පූජිත් - හේමසිරි නිදහස් කළ මහාධිකරණ තීන්දුව ශ්‍රේෂ්ඨාධිකරණයෙන් බල රහිත කරයි - යළිත් සාක්‍ෂි විභාග කරන්න නියෝග
හිටපු ආරක්‍ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත් ජයසුන්දර යන මහත්වරුන්ට එරෙහිව නීතිපතිවරයා විසින් පවරා තිබූ පාස්කු නඩුවේ චෝදනාවලින් එම විත්තිකරුවන් දෙදෙනා විත්තියේ සාක්‍ෂි කැඳවීමකින් තොරවම නිදහස් කිරීමට කොළඹ ත්‍රිපුද්ගල මහාධිකරණය ලබාදුන් තීන්දුව ශ්‍රේෂ්ඨාධිකරණය විසින් ඊයේ (05දා) බලරහිත කරමින් තීන්දුවක් නිකුත් කරන ලදී.
එම විත්තිකරුවන් දෙදෙනාට පාස්කු ප්‍රහාරය පිළිබඳව නිසි බුද්ධි තොරතුරු ලැබී තිබියදීත් එකී බුද්ධි තොරතුරු අනුව පාස්කු ප්‍රහාර මාලාව වළක්වා ගැනීමට පියවර නොගත්තේ ඇයි දැයි යන කරුණ විත්තියේ සාක්‍ෂි කැඳවා විමසීමක් කළ යුතුව තිබූ බව පෙන්වා දුන් ශ්‍රේෂ්ඨාධිකරණය වහාම නැවත විභාගය ආරම්භ කොට විත්තියේ සාක්‍ෂි විභාගය පවත්වන ලෙසට ද කොළඹ විශේෂ ත්‍රිපුද්ගල විනිසුරු මඬුල්ලට නියෝග කළේය.
සහරාන් හෂීම් ප්‍රමුඛ මුස්ලිම් අන්තවාදීන් මරාගෙන මැරෙන ප්‍රහාර මාලාවක් එල්ල කිරීමට සූදානම් වන බවට බුද්ධි තොරතුරු ලැබී තිබියදීත් ඒවා වළක්වා ගැනීමට නිසි පියවර නොගැනීමෙන් රාජකාරි වගකීම් පැහැර හැරීම ඇතුළු චෝදනා 855 බැගින් ගොනුකරමින් නීතිපතිවරයා විසින් එම විත්තිකරුවන් දෙදෙනාට වෙන් වෙන්ව නඩු දෙකක් පවරා තිබිණි. විත්තිකරුවන්ට චෝදනා කියවා දී නඩුවේ සාක්‍ෂි විභාගය ආරම්භ කළ කොළඹ විශේෂ ත්‍රිපුද්ගල විනිසුරු මඬුල්ල පැමිණිල්ලේ සාක්‍ෂි විභාගයෙන් අනතුරුව විත්තිය ඉදිරිපත් කළ මූලික විරෝධතා සලකාබලා විත්තිකරුවන් දෙදෙනාම නිදහස් කිරීමට 2022.02.18 වැනිදා තීන්දුවක් නිකුත් කොට තිබිණි. ආදිත්‍ය පටබැඳිගේ, නාමල් බණ්ඩාර බලල්ලේ සහ මොහොමඩ් ඉර්ෂඩීන් යන ත්‍රිපුද්ගල විනිසුරු මඬුල්ල නිකුත් කළ එම තීන්දුව අභියෝගයට ලක් කරමින් නීතිපතිවරයා විසින් ගොනු කර තිබූ අභියාචනාව ප්‍රීති පද්මන් සුරසේන, යසන්ත කෝදාගොඩ, අර්ජුන ඔබේසේකර, කුමුදුනී වික්‍රමසිංහ හා මහින්ද සමයවර්ධන යන පංච පුද්ගල ශ්‍රේෂ්ඨාධිකරණ විනිසුරු මඬුල්ල හමුවේදී විභාගයට ගෙන තිබිණි. එම තීන්දුව ඊයේ (05දා) ප්‍රීති පද්මන් සුරසේන, අර්ජුන ඔබේසේකර සහ මහින්ද සමයවර්ධන යන විනිසුරු මඬුල්ල හමුවේදී ප්‍රකාශයට පත් කෙරිණි.
විනිසුරු මඬුල්ලේ සභාපති විනිසුරු ප්‍රීති පද්මන් සුරසේන මහතා ප්‍රමුඛ විනිසුරුවරුන් සිවුදෙනකු එක් තීන්දුවක් නිකුත් කොට තිබූ අතර සාමාජික විනිසුරු මහින්ද සමයවර්ධන මහතා වෙන්ව තීන්දුවක් නිකුත් කොට තිබූ නමුත් සෙසු විනිසුරුවරුන් සිවුදෙනා ලබාදුන් මූලික හරයන්ට එකී තීන්දුව මගින් එකඟතාවය පළකර තිබිණි. ජ්‍යෙෂ්ඨ අතිරේක සොලිසිටර් ජනරාල් ජනාධිපති නීතිඥ ප්‍රියන්ත නාවාන මහතා, එකී අභියාචනා විභාගයේ දී නීතිපතිවරයා වෙනුවෙන් දීර්ඝ ලෙස කරුණු දක්වා තිබූ අතර ඔහු විශ්‍රාම යෑමෙන් අනතුරුව අතිරේක සොලිසිටර් ජනරාල් දිලීප පීරිස් මහතා ජ්‍යෙෂ්ඨ නියෝජ්‍ය සොලිසිටර් ජනරාල් සුදර්ශන ද සිල්වා මහතා සමග පැමිණිල්ල වෙනුවෙන් පෙනී සිටියේය. නීතිඥ ප්‍රියන්ත ගුණවර්ධන, නිර්මාල් කොඩිතුවක්කු යන මහත්වරුන් සමග ජ්‍යෙෂ්ඨ නීතිඥ රොෂාන් දෙහිවල මහතා පූජිත ජයසුන්දර මහතා වෙනුවෙන් පෙනී සිටියේය. ජනාධිපති නීතිඥ මොහාන් වීරකෝන් මහතා හේමසිරි ප්‍රනාන්දු මහතා වෙනුවෙන් පෙනී සිටියේය.
- දිවයින
සම්බන්ධිත පුවත් | Related News
ප්‍රධාන පුවත්
මූලධර්ම පටලවා ගත් මැතිවරණ කොමිසමේ සාමාජිකයන්ගෙන් අමතර පිරිවැය අය කරගත යුතුයි - ජාතික සංවිධාන කියයි
ප්‍රාදේශීය සභාවකට අරමුදල් අහිමි කරන්න විධායකයට බැහැ ... ඡන්ද බලහත්කාරය විධායක අයිතියක් නොවේ. හිටපු ආණ්ඩුකාරවරුන්ගෙන් ප්‍රකාශයක්
GSP+ රැකගන්න ත්‍රස්තවාදය වළකන පනත ඉක්මණින් හකුළයි
පාස්කු ඉරුදිනය අදයි
විශේෂ ආරක්‍ෂක අංග අංක තහඩුවෙන් ගැලවිලාලු - සේවකයෝ කියති
ට්‍රම්ප්ගේ බද්දෙන් නිදහස් කරන්නැයි ඉල්ලූ එක්සත් ජාතීන්ගේ සංවිධාන ලැයිස්තුවේ ලංකාව නෑ
චීන නැව් ඉලක්ක කරගත් එක්සත් ජනපද නවතම වරාය ගාස්තු සැලැස්ම 'අමෙරිකාවේ සහ අන් ජාතින්ගේ අවශ්‍යතාවලට හානි කරන' බව චීනය පවසයි. නීත්‍යානුකූල අයිතිවාසිකම් ආරක්ෂා කිරීමට පියවර ගන්නා බවට සපථ කරයි
ONLINE පනත ඉවතට
සිරි දළදා වන්දනාව අද ඇරඹෙයි
වියට්නාමයේ ශ්‍රමණවේශධාරීන් පිරිසක් ලංකාවේ පාද චාරිකාවක... මහානායක හිමියන් බෞද්ධ කොමසාරිස්ට ලියයි
’’ඡන්ද නීති කඩන කතා එපා’’ මැකෝගෙන් ජනපති ලේකම්ට ලිපියක්
‘අවමාන තර්ජනය නවත්වනු’ - චීනය ඇමරිකාවට තදින් පවසයි
අමෙරිකාව පැනවූ තීරු බදු වලින් රටවල් 28ක් නිදහස් කරන්නැයි එක්සත් ජාතීන්ගේ සංවිධානය ඉල්ලයි. එහෙත් ශ්‍රී ලංකාව ලයිස්තුවට ඇතුලත් නැහැ
245% ක තීරු බදු පනවන බවට එක්සත් ජනපදයෙන් චීනයට තර්ජන
සිරි දළදා වන්දනාවට සියල්ල සූදානම්
රට බේරා ගන්න උදව් කළාට මට මෙහෙම ද සලකන්නේ.. පිල්ලෙයාන් කඳුළු සළමින් ඇසුවා - උදය ගම්මන්පිල