ශ්‍රී ලංකා මහ බැංකුව විසින් මෑතකදී කළ විමර්ශනයකින් අනතුරුව, තහනම් පිරමීඩ යෝජනා ක්‍රම පවත්වාගෙන ගිය සහ ප්‍රවර්ධනය කළ බවට හඳුනාගත් ආයතන 25ක ලැයිස්තුවක් ප්‍රසිද්ධියට පත් කර තිබේ.

ගොවියා රජෙක් ලෙසත්, මඩ සෝදාගත් කල ඔහු රජකමට සුදුසු බවටත් පවතින කියමන් අතීත යුගයකට පමණක් සීමා වූ ඒවා බවත්, වර්තමාන ආර්ථිකය තුළ සංචාරක ව්‍යාපාරය සහ ඇඟලුම් කර්මාන්තය ප්‍රධාන භූමිකාවක් ඉටු කරන බවත් කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී. ලාල්කාන්ත මහතා පවසයි.

ඩෙංගු රෝගීන්ගෙන් 22,000ක් ජුනි මාසේ වාර්තා වීම බරපතළ බවත් මේ වන විට දිවයිනේ සෞඛ්‍ය වෛද්‍ය නිලධාරී කොට්ඨාස 124ක් අධි අවදානම් බවත් රජයේ වෛද්‍ය නිලධාරීන්ගේ සංගමයේ සහකාර ලේකම් වෛද්‍ය චමිල් විජේසිංහ පවසයි.

පිවිතුරු හෙළ උරුමය පක්ෂ මූලස්ථානයේදී පැවති මාධ්‍ය හමුවක් අමතමින් එම පක්ෂ නායක නීතිඥ උදය ගම්මන්පිල මහතා මෙම අදහස් පල කලේය.

පිටරටින් අසීමිත ලෙස කෘෂිකාර්මික ඵලදාවන් ආනයනය කිරීම හේතුවෙන් දේශීය ගොවියා දැඩි ආර්ථික පරිහානියකට පත්ව ඇති බව "දේශයේ ගොවි හඬ" සංවිධානය පවසයි. නුවරඑළියේ පැවැති මාධ්‍ය හමුවකට එක්වෙමින් එම සංවිධානයේ සභාපති තරිඳු රත්නායක, මධ්‍යම පළාත් නියෝජිත නලින්ද සේනාරත්න, නුවරඑළිය ගොවි සන්ධානයේ ලේකම් හසිත වීරසිංහ සහ නුවරඑළිය තරුණ ගොවිසභාවේ සභාපති සම්පත් ගුණරත්න යන මහත්වරුන් මේ බව අවධාරණය කළේය.

ස්වභාවික ආපදාවලින් සිදුවන හානියට වඩා ඉතා කෙටි කාලයකින් රටක් සම්පූර්ණයෙන්ම විනාශ කිරීමට දුර්වල අධිකරණ පද්ධතියකට හැකියාව පවතින බව අගවිනිසුරු ප්‍රීති පද්මන් සුරසේන මහතා පවසයි.

කැලණිය විශ්වවිද්‍යාලයේ නව කුලපති ලෙස මහා විහාර වංශික ස්‍යාමෝපාලී මහා නිකායේ අස්ගිරි මහා විහාර පාර්ශ්වයේ අනුනායක, ශාස්ත්‍රපති අතිපූජ්‍ය නාරම්පනාවේ ආනන්ද ස්වාමීන් වහන්සේ පත් කරනු ලැබ ඇත.

වත්මන් ජාතික ජන බලවේග (මාලිමා) ආණ්ඩුව බලයට පත් වුණේ මේ රටේ පොදු ගොවි ජනතාවගේ සහ වැඩකරන ජනතාවගේ කරමතින් වුවද, බලයට පත්වූ වහාම ඔවුන් ගොවියා පාවා දී මහා පීඩාවකට ඇද දමා ඇතැයි ජාතික නිදහස් පෙරමුණේ ජාතික සංවිධායක ජයන්ත සමරවීර මහතා චෝදනා කරයි. බත්තරමුල්ලේ පිහිටි පක්ෂ ප්‍රධාන කාර්යාලයේ පැවැති මාධ්‍ය සාකච්ඡාවකට එක්වෙමින් ඒ මහතා කියා සිටියේ, “පොහොසත් රටක් - ලස්සන ජීවිතයක්” දෙන බව කියා බලයට පැමිණි පාලකයින් අද වන විට රටේ සමස්ත ගොවි ජනතාවම හිඟමනට පත් කර මහමඟට ඇද දමා ඇති බවයි.

වී අලෙවි මණ්ඩලය සතු ගබඩාවල පැරණි වී තොග පිරී පැවතීම හේතුවෙන්, උතුරු සහ නැගෙනහිර පළාත්වල වත්මන් යළ කන්නයේ අලුත් වී අස්වැන්න මිලදී ගැනීමේ ක්‍රියාවලිය දැඩි ලෙස ප්‍රමාද වී ඇති බව ජාතික ගොවි එකමුතුව චෝදනා කරයි.