ජෙරම් අධ්‍යක්ෂ ධුර දැරූ සමාගම් 6ක තිබූ විශාල මුදලක් වෝඩ් පෙදෙසේ නිවසක හංගලා - පෙත්සම්කාර පාර්ශ්වයේ නීතිඥ උසාවියට දන්වයි
ජෙරම් ප්‍රනාන්දු දේවගැතිවරයාට එරෙහිව මුදල් විශුද්ධිකරණය වැළැක්වීමේ පනත යටතේ විමර්ශන ආරම්භ කිරීමෙන් පසුව ඔහු අධ්‍යක්ෂ ධුර දැරූ සමාගම් හයක තිබූ විශාල මුදල් ප්‍රමාණයක් ඉවත් කරගෙන වෝඩ් පෙදෙසේ පිහිටි නිවසක සඟවා තබාගෙන ඇති බවට තොරතුරු ලැබී ඇතැයි ඇල්ලේ ගුණවංශ හිමියන් ඇතුළු පෙත්සම්කාර පාර්ශ්වය වෙනුවෙන් පෙනී සිටි ජනාධිපති නීතිඥ සංජීව ජයවර්ධන මහතා ඊයේ (13දා) ශ්‍රේෂ්ඨාධිකරණයට දැනුම් දුන්නේය.
ඒ සම්බන්ධයෙන් ලැබී ඇති පැමිණිලි පිළිබඳව අපරාධ පරීක්ෂණ දෙපාර්තමේන්තුව විමර්ශන ආරම්භ කර ඇතිදැයි පෙත්සම්කාර පාර්ශ්වයට දැනගැනීමට අවශ්‍ය බව ද ජනාධිපති නීතිඥවරයා පැවසූ අතර, අපරාධ පරීක්ෂණ දෙපාර්තමේන්තුව පුළුල් ලෙස විමර්ශනයක් ආරම්භ කර ඇති බව ජ්‍යෙෂ්ඨ නියෝජ්‍ය සොලිසිටර් ජනරාල් දිලීප පීරිස් මහතා අධිකරණයට දැනුම් දුන්නේය.
වගඋත්තරකාර දේවගැතිවරයාට එරෙහිව සිදුකරන විමර්ශන සඳහා ඔහු අධ්‍යක්ෂ ධුර දැරූ සමාගම් හයක් ඇතුළු සමාගම් 18ක් සම්බන්ධයෙන් 30 දෙනකුගෙන් ප්‍රකාශ සටහන් කර විමර්ශන ආරම්භ කොට ඇති බවත්, එම සමාගම්වල විගණන වාර්තා ලබාගෙන වැඩිදුරටත් විමර්ශන සිදුකළ බවත්, ජ්‍යෙෂ්ඨ නියෝජ්‍ය සොලිසිටර් ජනරාල් දිලීප පීරිස් මහතා අධිකරණයට දැනුම් දුන්නේය. ඒ සම්බන්ධයෙන් වෝහාරික විගණන පරීක්ෂණයක් සිදුකළ යුතුව ඇතැයි ද පෙත්සම්කාර පාර්ශ්වය වෙනුවෙන් පෙනී සිටි ජනාධිපති නීතිඥ සංජීව ජයවර්ධන මහතා විනිසුරු මඬුල්ලට පෙන්වා දුන්නේය.
ජෙරම් ප්‍රනාන්දු දේවගැතිවරයා ප්‍රසිද්ධ දේශනයකදී බොදුදහම ඇතුළු අන්‍ය ආගම්වලට අපහාස වන ආකාරයෙන් සිදුකර ඇතැයි කියන ප්‍රකාශවල හඬ සාම්පල රජයේ රස පරීක්ෂකවරයා වෙත ඉදිරිපත් කොට රස පරීක්ෂකවරයාගෙන් වාර්තාවක් ලබාගැනීමට පියවර ගෙන ඇතැයි ද ජ්‍යෙෂ්ඨ නියෝජ්‍ය සොලිසිටර් ජනරාල්වරයා අගවිනිසුරු ජයන්ත ජයසූරිය හා ජගත් ද සිල්වා යන විනිසුරු මඬුල්ලට පැවසීය.
රස පරීක්ෂක වාර්තාව ඉදිරි සති දෙක ඇතුළත ලැබීමට නියමිත බැවින් එය ලබාගැනීමෙන් පසුව වගඋත්තරකාර දේවගැතිවරයාට එරෙහිව අන්‍ය ආගම්වලට අපහාස කිරීමේ චෝදනාව සම්බන්ධයෙන් ගන්නා ඉදිරි නීතිමය පියවර කුමක්දැයි අධිකරණයට දැනුම් දෙන බව ද දිලීප පීරිස් මහතා අධිකරණයට පැවසීය.
රස පරීක්ෂක වාර්තාව ලැබීමෙන් පසුව ඒ පිළිබඳ මෝසමක් මඟින් තම අධිකරණයට දැනුම් දෙන ලෙසට නීතිපතිවරයාට නියෝග කළ විනිසුරු මඬුල්ල විමර්ශනවල ප්‍රගතියත් ලබන මස 10 වැනිදා අධිකරණයට දැනුම් දෙන ලෙසටත් නියෝග කළේය.
ජෙරම් දේවගැතිවරයා විසින් සිදුකර ඇති එකී අපහාසාත්මක ප්‍රකාශයට එරෙහිව සිවිල් හා දේශපාලන අයිතිවාසිකම් පිළිබඳ ජාත්‍යන්තර සම්මුති පනත යටතේ හා දණ්ඩ නීති සංග්‍රහය යටතේ නඩු පවරන ලෙසත් ඉල්ලා ඇල්ලේ ගුණවංශ හිමි, බෙංගමුවේ නාලක හිමි, අඟුළුගල්ලේ ශ්‍රී ජිනානන්ද හිමි, නිශාන් කුරේ පියතුමා, ආචාර්ය සිවසයි රාමචන්ද්‍ර කුරුක්කල්තුමා, හජ්ජියාර් සියාද් හෂාන් මවුලවිතුමා විසින් මෙම මූලික අයිතිවාසිකම් පෙත්සම ගොනුකර තිබිණි.
- දිවයින -
සම්බන්ධිත පුවත් | Related News
ප්‍රධාන පුවත්
“මේක අපේ ආණ්ඩුව අපි තමයි විදුලි බල මණ්ඩලයේ පාලකයෝ. ලංවිමය ඇතුලට ජාතික ජනබලවේගයට මුවා වෙලා රිංගා ගෙන ඉන්නා නරි කනෙන් ඇදලා එළියට දානවා.” – ලංකා විදුලි සේවක සංගමයේ ප්‍රධාන ලේකම් රන්ජන් ජයලාල්
අද නොවැම්බර් 26 වැනිදා... මමද අද පොල්තෙල් පහනක් දල්වමි..
තහනම් සංවිධාන සැමරුම් හැර දෙමළ ජනයාට සිය මියගිය නෑයන් සැමරීමට රජයෙන් බාධාවක් නැහැ - කැබිනට් මාධ්‍ය ප්‍රකාශක ඇමති නලින්ද ජයතිස්ස
තහනම් සංවිධාන සැමරුම් හැර දෙමළ ජනයාට සිය මියගිය නෑයන් සැමරීමට රජයෙන් බාධාවක් නැහැ - කැබිනට් මාධ්‍ය ප්‍රකාශක ඇමති නලින්ද ජයතිස්ස
අද අන්තරේ ශිෂ්‍ය නායකයන් හා ඇතැම් විශ්වවිද්‍යාල ආචාර්යවරුන් උපකුලපතිවරයෙකුට එරෙහිව භාවිත කරණ ලෙස ඉල්ල සිටියේ එද ජේ ආර් ගෙනා මර්ධනීය බලතලයි-හිටපු පාර්ලිමේන්තු මන්ත්‍රී ගෙවිඳු කුමාරණතුංග
පෞද්ගලික විශ්ව විද්‍යාලවලට සිසුවන්ට මත් කුඩු බෙදන පෞද්ගලික සිසුන් කණ්ඩායමක් අත් අත්අඩංගුවට
අදානිට එරෙහිව ඇමෙරිකානු අධිකරණයක අධිචෝදනා ගොනු වීමත් සමග ශ්‍රී ලංකාව සහ බංග්ලාදේශය අදානි සමග ගිවිසුම් යළි විමසා බැලීමේ තීරණයක්
සජබ - එජාප එකතුවීමේ සූදානමක්!
රාජ්‍ය සංවර්ධන හා නිර්මාණ නීතිගත සංස්ථාව ඈවර කර සේවකයන්ට වන්දි ගෙවන්න කැබිනට් අනුමැතිය
එක්සත් ජනපද ජාතික ණය ඩොලර් ට්‍රිලියන 36 ඉක්මවමින් නව වාර්තාවක් තබයි.
කියුබානු විප්ලවීය නායක ෆිදෙල් කැස්ත්‍රෝට ශ්‍රී ලංකාවේ දී උපහාර
කැනඩාවේ නේටෝ විරෝධී විරෝධතාකරුවෝ මෝටර් රථ ගිනි තබයි (වීඩියෝ).
රනිල් කාටත් හොරෙන් ඉන්දියාවත් එක්ක අත්සන් කළ එකඟතා ලියවිල්ල අනුරට ක්‍රියාත්මක කරන්න කියයි
මාස් කන්නය අරඹා මාසයක කාලයක් ගතවී ඇතත් ගොවි සහනාධාර මුදල් තවමත් ලැබී නැහැ - ගොවීන්ගෙන් චෝදනා (වීඩියෝ)
උතුර සහ නැගෙනහිර වෙනම රටක්... මම සහාය දෙන්නේ අනුරට - අර්චුනා රාමනාදන් කියයි (වීඩියෝ)
පාර්ලිමේන්තු මන්ත්‍රී අර්චුනා රාමනාදන්ට එරෙහිව පැමිණිල්ලක්... හඬපටයකුත් ලීක් වෙයි