වව්නියාව දිස්ත්‍රික්කයේ නෙදුන්කර්ණිහි පිහිටා ඇති ඓතිහාසික වඩ්ඩමාන පබ්බත විහාරයේ ආරක්ෂාව තොරතුරු දන්වා තිබියදීත් කඩකර, පුරාවිදයාත්මක වටිනාකමක් ඇති එම විහාරයට බලහත්කාරයෙන් ඇතුළුවී සිදුකළ විනාශය වැළැක්වීමට අපොහොසත් වීමෙන් පෙත්සම්කරුවන්ගේ මූලික අයිතිවාසිකම් කඩවූ බවට නියෝගයක් කරන මෙන් ඉල්ලා පවරනු ලැබූ මූලික අයිතිවාසිකම් නඩුව (SC FR Application 133/23) සලකා බැලීමට 2024 අගෝස්තු 09 දින ශ්‍රේෂ්ඨාධිකරණයේ දී විනිසුරු A.H.M.D නවාස්, A.L ශිරාන් ගුණරත්න හා විනිසුරු අචල වෙන්ගප්පුලි යන විනිසුරු මඩුල්ල ඉදිරියේ දී විභාගයට ගැනීමට නියමිත ය.

මෙහි පෙත්සම්කරුවන් වනුයේ පූජ්‍ය ගල්ගමුවේ ශාන්ත බෝධි හිමි, බ්‍රිගේඩියර්(විශ්‍රාමික) අතුල ද සිල්වා මහතා, ශෙනාලි ඩී. වඩුගේ මහත්මිය, ඉස්ලාම් බැතිමතියක වන ජෙහාන් හමීඩ් මහත්මිය, කතෝලික බැතිමතෙකු වන ශ්‍රී ලංකා ගෝලීය සංසදයේ ප්‍රිමාල් ප්‍රනාන්දු මහතා හා ජෙ. එම්. යූ. ජයසිංහ බණ්ඩාර වෙද මහතාය.

වගඋත්තරකරුවන් ලෙස විදුර වික්‍රමනායක අමාත්‍යවරයා, පුරාවිද්‍යා අධ්‍යක්ෂ ජෙනරාල් ඇතුළු පුරාවිද්‍යා දෙපාර්තමේන්තුව, අදාළ ප්‍රදේශයේ වගකිවයුතු පුරාවිද්‍යා නිලධාරින් වන සංරක්ෂණ අධ්‍යක්ෂ ජෙනරාල් ප්‍රමුඛ අදාළ ප්‍රදේශයේ වන සංරක්ෂණ නිලධාරින්, වව්නියාව දිස්ත්‍රික් ලේකම්වරයා ඇතුළු අදාළ ප්‍රදේශයේ රාජ්‍ය පරිපාලන නිලධාරීන්, ඩග්ලස් දේවානන්ද අමාත්‍යවරයා, තොණ්ඩමන් අමාත්‍යවරයා, ඇතුළු 27 දෙනෙකු නම්කර ඇත.

පෙත්සම්කාර පාර්ශවය වෙනුවෙන් නීතිඥ දර්ශන වේරදූවගේ මහතා ප්‍රමුඛ ධනුෂි කළුපහන මහත්මිය ඇතුළු නීතිඥ කණ්ඩායමක් පෙනී සිටිති.

වගඋත්තරකාර පාර්ශවය වෙනුවෙන් අතිරේක සොලිසිටර් ජෙනරාල් නවාවි මහතා, ජනාධිපති නීතිඥ සුමන්තිරන් මහතා සහ ජනාධිපති නිතිඥ කනිකේෂ්වරන් මහතා පෙනී සිටිති.