විභාග දෙපාර්තමේන්තු ආරංචි මාර්ග සඳහන් කරන්නේ අධ්‍යයන පොදු සහතික පත්‍ර උසස් පෙළ 2023 විභාගයේ ප්‍රතිඵල නිකුත් කිරීමට මේ මස අවසන් සතියේ පමණ හැකිවනු ඇති බවයි.

තමන් ඝාතනය කිරීම සඳහා වූ සැලැස්මක් දැනට මාස එකහමාරකට පමණ පෙර ක්‍රියාත්මක වූ බව හිටපු අමාත්‍ය පාර්ලිමේන්තු මන්ත්‍රී රොෂාන් රණසිංහ මහතා සඳහන් කරයි.

මෙම මැයි රැලිය ඉතා තීරණාත්මක එකක් බවත්, රටේ අනාගතය නැති කළ අයගේ ඔඩොක්කුවට නොවැටෙන ලෙසත් ශ්‍රී ලංකා පොදුජන පෙරමුණේ නායක හිටපු ජනාධිපති මහින්ද රාජපක්ෂ මහතා පවසයි.

තේ කිලෝවක් නිෂ්පාදනය කිරීම සඳහා වැය වන ඉහළ පිරිවැය හමුවේ වතු කම්කරුවන්ගේ දෛනික වැටුප රු. 1700 දක්වා වැඩි කිරීමට නොහැකි බව වතු හාම්පුතුන්ගේ සංගමය පවසයි.

දෙමළ ඩයස්පෝරාවේ සාමාජිකයින් පිරිසක් විසින් එකතු වී 'එක්සත් ජනතා පක්ෂය' නමින් නව දේශපාලන පක්ෂයක් යාපනයේදී පිහිටුවා ගෙන ඇති බව වාර්තා වේ.

පාස්කු ප්‍රහාරයේ සුලමුල සොයාගෙන ඒ සඳහා විනිවිධභාවයෙන් යුතු වැඩ පිළිවෙළක් නිර්මාණය කරන බවත්, කිසිඳු ත්‍රස්තවාදයකට හෝ අන්තවාදයකට හිස එසවීමට ඉඩ නොදෙන බවත් විපක්ෂ නායක සජිත් ප්‍රේමදාස මහතා පැවසීය.

ජාතික ජන බලවේගයේ මැයි දින රැළිය අමතමින් එහි නායක පාර්ලිමේන්තු මන්ත්‍රී අනුර දිසානායක මහතා ඊයේ දින පැවසුවේ සීයට තුනක ප්‍රතිශතයක තිබූ ජාතික ජන බලවේග ඡන්ද පදනම සියයට පනස් එකක් වීම හාස්කමක් විය යුතු බව ඇතැමුන් පවසන බවය.

"77න් ඇරඹි පරාධීන ආර්ථික මාවතෙන් ගැලවීමට එක්වව් එක්සත් මැයි දින රැලිය මැයි 01 සවස 2:00ට කිරුළපන ක්‍රීඩාංගණයේදී ඇරඹිනි.

සමගි ජන බලවේගයේ පාර්ලිමේන්තු මන්ත්‍රී තුෂාර ඉඳුනිල් මහතා අද (01) චෝදනා කරමින් පැවසුවේ ජාතික ජන බලවේගය මැයි දිනයේ වියදම අහිංසක කම්කරුවා මත පටවා ඇති බව ය.