රට තුළ පසුගිය රජයන් යටතේ සිදුකර ඇති දූෂණ අක්‍රමිකතා සම්බන්ධයෙන් තොරතුරු පවතී නම් දූෂණ විරෝධී හඬ සංවිධානයට ලබාදෙන ලෙස එම සංවිධානයේ කැඳවුම්කරු වසන්ත සමරසිංහ මහතා මහජනතාවගෙන් ඉල්ලා සිටී. ජාතික ජන බලවේගය හොරු සමග ඔට්ටු සෙල්ලම් නොකරන බවද ඔහු පවසයි.

අයථා ලෙස ඩොලර් බිලියන ගණනක වත්කම් ඉපැයූ බව කියන පැන්ඩෝරා ලියවිලි වල නම් සඳහන් ශ්‍රී ලාංකිකයන් සම්බන්ධයෙන් දේශීය ආදායම් බදු දෙපාර්තමේන්තුව පරීක්ෂණ කටයුතු අඛණ්ඩව සිදුකරන බව මහජන ආරක්ෂක අමාත්‍ය විජිත හේරත් පැවැසීය.

ජනාධිපතිවරණයට තරග කරන ලද අපේක්ෂකයන් 38 දෙනාගෙන් සිය ප්‍රචාරක වියදම් ලැයිස්තු තවමත් ඉදිරිපත් කර ඇත්තේ අපේක්ෂකයන් සිව් දෙනකු පමණක් බව මැතිවරණ කොමිෂන් සභාව කියයි.

ඊයේ (07) සවස් කාලයේ මරදාන පොලිස් වසමේ පිහිටි නෙළුම් කුලුනේ 29 මහලේ සිට 03 වන මහලට පැන සියදිවි හානිකරගත් පාසල් සිසුවිය පිළිබඳව පොලීසිය තොරතුරු හෙළිදරව් කර තිබේ.

අගෝස්තු මස සිට විශ්‍රාමිකයින්ට හිමි විය යුතුව ඇති රු. තුන් දහසක් (රු. 3000) ක මුදල අහිමි කිරීම ජ්‍යෙෂ්ඨ පුරවැසියන්ට සිදු කළ බලවත් අසාධාරණයක් බව මාතලේ දිස්ත්‍රික් හිටපු පාර්ලිමේන්තු මන්ත්‍රීණී රෝහිණී කවිරත්න මහත්මිය නිවේදනයක් නිකුත් කරමින් පවසයි.

හිටපු ජනාධිපති රනිල් වික්‍රමසිංහ මහතා සිය අවසන් අය වැය මගින් ඉදිරිපත් කළ පාර්ලිමේන්තු මන්ත්‍රීවරුන්ගේ විශ්‍රාම වැටුප් සම්බන්ධ යෝජනාව වත්මන් ජනාධිපති අනුර කුමාර දිසානායක මහතා විසින් පාර්ලිමේන්තුව විසුරුවා හැරීමත් සමඟ අහෝසි වී ඇතැයි පාර්ලිමේන්තු මහලේකම් කුශානි රෝහණධීර මහත්මිය සඳහන් කරයි.

‘බලශක්ති ඇමති ලෙස පෙට්‍රල් මිල රු150ක් කිරීමේ යෝජනාවට වම් අතින් අත්සන් කරලා මුදල් ඇමති ලෙස එකඟතාවය දෙන ලිපියට දකුණු අතින් අත්සන් කරන්න ජනාධිපතිතුමාට දැන් පුළුවන්’ යයි පිවිතුරු හෙළ උරුමය නායක නීතිඥ උදය ගම්මන්පිල මහතා සදහන් කරයි.

සුප්‍රසිද්ධ ලයිකා (Lyca) සමාගමේ නිර්මාතෘ අල්ලිරාජා සුභාෂ්කරන්ගේ මූලිකත්වයෙන් මෙරට තුළ දේශපාලන පක්ෂයක් පිහිටුවමින් දේශපාලනයට පිවිසීමට කටයුතු යොදා ඇතැයි වාර්තා වෙයි.

වසන්ත මුදලිගේ ඇතුළු අරගලය ක්‍රියාකාරීන් පිරිසක් ඉදිරි පාර්ලිමේන්තු මැතිවරණයට තරග කිරීමට තීරණය කර තිබේ.