සීනි බද්දෙන් වාසිවුනේ බලවත් ව්‍යාපාරිකයන් කිහිපදෙනකුට විතරයි - කරු කියයි
සාධාරණ සමාජයක් සඳහා වන ජාතික ව්‍යාපාරය පවසන්නේ රජය බදු සහන ලබාදීමට ක්‍රියා කළ යුත්තේ ජනතාවට මිස අයුතු ලෙස මුදල් උපයන ව්‍යාපාරිකයන්ට නොවන බවයි.
එම ව්‍යාපාරයේ සභාපති, කරු ජයසූරිය මහතාගේ අත්සනින් යුත් අදාළ නිවේදනයේ වැඩිදුරටත් මෙසේද සඳහන් වෙයි.
"පසුගියදා සීනි ආනයනයට අදාළව පනවන ලද නව බදු ක්‍රමය නිසා ඉන් මේ රටේ ජනතාවට තබා රජයට හෝ කිසිදු වාසියක් අත්නොවූ අතර එමගින් සිදුව ඇති එකම දේ වනුයේ මේ රටේ බලවත් ව්‍යාපාරිකයන් කිහිපදෙනකු අතට දැවැන්ත මුදල් සම්භාරයක් උපයා ගැනීමට අවස්ථාව සලසා දීම පමණකි. එබැවින් සාධාරණ සමාජයක් සඳහා වන ජාතික ව්‍යාපාරය ලෙස අවධාරණය කරන්නේ බදු සහන ලැබිය යුත්තේ ජනතාවට මිස අයුතු ලෙස මුදල් උපයන ව්‍යාපාරිකයන්ට නොවන බවය. ඒ අනුව නොපමාව ජනතාවට සාධාරණයක් ඉටුකිරීම රජයේ වගකීමකි.
අපගේ ඇස්තමේන්තු අනුව මෙයට පෙර 2020 වසරේදී සීනි සඳහා පනවා තිබූ බදු අඩු කිරීම මගින් අපයෝජනය කරන ලද මුදල රුපියල් බිලියන 15කි. පාර්ලිමේන්තුවේ කාරක සභා දෙකක විමසුම් මගින් සහ විගණකාධිපතිවරයාගේ නිගමනයෙන්ද මේ බව සනාථ කරයි. එදා එකී වංචාවට එරෙහිව ද අපි බලවත් හඬක් සමාජගත කළෙමු. එම නිසා මෙම ක්‍ෂේත්‍රය පිළිබඳව කථා කිරීමට අයිතියක්, යුතුකමක්, හා හෘදයසාක්‍ෂියක් අපට තිබේ. පසුගියදා සීනි සඳහා වන බදු මුදල් ඉහළ දැමීම මගින් රුපියල් බිලියන 10ක් පමණ වන තරමේ දැවැන්ත මුදලක් ව්‍යාපාරිකයන් කිහිපදෙනෙකු අතට පත්වන තත්ත්වයක් නිර්මාණය වී ඇති බව ද වාර්තා වේ.
එමෙන්ම අප මෙහිදී අවධාරණය කරන තවත් එක් කාරණයක් වන්නේ මෙවැනි තත්ත්වයන් නිර්මාණය කර උපරිම සිල්ලර මිල නියම කිරීම මගින් මේ රටේ කිසිම දිනක සාර්ථකත්වයක් ලබා නොමැති බවය. එමෙන්ම මේ ආකාරයට බලවතුන් කිහිපදෙනෙකුගේ සිතැඟි පරිදි සිදුකරන බදු සංශෝධන මගින් ව්‍යාපාරිකයන් කිහිපදෙනෙකුට අයථා ලෙස ලාභ ලබා ගැනීමට ඉඩ නොතැබීම එක් යුගයක මේ රටේ රාජ්‍ය ප්‍රතිපත්තිය වී තිබූ බව ද සිහිපත් කළ යුතුය. එයට උදාහරණ වන්නේ 1977 පළමු අයවැය ලේඛනය මගින් රුපියල අවප්‍රමාණය කිරීම නිසා අපනයනකරුවන් වශයෙන් මේ රටේ ව්‍යාපාරිකයන්ට ලැබුණු විශාල ලාභය රජයට අත්පත් කර ගැනීමට මේ රට කටයුතු කර ඇති බව ද මෙහිදී සිහිපත් කළ යුතුය. එය සිදුකරන ලද්දේ “අසීමිත ලාභ” නමින් නව පනතක් සම්මත කිරීම මගිනි. එවකට මුදල් අමාත්‍යවරයා ලෙස කටයුතු කළ රොනී ද මැල් මහතා එම පනත හරහා ව්‍යාපාරිකයන් අතට පත්වීමට තිබූ අසීමිත ලාභ නැවත රජයට අත්පත් කර ගැනීමට කටයුත කළේය.
අප මෙම නිවේදනය නිකුත්කරන්නේ සාධාරණ සමාජයක් සඳහා වන ජාතික ව්‍යාපාරය වෙනුවෙන් පමණක් නොව 1980 දශකයේ දී සීනි ආනයනකරුවන්ගේ සංගමයේ හිටපු සභාපතිවරයෙක් ද වශයෙන් ලබාගත් අත්දැකීම් ද සමගිනි.
1980 දශකයේ දී දේශීය සීනි කර්මාන්ත ශාලා පාඩු ලැබූ අතර ආනයනික සීනි අඩු මිලකට ලබා ගැනීමට හැකිවී තිබිණි. එම නිසා එවකට සිටි රාජ්‍ය නායකයන්ගේ ඇරයුම පිට ආනයනකරුවන්ගේ සංගමය, දේශීය සීනි නිෂ්පාදකයන්ගේ සංගමය හා මහා භාණ්ඩාගාරය සමඟ එක්ව සාධාරණ ආනයන බදු ක්‍රමයක් යෝජනා කරන ලදී. ඒ අනුව නිෂ්පාදන සමාගම්වලට ආනයනකරුවන්ට කිලෝවකට ශත 15ත් 25 අතර ලාභයක් උපයා ගැනීමට අවකාශය ලැබිණි. මෙම ක්‍රමය තුළ සිල්ලර වෙළෙන්දන්ට ද සහනයක් සැලසින. දේශීය සීනි නිෂ්පාදනය දියුණු වූයේ එදා ඇති කරගත් එම සහජීවනය තුළිනි."
සම්බන්ධිත පුවත් | Related News
ප්‍රධාන පුවත්
රුසියානු හමුදාවට අවශ්‍ය උපකරණ විකිණීම හේතුවෙන් එක්සත් ජනපදය ඉන්දියානු සමාගම්වලට සම්බාධක පනවයි
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි!- ඊශ්‍රායල ජන මාධ්‍ය පවසයි.
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි ඊශ්‍රායල ජන මාධ්‍ය පවසයි.
තුන්වැනි සමාලෝචනයට අයි.එම්.එෆ්. පිරිසක් ළඟදීම ශ්‍රී ලංකාවට
සුමන්තිරන්ට විදේශ ඇමැතිකම දී ඉලංකෙයි තමිල් අරසු කච්චි පක්ෂයේ රට බෙදන කොන්දේසිවලට ආණ්ඩුව එකඟ වෙලා - ගම්මන්පිලගෙන් ආණ්ඩුවට ප්‍රබල චෝදනාවක් (වීඩියෝ)
සහල් ඒකාධිකාරයක් පවත්වාගෙන යන්නේ මේ රටේ මහා පරිමාණ මොල්හිමියො පස් දෙනෙක්... ගොවියා සූරා කාලා, පාරිභෝගිකයා විනාශ කරලා, ආණ්ඩු මට්ටු කරන ඔවුන්ගේ සෙල්ලමට තිත තියන්න ඕනේ - අනුරාධ තෙන්නකෝන්
ආණ්ඩුව එක්ක එකට වැඩකරන්න සුමන්තිරන්ලා සූදානමින්
දශක ගණනාවකට පසු ස්පාඤ්ඤයේ දරුණුතම ගංවතුරෙන් දුසිම් ගනනක් මිය යයි (වීඩියෝ)
ශ්‍රී ලංකාවේ සංවර්ධන අවශ්‍යතා පිළිබඳ සම්පූර්ණ ඇගයීමක් කිරීමට චීනය කටයුතු කරනවා - ශ්‍රී ලංකාවේ චීන තානාපති
බොරු කියපු නිසා හරිනි අග්‍රාමාත්‍ය ධුරයෙන් ඉල්ලා අස්විය යුතුයි - හිටපු ජනපති රනිල් කියයි
"The Island" පුවත් පතේ ලින් ඔකර්ස් දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන්නෙක්දැයි සැකයි - ශ්‍රී ලංකාවේ රුසියානු තානාපති කාර්යාලය
කියුබාවට අත නොතබනු!එක්සත් ජාතීන්ගේ සංවිධානයේදී ලෝක ජනයා ඇමරිකාවට තදින් කියයි
පාස්කු ප්‍රහාර විමර්ශන කමිටු වාර්තාවලින් චෝදනා ලැබූ රවි, ශානි රජයේ ඉහළ තනතුරුවල රඳවා ගැනීම සදාචාරාත්මක ද? - ගෝලීය ශ්‍රී ලාංකික සංසදය ජනපති අනුරගෙන් අසයි
මග පෙන්වන විපක්ෂයක භූමිකාව ඉෂ්ඨ කිරීම වෙනුවෙන් මැතිවරණයට ඉදිරිපත් වෙනවා... තරුණ්‍යයේ හීන මියගිය බිමක එම හීන යථාර්ථයක් කිරීම වෙනුවෙන් කැප වෙනවා - උවිඳු මහනුවරදී කියයි
රන්ජන්ගේ පක්ෂය පුපුරයි! ඇතුළේ ගේම් රැසක් හෙළිවෙයි (වීඩියෝ)
රවි සහ ශානි පාස්කු ප්‍රහාරයේ විමර්ශන සිදු කළ යුතුම යැයි ආණ්ඩුව කියන්නේ ඊබ්‍රහීම්ව බේරගන්න... තමන්ගේ සගයන් බේරාගන්න ආණ්ඩුව රටේ නීතියේ ආධිපත්‍ය කුඩුපට්ටම් කරන්න සැරසෙනවා - ගම්මන්පිලගෙන් ආණ්ඩුවට දැඩි ප්‍රහාරයක් (වීඩියෝ)