ත්‍රස්තවාදය වැළැක්වීමේ පනත අහෝසි කිරීම, පළාත් සභා මැතිවරණය පැවැත්වීම, දෙමළ ජනතාවගේ ඉඩම් ගැටලු නොවිසඳීම ඇතුළු කරුණු කිහිපයකට විසඳුම් ඉල්ලා උතුරු නැගෙනහිර ප්‍රදේශවල අද (18දා) හර්තාල් ව්‍යාපාරයක් පැවැත්වීමට කටයුතු කරන බව ඉලංගෙයි තමිල් අරුසු කච්චි පක්ෂයේ මඩකළපුව දිස්ත්‍රික් නායක පාර්ලිමේන්තු මන්ත්‍රි ශානක්‍යන් රාසමානික්කන් පවසයි.

උතුරේ විරෝධතාවයක් නොමැතිව දිනයක් ගතනොවන නමුත් මෑත සතිවලදී, සමාජ ක්‍රියාකාරීන් හෝ සිවිල් සමාජ සාමාජිකයන් යැයි කියා ගන්නා සුදු පැහැති ඇඳුම් ඇඳගත් පුද්ගලයන් ඔවුන් සමඟ එක්වන විරෝධතාවල නිරතවීම වැඩිවීමක් දක්නට ලැබෙන අතර, එය දේශපාලන වාසිලබා ගැනීමේ උත්සාහයක් ලෙස පෙනේ.

මුදල් අච්චු ගැසීම, විදේශ සංචිත පහත වැටීම හා දේශීය ණය ප්‍රමාණය ඉහළ යාම වසරේ ආර්ථික සංවර්ධන ඉලක්ක සපුරා ගැනීමට බලවත් අභියෝගයක් විය හැකි බව ශ්‍රී ලංකා මානව හිමිකම් කේන්ද්‍රය නිවේදනයක් නිකුත් කරමින් පවසයි.

2015 දී පොහොර සංස්ථාවේ සේවය කරමින් සිටියදී අරමුදල් අවභාවිත කිරීම සම්බන්ධයෙන් දූෂණ පැමිණිලි ලැබීමෙන් පසු අල්ලස් හෝ දූෂණ චෝදනා විමර්ශන කොමිසම බලශක්ති අමාත්‍ය කුමාර ජයකොඩිට එරෙහිව නඩු පැවරීමට තීරණය කර ඇති බව වාර්තා වේ.

නිර්නාමික යුරෝපීය නිලධාරීන් උපුටා දක්වමින්, ජනාධිපති ට්‍රම්ප් සඳුදා ධවල මන්දිරයේදී යුක්රේනයේ ව්ලැඩිමීර් සෙලෙන්ස්කි හමුවීමට යුරෝපීය නායකයින්ට ආරාධනා කර ඇති බව නිව්යෝර්ක් ටයිම්ස් වාර්තා පවසයි.

විශ්වවිද්‍යාල තුළ පවතින ගැටලු සඳහා මේ වන තෙක් විසඳුම් ලැබී නොමැති බව පවසමින් විශ්වවිද්‍යාල වෘත්තිය සමිති ඒකාබද්ධ කමිටුව වැඩ වර්ජනයකට සූදානම් වෙයි.

අද (17) පස්වරු 4.00 සිට වැඩ වර්ජනයක් ආරම්භ කිරීමට තැපැල් හා විදුලි සංදේශ නිලධාරීන්ගේ සංගමය සහ ඒකාබද්ධ තැපැල් වෘත්තිය සමිති පෙරමුණ සැලසුම් කර ඇත.

2025 වසරේ මේ දක්වා කාලය තුළ අලි ඇතුන් 400කට ආසන්න සංඛ්‍යාවක් මියගොස් ඇති බවත්, මෙය දැවැන්ත පාරිසරික ඛේදවාචකයක් බවත් කොළඹදී පැවති මාධ්‍ය හමුවකදී පාරිසරික විද්‍යාඥ ආචාර්ය අජන්තා පෙරේරා මහත්මිය ප්‍රකාශ කළාය.

චීනය ඊයේ(15) බීජිං නුවර රඳි සිටින ජ්‍යෙෂ්ඨ ජපන් රාජ්‍ය තාන්ත්‍රිකයෙකු කැඳවා, දෙවන ලෝක යුද්ධයේදී (WWII) ජපානය කොන්දේසි විරහිතව යටත් වීමේ 80 වන සංවත්සරය සනිටුහන් කරමින් ජපානයේ යුද්ධයට සම්බන්ධ යසුකුනි සිද්ධස්ථානයට ජපන් දේශපාලඥයන් කළ සංචාර සම්බන්ධයෙන් ජපානයට cඊනයේ දැඩි විරෝදය එල්ල කළේය.