ඉරානයේ න්‍යෂ්ටික වැඩසටහන සීමා කිරීම පිළිබඳ සාකච්ඡාවල ප්‍රගතියක් ලබා ගැනීමට අසමත් වූ බව වාර්තා වීමෙන් පසු එක්සත් ජනපද රජය ඉරානයට ප්‍රධාන නව ප්‍රහාරයක් සම්බන්ධයෙන් අධ්‍යනය කරමින් සිටින බව වාර්තා වන බැවින්, ඊයේ(29) එක්සත් ජාතීන්ගේ ආරක්ෂක මණ්ඩලයේ මැද පෙරදිග පිළිබඳ ඉහළ මට්ටමේ විවාදයකදී එක්සත් ජාතීන්ගේ චීන නියෝජිතයා පැවසුවේ ඕනෑම මිලිටරි වික්‍රමාන්විතයක් කලාපය අනපේක්ෂිත අගාධයකට තල්ලු කරනු ඇති බවයි.

පාර්ලිමේන්තුවේ ඉහළ නිලධාරියෙකුට විරුද්ධව පැමිණිල්ලක් ඉදිරිපත් වන අවස්ථාවේදී ඒ නිලධාරියාට විරුද්ධව ඇති සාක්ෂි සම්පිණ්ඩනය කර ඒ පිළිබඳ වාර්තාවක් පාර්ලිමේන්තුවට ඉදිරිපත් කිරීම අනිවාර්යයෙන්ම කළ යුතු වුවත් කතානායකවරයා මෙතනදී එම නීති සම්ප්‍රදාය කඩ කර ඇතැයි හිටපු සභානායක සහ හිටපු අමාත්‍ය ලක්ෂ්මන් කිරිඇල්ල මහතා චෝදනා කළේය.

අයථා ලෙස උපයාගත්තේ යැයි කියන රුපියල් මිලියන 15ක මුදලක් එන්. ආර්. කන්සල්ටන්සි සමාගමේ ආයෝජනය කිරීමෙන් මුදල් විශුද්ධිකරණය වැළැක්වීමේ පනත යටතේ වරදක් කළැයි පාර්ලිමේන්තු මන්ත්‍රී නාමල් රාජපක්ෂ ඇතුළු සිව් දෙනකුට එරෙහි නඩුවේ නීතිපති උපෙදස් මෙතෙක් ලැබී නැතැයි අපරාධ පරීක්ෂණ දෙපාර්තමේන්තුව අද (29) අධිකරණයට දැනුම් දුන්නේය.

අධ්‍යාපන ප්‍රතිසංස්කරණ කටයුතු මෙම වසරේ සිටම 6 ශ්‍රේණියේ සිසුන් වෙනුවෙන් හඳුන්වා දීමට පියවර ගන්නා බව අග්‍රාමාත්‍ය ආචාර්ය හරිනි අමරසූරිය මෙනෙවිය ප්‍රකාශ කරයි.

ගුරු සේවයේ ස්ථිර කරන ලෙස ඉල්ලා පාසල් සංවර්ධන නිලධාරීන්ගේ සංගමය ජනාධිපති ලේකම් කාර්යාලය ඉදිරිපිට ආරම්භ කළ මාරාන්තික උපවාසය අද (29) හතරවන දිනයටත් ක්‍රියාත්මකයි.

සහකාර පොලිස් අධිකාරී රොහාන් ඕලුගල මහතා වලාන මධ්‍යම දූෂණ මර්දන ඒකකයේ අධ්‍යක්ෂවරයා ලෙස පත්කර තිබේ.

මතභේදයට තුඩුදුන් ගල් අඟුරු ආනයනය සම්බන්ධයෙන් ලංකා ගල් අඟුරු සමාගමේ සාමාන්‍යාධිකාරී නාමල් හේවගේ මහතා තොරතුරු අනාවරණය කළේය.

වයස අවුරුදු 12ට අඩු පාසල් ළමුන් සඳහා සමාජ මාධ්‍ය ප්‍රවේශය සීමාකිරීම සම්බන්ධයෙන් රජයේ අවධානය යොමුව තිබේ.

ඉරානයේ න්‍යෂ්ටික වැඩසටහන පිළිබඳ ගිවිසුම් ගතවීමකට හෝ සාකච්ඡා කිරීමක් සඳහා පැමිණිය යුතු කාලය අවසන් වෙමින් පවතින බවට අමෙරිකානු ජනාධිපති ඩොනල්ඩ් ට්‍රම්ප් ඉරානයට අනතුරු අඟවා ඇති අතර, අති විශාල අමෙරිකානු නාවික හමුදාවකින් සමන්විත සන්නද්ධ යුද නෞකාවක් ඉරානය දෙසට ඉතා උද්‍යෝගයෙන් සහ ස්ථිර අරමුණකින් වේගයෙන් ගමන් කරන බවට ජනපති ට්‍රම්ප් අනතුරු අඟවා තිබේ.