ශ්රී ලංකාවේ කෘෂිකාර්මික වකුගඩු රෝග පාලනය සාර්ථකයි. මධ්යම ඇමරිකානු රටවල් ලංකාවේ අත්දැකීම බෙදා ගැනීමට සූදානම්-මහාචාර්ය චන්න ජයසුමන
1990 දශකයේ මැද භාගයේ නිවර්තන කලාපීය රටවල ඇරඹුණු කෘෂිකාර්මික වකුගඩු රෝගය රෝගී ජීවිත ලක්ෂ ගණනක් බිලිගන්නා ලදි. ශ්රී ලංකාව ඉන්දියාව වැනි රටවල වී වගා කරන ගොවීන් අතර ද මධ්යම ඇමෙරිකානු රටවල් වන කොස්ටරිකාව, එල් සැල්වදෝරය, නිකරගුවා, ගෝතමාලාව වැනි රටවල උක් වගා කරන ගොවීන් අතර ද මෙම රෝගය බහුලව දක්නට ලැබිණි. රෝගයට හේතු කාරක කවරේද යන්න වසර පහළොවකට වැඩි කාලයක් අභිරහසක්ව පැවතුණද 2012-16 කාලයේ ශ්රී ලාංකිකයින් පර්යේෂකයන් පිරිසක් රෝගයට මූලික හේතුව ගොවීන් යොදාගන්නා කෘෂි රසායන කිහිපයක් බව නිශ්චිත වශයෙන් පෙන්වා දෙන ලදි.
එම සොගැනීම් දැඩි ආන්දෝලනයකට ලක් වුවද වසර ගණනාවක් පුරා තවත් පර්යේෂණ කණ්ඩායම් කිහිපයක් සිදුකළ පර්යේෂණ මගින් රෝගයට හේතුකාරක කෘෂි රසායන බව මේ වන විට පුළුල් ලෙස පිළිගැනීමට ලක්ව තිබේ. සිය සොයාගැනීම් මත පදනම්ව රෝගය පැතිරෙන ප්රදේශවල පානීය ජලය ඔස්සේ කෘෂි රසායන සිරුරට පිවිසෙන බවත් පිරිසිදු පානීය ජලය ලබාදීමෙන් රෝගය පාලනය කළ හැකි බවත් පෙන්වා දුන් ශ්රී ලාංකික පර්යේෂකයන් ශ්රී ලංකා රජයේ ද සහයෝගය ඇතිව ප්රතිආසෘත ජල පෙරණ (Reverse Osmosis) යන්ත්ර රෝගය පැතිරෙන ප්රදේශවල සවිකර පානීය ජලය ලබාදීමට පුළුල් වැඩපිළිවෙලක් දියත් කරන ලදි. එහි ප්රතිඵලයක් ලෙස මේ වන විට ශ්රී ලංකාවේ කෘෂිකාර්මික වකුගඩු රෝගය සැලකිය යුතු ලෙස පාලනය වී ඇත. ශ්රී ලංකාවේ සෞඛ්ය අමාත්යංශය මගින් මෑතක දී පළකරන ලද සංඛ්යා ලේඛන මගින් ඒ බවව තහවුරු වේ.
ශ්රී ලංකාවේ කෘෂිකාර්මික වකුගඩු රෝගය පාලනය කිරීමට යොදාගත් උපක්රම සාර්ථක වී ඇති බව දැනගත් ගත් කොස්ටරිකා විශ්වවිද්යාලය එම පර්යේෂණවල මූලිකත්වය දැරූ මහාචාර්ය චන්න ජයසුමන මහතාට ඒ පිළබද දැනුවත් කිරීමක් සඳහා එම රටට පැමිණෙන ලෙස ආරාධනා කරන ලදුව පසුගිය සතියේ කොස්ටරිකා රාජ්යයට ගොස් එහි ලයිබීරියා සහ සාන්ත ජොසේ නගරවල දැනුවත් කිරීමේ සම්මන්ත්රණ දෙකක් පවත්වන ලදි. එරට විද්වතුන්, වෛද්යවරුන්, විශ්වවිද්යාල ආචාර්යවරුන්, පශ්චාත් උපාධි සිසුන් සහ සෞඛ්ය අමාත්යාංශයේ නිලධාරීන් එම අවස්ථාවට සහභාගී වූහ. ශ්රී ලංකාවේ රෝග පාලනයට ගෙන ඇති පියවර සාර්ථක බැවින් එම උපක්රම තම රටේ ද යොදා ගැනීමට බලාපොරොත්තු වන බව එහිදී පැවසිණි. රෝගය පැතිර යන අනෙක් රටවල විද්යාඥයන් රෝගයට හේතුකාරක පිළිබඳ දිගින් දිගටම විවාද පවත්වද්දී ශ්රී ලාංකාව තම රටේ විද්යාඥයන්ගේ සොයා ගැනීම් මත පදනම්ව රෝගය වැළැක්වීම සඳහා කඩිනමින් පියවර ගෙන ශිෂ්ඨාචාරයක් අතුගා දැමිය හැකි තරමේ භයානක වසංගතයක් මර්ධනය කිරීමට කටයුතු කිරීම පිළිබඳ එහිදී විශේෂ ඇගැයීමට ලක් විය.
සම්බන්ධිත පුවත් | Related News
ප්රධාන පුවත්
මගේ ජීවිතේට හරි සාක්ෂිකරුවකුගේ ජීවිතයට හරි හානියක් වුණොත් එහි වගකීම ආණ්ඩුව භාරගත යුතුයි.. - නීතිඥ අචලා සෙනවිරත්න
වසරේ මේ දක්වා කාලය තුළ බෝම්බ ප්රහාර 6ක්..
හවුතිවරුන් බාබ් අල්-මන්දබ් සමුද්ර සන්ධියේ පාලනය අත්පත් කරගනී..
සමාජයේ වෛරය වැපිරීමට හෝ වෛරය ඇතිවන ප්රකාශ කිරීමට කිසිවෙකුට අයිතියක් නෑ..- ජනපති
18 වැනි BRICS සමුළුවට සහභාගී වීම සඳහා රුසියානු ජනපති පුටින් ඉන්දියාවේ නවදිල්ලි නුවරට..
ආසියානු තරගාවලියට ලංකාවෙන් ජපානයට ලොකු පිරිසක්.. නිලධාරින් විතරක් 82ක් යනවලු..
එක්සත් ජාතීන්ගේ 63 වන මානව හිමිකම් වාර්තාව ශ්රී ලංකාවේ ස්වෛරීභාවයට එල්ල වූ තර්ජනයක්.. – ගෝලීය ශ්රී ලාංකික සංසදයෙන් නිවේදනයක්..
ඉරානය සම්බන්ධයෙන් ඇමරිකාව ඉදිරිපත් කළ ජාත්යන්තර පරමාණුක බලශක්ති ඒජන්සියේ යෝජනාවට චීනය විරෝධය පළ කරයි.. – යළි සංවාදයට පැමිණෙන ලෙස ඉල්ලයි
ඥානසාර හිමිට පිරිනැමූ ජනාධිපති සමාව නීතියට පටහැනි බවට ශ්රේෂ්ඨාධිකරණ තීන්දුවක්..
නාමල් අත්අඩංගුවට ගැනීම පිටුපස ඇති දේශපාලන ගණිතය කුමක්ද?
ආනයන මුළුමනින්ම තහනම් කරන දැඩි වෙළෙඳ යුද්ධයකට ට්රම්ප් සැරසෙයි..
ජර්මනියේ AFD ජයග්රහණය යුරෝපයම වෙනස් කරයිද?.. - ආචාර්ය ජගත් චන්ද්රවංශගෙන් අනාවරණයක්
සරල ගිවිසුම් අත්සන් කරන්න ඉන්දීය ආරක්ෂක ඇමැති එන්නේ නෑ.. සැබෑ ගිවිසුම් වහා රටට හෙළිකරනු! - පුබුදු ජයගොඩ
"ඉන්දියාවේ ආරක්ෂක අභිමතයන්ට විරුද්ධ කිසිදු ක්රියාකාරකමකට ශ්රී ලංකා භූමිය කිසිවිටෙකත් භාවිතා කිරීමට ඉඩක් නෑ" - ජනපති අනුර ඉන්දීය ආරක්ෂක ඇමති හමුවේ පැවසු බවට එරට ආරක්ෂක අමාත්යංශයෙන් නිවේදනයක්..
ඉන්දු - ශ්රී ලංකා ගිවිසුම් තුනකට අත්සන් තබයි..
පර්සියානු බොක්කේ නෞකා රැසකට ඉරානයෙන් ප්රහාර..