ඉන්දියාව අමතකකර අපිට ගමනක් යන්න බැහැ - නලින්ද ජයතිස්ස
දැන් ලෝකය අනූව දශකයේ ලෝකයට වඩා වෙනස් බව ජාතික ජන බලවේගයේ ජාතික විධායක සභික කළුතර දිස්ත්‍රික් හිටපු පාර්ලිමේන්තු මන්ත්‍රී නලින්ද ජයතිස්ස මහතා පැවැසීය.
ඔහු එසේ පැවැසුවේ තම දේශපාලන ව්‍යාපාරයේ විදෙස් ප්‍රතිපත්තිය වන්නේ එම ලෝක තත්ත්වය හා අවබෝධයෙන් යුතු බලකේන්ද්‍ර සමඟ විවෘතව ගනුදෙනු කළ හැකි විදෙස් ප්‍රතිපත්තියක් බවයි.
එහිදී නලින්ද ජයතිස්ස මහතා මෙසේ ද පැවැසීය.
“අපේ විදේශ ප්‍රතිපත්තිය නොබැඳියි. අපි රටක් විදිහට අපේ ස්වාධීනත්වය ආරක්ෂා කරගෙන යන ගමනක් තමයි අපේ විදේශ ප්‍රතිපත්තියේ පදනම.දැන් ලෝකයේ තත්ත්වය 90 දශකයට කලින් ලෝකය තිබූ තත්ත්වයට වඩා වෙනස්. ඒ වෙනස අපට වාසිදායකයි කියා අපි දකිනවා
ලෝකය බලගතු දේශපාලන කඳවුරු දෙකකට බෙදිලා තියෙද්දී අපි වගේ කුඩා රටකට ඒ කඳවුරු දෙකටම බර නොවී ඉන්නවා කියන එක එතරම් පහසු නෑ.
අපට මතක,අපි දන්නා නොබැඳි සමුළුව කියා කියන එකත් ඇත්තටම නොබැඳිම නෙමෙයි. ඒකට අයත් දේශපාලන කඳවුරක්,දේශපාලන අදහසක් තිබෙනවා.
අපි ජීවත් වෙන මේ යුගයේ ලෝකයට බලවතෙක් නැහැ. එක්සත් ජනපදය තමන් සතු බලය යම් පමණකට බිඳවට්ටගෙන යන්නේ. දැන් Dedollarisation ව්‍යාපෘතියක් ලෝකයේ ක්‍රියාත්මක වෙමින් යනවා.ඒකට එරෙහිව බලකඳවුරක් නෙමෙයි බලකේන්ද්‍ර කීහිපයක් නිර්මාණය වී තිබෙනවා. චීනය, රුසියාව එක පැත්තකින් ඉන්නවා. මැදපෙරදිග තිබූ අමෙරිකා එක්සත් ජනපද කඳවුර දැන් වෙනස් වී වෙනස් කඳවුරක් නිර්මාණය වෙමින් තිබෙනවා. මැදපෙරදිග ඇතැම් තැනක චීනය මැදිහත් වෙලා. ඊට අමතරව යුරෝපා සංගමය තිබෙනවා. මේ සියල්ලම පෙන්නුම් කරන්නේ තනි බල කඳවුරක් වෙනුවට මේ නිශ්චිත මොහොතේ ලෝකයේ බලකඳවුරු කිහිපයක් තිබෙන බව.
මේ කලාපවලට අමතරව අප්‍රිකානු සංගමය වෙනත් ගමනක් තෝරාගෙන තිබෙනවා. ඒ අය United State of Africa ලෙසින් අලුත් USA එකක පටන් අරගෙන. එතැන වෙනම මුදල් ඒකකයක් ගැන යෝජනා වෙනවා. මේ තමයි අපි ජීවත්වන ලෝකයේ අලුත් තත්ත්වය.
මේ තත්ත්වය බොහෝවිට කාලයක් පවතින එකක් නෑ. හැබැයි දැනට තිබෙන ලෝකය තමයි මේ.
මේ ලෝකය පවතින කාලය අපි වගේ රටවලට අතිශයින් වැදගත් ප්‍රයෝජනයක් ගන්න.
මේ ලෝක තත්ත්වය අනුව ජාතික ජන බලවේගය විදිහට අපේ ප්‍රතිපත්තිය බවට පත්වෙන්නේ මේ බලකඳවුරු වෙනුවට ගොඩනැඟිලා තිබෙන බල කේන්ද්‍ර කිහිපයත් එක්ක වැඩ කිරීම.එහෙම වැඩ කරන්න ඕනෑ. ඒ වගේම එහෙම වැඩ කරන්න පුළුවන්. දැන් ඉන්දියාව ඒ විදිහට වැඩ කරනවා. ඉන්දියාව BRICS එකෙත් ඉන්නවා. ඒ ගමන්ම G 20 එකෙත් ඉන්නවා.
අපේ විදේශ ප්‍රතිපත්තියේ මූලිකම දේ තමයි ඉන්දියාව අමතක නොකර සිටීම. ඉන්දියාව අමතක කර, ඉන්දියාව අතහැර අපට රටක් විදිහට යන්න බැහැ කියන කාරණය වැදගත්” යැයි පැවැසීය.
– කළුතර මධ්‍යම විශේෂ
සම්බන්ධිත පුවත් | Related News
ප්‍රධාන පුවත්
රාජ්‍ය සංවර්ධන හා නිර්මාණ නීතිගත සංස්ථාව ඈවර කර සේවකයන්ට වන්දි ගෙවන්න කැබිනට් අනුමැතිය
එක්සත් ජනපද ජාතික ණය ඩොලර් ට්‍රිලියන 36 ඉක්මවමින් නව වාර්තාවක් තබයි.
කියුබානු විප්ලවීය නායක ෆිදෙල් කැස්ත්‍රෝට ශ්‍රී ලංකාවේ දී උපහාර
කැනඩාවේ නේටෝ විරෝධී විරෝධතාකරුවෝ මෝටර් රථ ගිනි තබයි (වීඩියෝ).
රනිල් කාටත් හොරෙන් ඉන්දියාවත් එක්ක අත්සන් කළ එකඟතා ලියවිල්ල අනුරට ක්‍රියාත්මක කරන්න කියයි
මාස් කන්නය අරඹා මාසයක කාලයක් ගතවී ඇතත් ගොවි සහනාධාර මුදල් තවමත් ලැබී නැහැ - ගොවීන්ගෙන් චෝදනා (වීඩියෝ)
උතුර සහ නැගෙනහිර වෙනම රටක්... මම සහාය දෙන්නේ අනුරට - අර්චුනා රාමනාදන් කියයි (වීඩියෝ)
පාර්ලිමේන්තු මන්ත්‍රී අර්චුනා රාමනාදන්ට එරෙහිව පැමිණිල්ලක්... හඬපටයකුත් ලීක් වෙයි
ජාතිවාදයන්ගේත් - ආගමික අන්තවාදයන්ගේත් 'විසකුරු ප්‍රකාශනයක්' වන 'බෙදුම්වාදයට' ද කිසිදු ඉඩකඩක් නොතබන ලෙස ජනපතිගෙන් ඉල්ලා සිටිනවා! - ජානිපෙ ජාතික සංවිධායක ජයන්ත සමරවීර
IMF එකෙන් අහලම විදුලි බිල සංශෝධනය කරන යෝජනාව හදනවලු
යුක්රේනයේ යුද උන්මාදයට එරෙහි මොස්කව් ප්‍රතිචාරය පුටින් ගෙනහැර දක්වයි (සම්පූර්ණ කථාව).
නියෝජ්‍ය ඇමැතිවරු 29ක් දිවුරුම් දෙති
අපි සම්ප්‍රදාය වෙනස් කළා යැයි කියමින් යාපනෙන් ආපු අලුත් මන්ත්‍රී විපක්ෂ නායක පුටුවේ වාඩිවෙලා... අයින් වෙන්න බෑ කියයි (වීඩියෝ)
නාඩු මෙට්‍රික් ටොන් ලක්ෂ 22ක් මෝල්හිමියෝ හංගලා... මෝල්හිමියන්ගේ කූඨ උපායට නව රජයත් හසුවෙලා - ජාතික ගොවිජන එකමුතුවේ සභපාති අනුරාධ තෙන්නකෝන්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
මහාචාර්ය හිනිදුම සුනිල් සෙනෙවි නිර්මාණ කොල්ලකරුවන්ගේ ලැයිස්තුවේ?