ශ්‍රී ලංකා නීති ශිෂ්‍ය සිංහල සංගමය විසින් වාර්ෂිකව පවත්වනු ලබන පොත් ප්‍රදර්ශනය මාර්තු මස 17 සිට 20 දක්වා පැවැත්වීමට නියමිතය.

ඉදිරි පළාත් පාලන මැතිවරණයට තරග කිරීම සඳහා ශ්‍රී ලංකා මුස්ලිම් කොංග්‍රසයේ ජාතික ලැයිස්තු පාර්ලිමේන්තු මන්ත්‍රී මොහොමඩ් සාලි නලීම් මහතා සිය පාර්ලිමේන්තු මන්ත්‍රී ධුරයෙන් ඉල්ලා අස්වීමට තීරණය කර තිබේ.

සභානායක අමාත්‍ය බිමල් රත්නායක මහතා විසින් එල්ල කරන ලද චෝදනා සම්බන්ධයෙන් පැහැදිලි කිරීමක් කරමින් හිටපු කතානායක මහින්ද යාපා අබේවර්ධන මහතා නිවේදනයක් නිකුත් කරයි. ඔහු එමගින් සඳහන් කරන්නේ මීට ප්‍රථම මෙම සිදුවීම සම්බන්ධයෙන් තමන් ඉදිරිපත් කල කරුණු බිමල් රත්නායක මහතාගේ දත්ත හරහා තහවුරු වන බවයි.

දේශපාලනඥයන් ඔවුන්ගේ හිතවතුන් සහ නිලධාරීන් රැසක් විවිධ වගා ව්‍යාපෘති මුවාවෙන් පසුගිය කාලයේදී රුපියල් කෝටි ගණනින් මුදල් සහ රජයේ ඉඩම් ලබාගෙන කිසිදු ව්‍යාපෘතියක් ක්‍රියාත්මක නොකර පෞද්ගලිකව පරිහරණය කර ඇතැයි වැවිලි සහ ප්‍රජා යටතල පහසුකම් අමාත්‍ය සමන්ත විද්‍යාරත්න මහතා පාර්ලිමේන්තුවේදී පැවසීය.

ජාතික සත්ව සංගණනය අද (15) පැවැත් වෙයි. අද පෙරවරු 8 සිට ජාතික සත්ව සංගණනය ආරම්භ වන බව කෘෂිකර්ම, පශු සම්පත්, ඉඩම් හා වාරිමාර්ග අමාත්‍යංශය පැවසීය.

ළිහිල් දේශසීමා පාලන ප්‍රතිපත්ති සහ නිදහස් භාෂණයට ඇති සීමාවන් හේතුවෙන් බොහෝ යුරෝපීය රටවල් “ශිෂ්ටාචාරමය සියදිවි නසාගැනීමේ” අද්දරට පැමිණිය හැකි බවට එක්සත් ජනපද උප ජනාධිපති ජේ.ඩී. වාන්ස් අනතුරු ඇඟවීය.

බටලන්ද කොමිෂන් සභා වාර්තාව සම්බන්ධයෙන් හිටපු ජනාධිපති රනිල් වික්‍රමසිංහ මහතා එළැඹෙන ඉරිදා (16) විශේෂ ප්‍රකාශයක් සිදුකිරීමට නියමිතව තිබේ.

මෙරට තේ කර්මාන්ත ශාලා 709ක් පමණ තිබුණා මේ වන විට එයින් කර්මාන්ත ශාලා 124ක් වැසී ගොස් තිබෙන බව විපක්ෂයේ ප්‍රධාන සංවිධායක ගාල්ල දිස්ත්‍රික් මන්ත්‍රී ගයන්ත කරුණාතිලක මහතා (ස.ජ.බ)පාර්ලිමේන්තුවේදී පැවසීය.

ඒ අනුව භාවිතා කළ වාහනවලට පසුව එකතු කරන ලද ශීතකරණය ට්‍රක් බොඩි වැනි ඕනෑම අමුණා ඇති බොඩිවල පිරිවැය රේගු වටිනාකමට ඇතුළත් වේ. එලෙසම, ආනයන හා අපනයන ගැටළු සම්බන්ධයෙන් අවසාන තීරණය පාලක ජෙනරාල්වරයා සතු බව රේගු බලධාරීන් ප්‍රකාශ කළේය.