එක්සත් ජනපද රාජ්‍ය දෙපාර්තමේන්තුවේ ප්‍රකාශක මැතිව් මිලර් පසුගිය 4 වනදා මාධ්‍ය හමුවකට එක් වෙමින් යුක්‍රේනය වෙත වොෂින්ටනය ලබා දෙන මිලිටරි අරමුදල් යුක්‍රේනයට දෙපයින් නැගී සිටීමට හැකි වූ විට ක්‍රමයෙන් අඩු විය හැකි බව පවසා සිටියේය.

ලංකා වාහන ආනයනයකරුවන්ගේ සංගමය පවසන්නේ රජය මඟින් ඉදිරිපත් කර ඇති නව බදු ප්‍රතිපත්තිය මත ලියාපදිංචි කරන ලද මෝටර් රථ අලෙවි කිරීමේ දී යළි බදු අය කිරීමේ අවදානමක් පවතින බව යි.

ලංකා විදුලි පෞද්ගලික සමාගම හෙවත් ලෙකෝ සමාගම ජනවාරි මස විදුලි බිලට මහජන ආරක්ෂණ බද්ද සියයට 5 ක් හෙවත් දෙගුණයක් අය කර ගැනීම දැඩි අසාධාරණයක් බව පාරිභෝගිකයෝ චෝදනා කරති.

ජාත්‍යන්තර මූල්‍ය අරමුදලේ නියෝජිත කණ්ඩායමක් මෙරට ආර්ථික තත්ත්වය පිළිබඳ තීරණාත්මක ඇගැයීමක් සඳහා ලබන 11 වැනිදා මෙරටට පැමිණීමට නියමිත බව වාර්තා වේ.

ගොඩනැගිලි ඉදිකිරීම්කරුවන් ප්‍රකාශ කරන්නේ වැට් බදු ඉහළ දැමීම සහ ඉන්ධන මිළ ඉහළ යාම හමුවේ ගොඩනැගිලි අමුද්‍රව්‍ය මිල විශාල වශයෙන් ඉහළ ගොස් ඇති බවයි.

මියන්මාර ත්‍රස්ත ග්‍රහණයේ පසු වන ශ්‍රී ලංකිකයන් මුදා ගැනීම සඳහා සහය දැක්වීමට එරට රජය තීරණය කර ඇති බව වාර්තා වේ.

හෙරොයින් කිලෝ පහකට අධික ප්‍රමාණයක් සන්තකයේ තබාගෙන සිටි බවට චෝදනා ලැබ සිටි සංවිධානාත්මක අපරාධකරුවකු බව කියන කොස්ගොඩ තාරක නමැත්තාගේ අනියම් බිරිඳ සහ සගයකු කොළඹ මහාධිකරණ විනිසුරු ආදිත්‍ය පටබැඳිගේ මහතා ඊයේ පහ නිදොස් කොට නිදහස් කර තිබේ.

පොලීසිය විසින් තරුණයකු හා තරුණියකට හිරිහැර වන ලෙස සිදුකළ සෝදිසි කිරීමේ සිදුවීම පිළිබඳ පරීක්ෂණයක් පවත්වන ලෙස මහජන ආරක්ෂක අමාත්‍ය ටිරාන් අලස් මහතා උපදෙස් ලබාදී තිබේ.

වැඩබලන පොලිස්පති දේශබන්දු තෙන්නකෝන් ඇතුළු පොලිස් නිලධාරීන් තිදෙනෙකු වධහිංසා පැමිණවීමේ චෝදනාවට වරදකරු කරමින් ශ්‍රේෂ්ඨාධිකරණය විසින් ලබා දී ඇති තීන්දුව සැලකිල්ලට ගෙන වහාම නඩු පවරන ලෙස මෙරට ප්‍රමුඛ පෙළේ නීති උපදේශක කණ්ඩායමක් වන නීතීඥ සාමූහිකය නීතිපතිවරයාගෙන් ඉල්ලා ඇති බව වාර්තා වේ.