වව්නියාව උතුර ප්‍රදේශයේ පිහිටි වඩුනාගල රජමහා විහාරයට කිසියම් පිරිසක් විසින් හානි කිරීමේ සිද්ධියට අදාළව ඉදිරිපත් කළ මූලික අයිතිවාසිකම් පෙත්සම සම්බන්ධයෙන් ප්‍රතිවිරෝධතා ගොනුකිරීමට ශ්‍රේෂ්ඨාධිකරණය කල් ලබාදී තිබේ.

ව්‍යාජ ලේඛන සකස් කරමින් ප්‍රමිතියෙන් තොර ඖෂධ ගෙන්වීමට අදාළ සමාගමක හිමිකරු සහ ඊට අනුමැතිය දුන් රජයේ උසස් නිලධාරීන් දෙදෙනෙකුගේ විදෙස් ගමන් තහනම් කර තිබේ.

එළැඹෙන අයවැය යෝජනාවලිය මගින් සියලු රජයේ සේවකයින්හට වැටුප් වැඩි කිරීමට පියවර ගන්නා බව ජනාධිපති රනිල් වික්‍රමසිංහ මහතා පවසයි.

ජාතික ජනබලවේගයේ නායක අනුර කුමාර දිසානායක මහතාගේ අමෙරිකානු සංචාරයේ දී එරට ශ්‍රී ලාංකිකයෙක් පළාත් සභා පිළිබඳව ඔහුගේ මතය කුමක්දැයි විමසද්දී එයට පිළිතුරු ලබා දෙමින් අනුර දිසානායක මහතා පවසන්නේ පළාත් සභා අද උතුරු හා නැගෙනහිර ජනතාවගේ අයිතියක් බවට පත් වී ඇති බවය.

සමගි ජනබලවේගයේ ජ්‍යෙෂ්ඨයන් එකතුවී පක්ෂයේ සභාපතිවරයා වන සරත් ෆොන්සේකා මහතා සාකච්ඡා කළ බවත්, ඔහු සම්බන්ධයෙන් ඇති වී තිබෙන යම් යම් ගැටලුවලට එම සාකච්ඡා හරහා යම්කිසි එකඟතාවයන් ඇති වූ බවත් පාර්ලිමේන්තු මන්ත්‍රී තිස්ස අත්තනායක මහතා පවසයි.

ශ්‍රී ලංකා ක්‍රිකට් කණ්ඩායමේ දිරිගන්වන්නෙකු ලෙස ජනප්‍රියත්වයට පත්ව සිටි පර්සි අබේසේකර මහතා අභාවප්‍රාප්ත වී තිබේ.

ආණ්ඩුව අනෙක් දේවල් කෙසේ වුවද විදුලි බිලෙන් නම් සිංගප්පූරුවට සම කර ඇති බව පාර්ලිමේන්තු මන්ත්‍රී උදය ගම්මන්පිල මහතා පවසයි.

කොළඹ නගරයට ප්‍රහාරයක් එල්ල කිරීමේ සූදානමක් ඇති බවට බන්ධනාගාර රැදවියෙකු විසින් ලබාදී ඇති පණිවිඩය කිසිදු සත්‍යතාවක් නැතැයි නියෝජ්‍ය පොලිස්පති දේශබන්දු තෙන්නකෝන් මහතා සඳහන් කරයි.

මෙරට තුළ සිදුවන මරණවල ක්‍රමික වර්ධනයක් පෙන්නුම් කෙරෙන බව ජනලේඛන හා සංඛ්‍යාලේඛන දෙපාර්තමේන්තුව පවසයි.