එක්සත් ජාතීන්ගේ සංවිධානය විසින් කියුබාවට එරෙහිව පනවා ඇති සම්බාධක ඉවත් කරන ලෙස ඉල්ලා සිටින යෝජනාවට සාමාජික රටවල් තම ඡන්දය දීමට පෙර එක්සත් ජනපදය විසින් එල්ල කරන ලද බලපෑම් කියුබානු විදේශ කටයුතු අමාත්‍ය බෲනෝ රොඩ්‍රිගස් ඊයේ(22) හෙළා දුටුවේය.

නොවැම්බර් 1 වනදා සිට ඇමරිකාවට ආනයනය කරනු ලබන චීන භාණ්ඩ සඳහා සියයට 155 ක තීරුබදු පැනවීමේ සිය සැලසුම් ඉදිරියට ගෙන යන බව ඇමරිකානු ජනාධිපති ඩොනල්ඩ් ට්‍රම්ප් ප්‍රකාශ කරයි.

පවතින අයහපත් කාලගුණය හේතුවෙන් මේ වන විට දිස්ත්‍රික්ක 12ක පුද්ගලයින් 10,553 ක් පීඩාවට පත්ව සිටින බව ආපදා කළමණාකරණ මධ්‍යස්ථානය පවසයි.

නාඳුනන තුවක්කුකරුවකුගේ වෙඩි පහරකින් ඝාතනයට ලක් වූ වැලිගම ප්‍රාදේශීය සභාවේ සභාපති ලසන්ත වික්‍රමසිංහ මහතා තමන්ට ජීවිත තර්ජන එල්ල වී ඇති බව පවසමින් පොලිස්පතිවරයා වෙත ලිපියක් යොමු කර තිබේ.

ජාතික ජනබලවේගයේ ඇතැම් මැති ඇමැතිවරු ඉන්ධන දීමනා දෙකක් ලබාගෙන ඇති බවට දැඩි චෝදනා එල්ල වන බවත්, සත්‍ය ලෙසම ඔවුන් ඉන්ධන දීමනා දෙකක් ලබාගෙන ඇති බවට මේ වන විට තොරතුරු අනාවරණය වී ඇති බවත් ප්‍රවීන මාධ්‍යවේදී ශමීන්ද්‍ර ෆර්ඩිනැන්ඩෝ මහතා පවසයි.

ලංකා විදුලිබල මණ්ඩලය පිරිවැය ආවරණය කර ගැනීම සඳහා ඉල්ලා ඇති විදුලිය ගාස්තු සංශෝධන සඳහා අවසර හිමිවිය යුතු බව ජාත්‍යන්තර මූල්‍ය අරමුදල පසුගියදා ප්‍රකාශ කළේය.

ආණ්ඩුවට ප්‍රතිවිරුද්ධ බල කඳවුර තුළ ආණ්ඩුවට තර්ජනයක් වියහැකි දේශපාලන චරිත පාතාල කල්ලි මගින් දඩයම් ක්‍රිරීමේ ක්‍රියාමාර්ගයක නියැලෙනවාදෝ යන සැකය මතුවී ඇති බව ජාතික නිදහස් පෙරමුණේ නායක, හිටපු පාර්ලිමේන්තු මන්ත්‍රී විමල් වීරවංශ මහතා පවසයි.

ඝාතනයට ලක් වූ මාතර වැලිගම ප්‍රාදේශීය සභාවේ සභාපති ලසන්ත වික‍්‍රමසේකර නොහොත් වැලිගම ලසා, මහජන නියෝජිතයෙක් බවට පත් වුවද, ඔහු පාතාල අපරාධකරුවෙක් බව මහජන ආරක්‍ෂක ඇමති ආනන්ද විජේපාල මහතා පාර්ලිමේන්තුවේදී ප්‍රකාශ කරයි.

පසුගිය සැප්තැම්බර් මාසයේදී කැරිබියානු සාගරයේ වෙනිසියුලාවේ බොලිවේරියානු ජනරජයට අයත් මුහුදු කලාපයට ආසන්නයේම අමෙරිකානු එක්සත් ජනපද නාවික හමුදා බල ඇණි රැඳවීමෙන් අමෙරිකාව වෙනිසියුලාවට එරෙහි යුද මෙහෙයුමකට සූදානම් බව ලෝකය හමුවේ ඔප්පු කරනු ලැබූ බවත්, වෙනිසියුලාවේ නීත්‍යානුකූල රජය සහ එහි ජනාධිපති නිකොලස් මධුරෝ නීති විරෝධී මත්ද්‍රව්‍ය ජාවාරමට සම්බන්ධ අපරාධ සංවිධාන සමඟ සම්බන්ධ බවට වන පදනම් විරහිත චෝදනාවක් ඉදිරිපත් කළ බවත් අධිරාජ්‍ය විරෝධී ජාතික සංසදය අවධාරණය කරයි.