කරුණු පැහැදිලි කරයි
රණසිංහ ප්රේමදාස සුළු ජාතික ඡන්දවලට කෑදරවී සුුළු ජාතික පක්ෂ සමග දැමූ ඩීල් - ජනාධිපතිවරණ ඩීල් ගණන් හිලව් සහිතව ජ්යෙෂ්ඨ නීතිඥ කල්යානන්ද තිරාණගම හෙළිකරයි (වීඩියෝ)
ලංකාව ගැන මානව හිමිකම් කවුන්සිලය ඉදිරිපත් කළ වාර්තාව යුරෝපා සංගමය පිළිගනී... මානව හිමිකම් උල්ලංඝනය වීම් සම්බන්ධයෙන් ස්වාධීන පරීක්ෂණයක් ඕනෑ බව බ්රිතාන්ය කියයි
2009 දී එල්.ටී.ටී.ඊ බෙදුම්වාදී ත්රස්තවාදය අවසන් නොකළා නම් අද රටට සිදුවන්නේ කුමක්ද? - රණවිරුවන් දඩයම් කිරීමට ක්රියාත්මක මෙහෙයුම ගැන විශ්රාමික ලුතිතන් ජෙනරාල් ජගත් ඩයස්ගෙන් අනාවරණයක් (වීඩියෝ)
"රනිල් - සජිත් - අනුර තුන් කට්ටුවේ" ප්රතිපත්ති ප්රකාශන ඇතුළට බටහිරට වුවමනා ප්රතිපත්ති ටික රිංගවලා අවසන්... කාට කතිරේ ගැහුවත් ප්රතිඵලය එකයි! - විමල් වීරවංශ
අග්නිදිග යුක්රේන ප්රදේශවල පෙර ජීවත්වූ ජනතාවට රුසියානු සමූහාණ්ඩුවේ කොටසක් වීමට තිබූ ස්වයං නිර්ණ අයිතිය, පලස්තීන ජාතියට තම පැවැත්ම තීරණය කිරීමට ඇති ස්වයං නිර්ණ අයිතියට සැම අතින්ම සමානයි - කොළඹ රුසියානු තානාපති කාර්යාලයෙන් නිවේදනයක්
කියුබාව ත්රස්තවාදී ලැයිස්තුවෙන් ඉවත් කරන්න - ප්රංශ ජාතික විද්වතෙකු වන ඉග්නාෂියෝ රමොනෙට්, අමෙරිකානු ජනපතිගෙන් ඉල්ලයි
පුනර්ජනනීය බලශක්තිය හරහා වසරකට රුපියල් බිලියන 125 ක් රටට ඉතිරි කර දුන්නා - කීර්ති වික්රමරත්න
අරගලයෙන් සල්ලං වුනු බංග්ලාදේශයේ ඉන්ධනත් නෑ, විදුලියත් නෑ... ණය වාරික ගෙවන්න සල්ලිත් නැහැ
මාලිමාවේ යැයි කියූ විශ්රාමික හමුදා සාමාජිකයා කළ තර්ජනය ගැන CIDට පැමිණිල්ලක්
ශ්රී ලංකාව මානව හිමිකම් කඩකළ රාජ්යක්.... ක්රිකට් තහනම් කළ යුතුයි - දෙමළ ඩයස්පෝරාව එංගලන්තයේ දී විරෝධතා
සජිත්ට සහාය දෙන්න තීරණය කළේ ඉන්දියාවත් සමග කළ සාකච්ඡාවෙන් පස්සෙ -සජිත්ට සහාය දෙන්න සුමන්තිරන් ගහපු ගේම එළියට
බීජිං ප්රකාශය: FOCAC සමුළුවේදී සම්මත වූ ක්රියාකාරී සැලැස්ම
![](https://lankaleader.com/runningimages/candidate/lankaleader/site_image/312621018987537.jpg)