කෝටි ගණන් මුදල් ගත් චීවර වේශධාරීන් නිරාගමික රාජ්‍යක් ගොඩනැගීම සඳහා බුදු දහමට පහර දෙන බව පූජ්‍ය අලංකාරේ සමුද්ද හිමියෝ පවසති.

පාස්කු ඉරිදා ප්‍රහාරයේ මහ මොළකරුවන් සහ වැරදිකරුවන් හෙළිදරව් කරන බවට පොරොන්දු දී බලයට පත් වූ වත්මන් ආණ්ඩුව, එළඹෙන අප්‍රේල් 21 වනදාට පෙර කාව හෝ වැරදිකරු කර මෙම සිදුවීම යටපත් කිරීමට උත්සාහ කරන බව ජන අරගල සන්ධානයේ නුවන් බෝපගේ මහතා පවසයි.

වී මිලදී ගැනීම සඳහා රජය නියම කළ අවම සහතික මිල ගණන් වී අලෙවි මණ්ඩලය විසින් නිල වශයෙන් ප්‍රකාශයට පත් කර තිබේ.

අකුරේගොඩදී නීතිඥවරයෙකුට සහ ඔහුගේ බිරිඳට වෙඩි තබා ඝාතනය කිරීමේ සිද්ධිය ඇතුළුව නීතිය හා සාමය පිරිහීම සම්බන්ධයෙන් මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා වහාම ඉල්ලා අස්විය යුතු බව එක්සත් ජාතික පක්ෂය පවසයි.

සමාජයෙන් එල්ල වෙන චෝදනාවන් සම්බන්ධයෙන් භික්ෂූන් වහන්සේ උපේක්ෂා සහගතව කටයුතු කළ ‍යුතු බව අස්ගිරි විහාර පාර්ශ්වයේ අනුනායක පූජ්‍ය නාරම්පනාවේ ආනන්ද හිමි‍යන් පවසයි.

කුමන ආකාරයේ පරිපාලන දුර්වලතා පැවතියත් මෙරට නිදහස් සෞඛ්‍ය සේවයත් නිදහස් අධ්‍යාපනයත් ලෝකයේ විශිෂ්ඨතම පද්ධතීන් දෙකක් ලෙස ක්‍රියාත්මක වන බවත්, මේවා බඳ වැට්ටවීමේ අවශ්‍යතා දෙකක් හඳුනා ගත හැකි බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

රජයේ වෛද්‍ය නිලධාරීන්ගේ සංගමය විසින් ගනු ලැබූ තීරණයකට අනුව, දිවයින පුරා පිහිටි සෞඛ්‍ය වෛද්‍ය නිලධාරී කාර්යාලවල තොරතුරු හා දත්ත වාර්තාකරණ කටයුතුවලින් බැහැර වීමට වෛද්‍යවරුන් පියවර ගෙන ඇත.

ලංකා සම සමාජ පක්ෂයේ නායක, හිටපු අමාත්‍ය අභාවප්‍රාප්ත මහාචාර්ය තිස්ස විතාරණ මහතාගේ දේහය පිළිබඳ අවසන් කටයුතු අද (16) පස්වරු 4.30ට බොරැල්ල කනත්තේදී සිදුකිරීමට නියමිතව තිබේ.

යුද්ධය අවසන් වී වසර ගණනාවක් ගත වුවද, ජනතාවගේ හදවත් තුළට තවමත් සාමය සම්පූර්ණයෙන්ම පැමිණ තිබේද යන්න ගැටලුවක්ව පවතින බව අග්‍රමාත්‍ය ආචාර්ය හරිනි අමරසූරිය මහත්මිය පවසයි.