ශ්‍රීලංකන් එයාර්ලයින්ස් ලිමිටඩ් සමාගමේ අතිවිශේෂ මහා සභා රැස්වීමක් 2024 ජනවාරි මස 09 වන අඟහරුවාදා දින ප.ව. 3.00ට පවත්වනු ලබන බව සමාගමේ ලේකම් මෙන්ම ආයතනික ලේකම්, සේවාවන්හී සමූහ ප්‍රධානීද වන ඩැල්රින් තිරුකුමාර් මහත්මිය විසින් අධ්‍යක්ෂ මණ්ඩලය වෙත දැනුම් දී ඇතැයි වාර්තා වේ. 

2023 දෙසැම්බර් මස 12 වෙනිදා රුපියල් බිලියන 102.5ක මුදලක් සමාගම වෙත ලැබීම හේතුවෙන් සමාගමේ මිල රුපියල් 100 බැගින් වූ සාමාන්‍ය කොටස් 1,025,000,000 ක ප්‍රමාණයක්, ශ්‍රී ලංකා රජය වෙත වෙන්කිරිම මගින් සමාගමේ ප්‍රකාශිත ප්‍රාග්ධනය, රුපියල් 96,360,665,500 සිට රුපියල් 198,860,665,500 දක්වා ඉහළ නැංවිය යුතු බව ද එම දැනුම් දීමෙන් යෝජනා කර ඇත.

අදාළ දැනුම්දීම පහළින්...

“හිතවත් කොටස් හිමිකරුවනි,

(1) ශ්‍රී ලංකා රජය වෙත ශ්‍රී ලංකා රුපියල්‌ බිලියන 102.5 ක වටිනාකමින් යුත් කොටස් නිකුත් කිරීම

2023 ජූනි මස 26 වන දින අමාත්‍ය මණ්ඩලය චිසින් අනුමත කරන ලද සාමාන්‍ය කොටස් නික්ෂේපණය කිරීමේ සැලැස්මට අනුව (අමාත්‍ය මණ්ඩල පත්‍රිකා අංක 23/1200/604/118), සීමාසහිත ශ්‍රීලංකන් එයාර්ලයින්ස්‌ සමාගම, ලංකා ඛනිජ තෙල් නීතිගත සංස්ථාව විෂයයෙහි හිඟ හිටුවා ඇති ශේෂය පියවීම සඳහා, ශ්‍රී ලංකා රුපියල් බිලියන 102.5 ක් වූ ප්‍රමාණයේ ආයෝජන වටිනාකමක් සහිත මුදලක්, ශ්‍රී ලංකා රජය විසින් සීමාසහිත ශ්‍රීලංකන් එයාර්ලයින්ස් සමාගම වෙත අතිරේක කොටස් ප්‍රාග්ධනයක් ලෙස නික්ෂේපණය කරනු ලැබ ඇත. ඒ අනුව, මෙම ආයෝජනය පිළිගෙන කටයුතු කිරීම තුළ, අදාළ ගනුදෙනුවේ වටිනාකමට සරිලන පරිදි, නව කොටස් ප්‍රමාණයක් ශ්‍රී ලංකා රජය වෙත ශ්‍රීලංකන් එයාර්ලයින්ස් සමාගම විසින් නිකුත් කරනු ලැබීමේ අවශ්‍යතාව මේ  වන චිට උද්ගතව තිබේ.

සමාගමේ සාංගමික ව්‍යවස්ථාවලියේ 9 වන ව්‍යවස්ථාව සමඟ කියැවෙන සමාගම් පනතේ 53 වන වගන්තිය මගින්‌, ප්‍රතිෂ්ඨාවට යටත්‌ නිකුතුව වැනි කොටස් නිකුතුවක් සම්බන්ධයෙන් ක්‍රියා කිරීමට දැනට සිටින කොටස් හිමියන් වෙත පූර්වක්‍රය අයිතියක් සලසා දෙනු නොලබන්නේ ය. එහෙයින්, ශ්‍රී ලංකා රජය විසින් කරන ලද රුපියල් 102,500,000,000 ක් වූ මුදල් ගනුදෙනුවේ සාධාරණ වටිනාකම නියෝජනය වනු පිණිස ශ්‍රී ලංකා රජයට කොටස් වෙන් කර දීමට සමාගමට අවසර ඇත.

2007 අංක 7 දරන සමාගම් පනතේ 52 වන වගන්තියේ විධිවිධාන අනුව, අධ්‍යක්ෂ මණ්ඩලය යෝජනා කරනු ලැබ ඇත්තේ, අදාළ කොටස් නිකුතුවේ එක් කොටසක් රුපියල් 100 බැගින් වූ මුදල් වටිනාකමකින් යුතුව නිකුත් කළ යුතු බවටත්, එවැනි ප්‍රතිෂ්ඨාවක්, අධ්‍යක්ෂවරුන්ගේ මතය අනුව, සමාගම සහ දැනට සිටින සියලුම කොටස් හිමියන් විෂයයෙහි සාධාරණ වන බවටත් ය.

කොටස් නිකුතුවෙන් පසුව, සමාගමේ කොටස් හිමිකම් දැරීම පහත දැක්වෙන පරිදි චනු ඇත,

ශ්‍රී ලංකා රජය  සතු කොටස් ගණන 1984,006,469ක්. මුළු කොටස් ප්‍රමාණයෙන් 99.77%ක්.

සේවක අර්ථසාධක අරමුදල සතු කොටස් ගණන 1,863,676ක්.  මුළු කොටස් ප්‍රමාණයෙන් 0.09%

මහජන බැංකුව සතු කොටස් ගණන 1ක්.  මුළු කොටස් ප්‍රමාණයෙන් 0.00%ක්.

වෙනත්  සතු කොටස් ගණන 2,736,509ක් .  මුළු කොටස් ප්‍රමාණයෙන් 0.14%ක්.

ඒ අනුව, ඔබේ සමාගමේ අධ්‍යක්ෂ මණ්ඩලය, සමාගමේ සාංගමික ව්‍යවස්ථාවලියේ 56(11)(ආ) වන ව්‍යවස්ථාව යටතේ විධිවිධාන සලසා ඇති පරිදි, අන්තර්ජාල වේදිකාවක්‌ හරහා සිදු කෙරෙන අති විශේෂ මහ සභා රැස්වීමක්, 2023 දෙසැම්බර්‌ මස 21 වන දිනැති රැස්වීම සඳහා වූ දැනුම්‌ දීමෙහි දැක්වෙන සාමාන්‍ය යෝජනාව, යෝග්‍යවේයැයි හඟින්නේ නම්, එය සම්මත කර ගනු පිණිස වූ අරමුණ අරබයා, සමාගමේ කොටස් හිමියන්ට සහභාගි වීමට හැකි වන පරිදි, මාර්ගගත රැස්වීමක් ලෙස පැවැත්වීම සඳහා කැඳවීමට තීරණය කර ඇත.

අධ්‍යක්ෂ මණ්ඩලයේ අණ පරිදි,
සීමාසහිත ශ්‍රීලංකන් එයාර්ලයින්ස් සමාගම
ඩැල්රින් තිරුකුමාර් මහත්මිය
සමාගමේ ලේකම් / ආයතනික ලේකම් සේවාවන්හී සමූහ ප්‍රධානී
2023 දෙසැම්බර් මස 21 වන දින දීය”