ඉන්දීය අග්‍රාමාත්‍යවරයාගේ පසුගිය නිල සංචාරයට සමගාමිව ශ්‍රි ලංකා රජය සහ ඉන්දීය රජය සමග අත්සන් කල ගිවිසුම් හතක් අභියෝගයට ලක්කරමින් දේශප්‍රේමි ජාතික පෙරමුණ ඇතුළු ජාතික සංවිධාන හයක් විසින් ශ්‍රේෂ්ඨාධිකරණයේ නඩු පවරා තිබෙනවා.

යෝජිත නව විදුලි ගාස්තු සංශෝධනයට අනුව ගාස්තුව වැඩිවන නමුත්, එය මෙම වසර මුලදී පැවති විදුලි ගාස්තුවට වඩා අඩු අගයක් වනු ඇති බව ලංකා විදුලිබල මණ්ඩලය පවසයි.

යුද්ධයෙන් මියගිය පුද්ගලයන් සැමරුම් අද දිනයේ උතුරු පළාතේ පවත්වා ඇති අතර, ඒ සඳහා සැලකිය යුතු පිරිස් සහභාගිත්වයක් දක්නට ලැබුනු බව වාර්තා වේ.

මෙවර රණවිරු සැමරුමට ආරජ්‍ය අනුග්‍රහය ලබාදී ඇත්තේ ඉතා අවම වශයෙන් බවත්, තිස් වසරක යුද්ධය අවසන් කළ රණවිරුවෝ තවමත් ජීවත් වන බවත් ජාතික රණවිරු බලවේගය පවසයි.

රණවිරු සැමරුම දියාරු කරන තැනට අද පත්ව ඇති බවත්, රටේ භෞමික අඛණ්ඩතාව, ස්වෛරීත්වය ආරක්ෂාකර ගැනීම වෙනුවෙන් යුද වැදුණු රණවිරුවන් අද අමතක කර දමා ඇති බවත් විශ්‍රාමික රියර් අද්මිරාල් දසනායක මහතා පවසයි.

කොටි ත‍්‍රස්තවාදය පරදා වසර 16ක් ගෙවීම නිමිත්තෙන් හිටපු ජනාධිපති මහින්ද රාජපක්‍ෂ මහතා විසින් නිකුත් කර ඇති නිවේදනයක් මෙහි දැක්වෙයි.

වසර 16 ක් සපිරුණු මවුබිමේ ව්‍ජයග්‍රහණය නිමිත්තෙන් දෙවන පරපුර දේශපාලන ව්‍යාපාරය සඳහන් කරන්නේ මවුබිමේ බෙදුම්වාදී කුරිරු යුද්ධය නිමාකරන්නට ඇප කැපවූ රණවිරුවන් ඇතුළු සියලුදෙනාට ප්‍රණාමය පුදකර සිටින බවත්, ඒ වෙනුවෙන් පැවැත්වෙන පුණ්‍යානුමෝදනා පිංකම අද(18) සවස 5ට කඩුවෙල, වැලිවිට ශ්‍රී විජිතාරාම විහාරස්ථානයේ දී පැවැත්වෙන බවත් ය.

ජාතික රණවිරු සැමරුම් උත්සවය සඳහා විශ්‍රාමික රණවිරුවන් සහභාගි කරවීම සම්බන්ධයෙන් රණවිරු සේවා සහ පුණුරුත්තාපන අධ්‍යක්ෂ මණ්ඩලයෙන් ලිපියක් නිකුත් කරමින් පවසන්නේ රණවිරු සේවා අධිකාරිය මගින් දන්වා ඇත්තේ මියගිය රණවිරුවන්ගේ ළඟම ඥාතීන්, රණක්ෂියට පත් රණවිරුවන් හා සේවයේ නියුතු ජ්‍යෙෂ්ඨ නිලධාරීන් පමණක් මෙම අවස්ථාවට සම්බන්ධ කරන ලෙස බවයි.

යුද විජයග්‍රහණය සඳහා නායකත්වය දුන් දේශපාලන අධිකාරිය සහ හමුදා නායකත්වය අමතක නොකළ යුතු බවත්, සියලු දෙනාගෙන්ම ඉතිහාසය අමතක නොකරන ලෙස ඉල්ලා සිටින බවත් විශ්‍රාමික මේජර් ජනරාල් ජගත් ඩයස් මහතා පවසයි.