27 වනදා The Island පුවත් පතේ පලවූ ලින් ඔකර්ස්ගේ රුසියානු විරෝධී ලිපියට ශ්‍රී ලංකාවේ රුසියානු තානාපති කාර්යාලයෙන් දැඩි විරෝධය

Nov 28, 2025 at 06:39 AM

|

Lanka Leader

ඊයේ(27) පලවූ "The Island" පුවත් පතේ "Huge Question marks remain over Ukraine and Gaza (යුක්රේනය සහ ගාසා තීරය සම්බන්ධයෙන් දැවැන්ත ප්‍රශ්නාර්ථ ලකුණු ඉතිරිව පවතී) " යන මාතෘකාව යටතේ ලින් ඔකර්ස් විසින් රචිත ලිපියක් සම්බන්ධයෙන් රුසියානු තානාපති කාර්යාලය දැඩි විරෝධය පල කර තිබේ. ලින් ඔකර්ස් මහතා සිය ලිපිය මගින් ඇඩොල්ෆ් හිට්ලර් යුරෝපය අත්පත් කර ගැනීමට කළ ලේ වැකි යුද්ධය සහ  යුක්රේනයේ රුසියානු භාෂාව කතා කරන ජනනයාට වෙනස් කොට සැලකීමෙන් සහ එම ජනයා විනාශාකර අවසන් කිරීමට ගන්නා උත්සාහය ව්‍යවර්ථ කිරීමේ අරමුණු කරගත් රුසියාව යුක්රේනයේ කරනු ලබන විශේෂ හමුදා මෙහෙයුම සමඟ සංසන්දනය කිරීම ශ්‍රී ලංකාවේ රුසියානු තානාපති කාර්යාලය දැඩි ලෙස හෙලා දකින බවද පවසයි. ශ්‍රී ලංකාවේ රුසියානු තානාපති කාර්යාලය මාධ්‍ය නිවේදනයක් නිකුත් කරමින් මේ බව පවසා තිබේ. ලින් ඔකර්ස් මහතා සිය ලිපිය මගින් සාවද්‍ය මතයක් ශ්‍රී ලංකාවේ පාඨකයා වෙත පැටවීමට උත්සහා ගන්නා බවද මාධ්‍ය නිවේදනය මගින් වැඩිදුරටත් පවසයි.

මේ වන විට අමෙරිකානු ජනාධිපති ඩොනල්ඩ් ට්‍රම්ප් පරිපාලනය ඉදිරිපත් කර ඇති සාම සැලැස්ම නාසි ජර්මනියේ මියුනිච් ගිවිසුම සමඟ සමාන කිරීමට  ලින් ඔකර්ස් මහතා දරන උත්සාහය ද රුසියානු තානාපති කාර්යාලය දැඩි ලෙස හෙළා දකින බවද එම මාධ්‍ය නිවේදනය පවසයි. මියුනිච් ද්‍රෝහී විධිවිධාන පිටුපස සිටි මහා බ්‍රිතාන්‍යය සහ ප්‍රංශය සම්බන්ධයෙන්  ලින් ඔකර්ස් සඳහන් නොකරන්නේ මන්දැයි මාධ්‍ය නිවේදනය ප්‍රශ්න කරනු ලබයි. යුක්රේන ජනාධිපති සෙලෙන්ස්කි ගේ නාසි සහ කියෙව්හි දූෂිත තන්ත්‍රයට එරෙහිව රුසියාව ගත් සාධාරණ ක්‍රියාමාර්ගයට එරෙහිව දොස් පැවරීමෙන් ඔකර්ස් මහතා ඇත්ත වශයෙන්ම තමන් නව-නාසි දෘෂ්ටිවාදයේ ආධාරකරුවෙකු බව ඔප්පු කරන බවද මාධ්‍ය නිවේදනය පවසයි.

අවසාන වශයෙන් ඔස්කර් මහතා වැනි අය පලකරන ඕනෑම රුසියානු විරෝධී මතයකට දැඩි ප්‍රතිචාර දැක්වීමේ අයිතිය ශ්‍රී ලංකාවේ රුසියානු තානාපති කාර්යාලය සතු බවද එම නිවේදනය අවධාරණය කරනු ලබයි.