IMF සමග එකඟ වූ කරුණු නීතියක් බවට පත් කරන්න පනත් ගෙන ඒම ප්‍රජාතන්ත්‍ර විරෝධීයි - හර්ෂ කියයි
ජනාධිපති ජාත්‍යන්තර මුල්‍ය අරමුදල සමග එකඟ වූ කරුණු නීතියක් බවට පත් කිරීමට පනත් ගෙන ඒම ප්‍රජාතන්ත්‍ර විරෝධී කරුණක් බව සමගි ජනබලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පවසයි.
විපක්ෂ නායක කාර්යාලයේ පැවැති මාධ්‍ය හමුවට සහභාගි වෙමින් පාර්ලිමේන්තු මන්ත්‍රී ස.ජ.බ භාණ්ඩාගාරික ආචාර්ය හර්ෂ ද සිල්වා මහතා මේ බව පැවසීය.
වැඩිදුරටත් අදහස් දැක්වූ ඒ මහතා මෙසේ පැවැසීය,
"චීනය, ඉන්දියාව සහ පැරිස් ක්ලබ් ද්විපාර්ශ්වික ණය ප්‍රතිව්‍යුහගතකරණය සම්බන්ධයෙන් එකඟතාවයකට පැමිණ තිබෙන බව ආණ්ඩුව ප්‍රකාශ කරනවා. නමුත් ඊට වඩා වැදගත් වන්නේ වාණිජ ණය ප්‍රතිව්‍යුහගතකරණය. වාණිජ ණය ඩොලර් බිලියන 12 1/2 ක් පමණ තිබෙනවා. ඒ වගේම වාණිජ ණය පොලිය ඩොලර් බිලියන 3 ක් පමණ එකතු වෙලා තිබෙනවා.
ණය ප්‍රතිව්‍යුහගතකරණය සම්බන්ධයෙන් යෝජනාවක් ණය හිමියන් ඉදිරිපත් කර තිබෙනවා. ඊට ප්‍රති යෝජනාවක් රජය විසින් ඉදිරිපත් කර තිබෙනවා. ණය හිමියන් ඉදිරිපත් කරලා තිබෙන යෝජනාව පිළිගත්තොත් බොහෝ දෙනාගේ මතය වන්නේ සියයට 28 ක මුහුණත අගය කපාහැරීම සියයට 7 ක් දක්වා අඩු වන බවයි. ඒ වගේම අර්ථ සාධක අරමුදල සම්බන්ධයෙන් ණය ප්‍රතිව්‍යුහගතකරණයක් සිදුකරන බව ආණ්ඩුව ප්‍රකාශ කළේ නෑ. නමුත් ජාත්‍යන්තර ණය හිමියන්ගේ ඕනෑකම හේතුවෙන් ප්‍රතිව්‍යුහගතකරණය සිදුකළා. ඒ හරහා අර්ථ සාධක අරමුදලේ හිමිකරුවන්ට දැවැන්ත පහරක් එල්ල වුණා.
ණය ප්‍රතිව්‍යුහගතකරණය සම්බන්ධයෙන් ජාත්‍යන්තර ණය හිමියන් ඉදිරිපත් කර තිබෙන යෝජනාවට රජයේ ප්‍රතියෝජනාව සාර්ථක කර ගන්න පුලුවන් වුණොත් සියයට 28 වගේ ප්‍රමාණයකට මුහුණත අගය කපා හැරීමක් සිදුකරගැනීමට හැකියාව තිබෙනවා. ඒ වගේම සියයට 28 ක මුහුණත අගය කපා හැරීම ප්‍රමාණවත් ද කියන ගැටලුව මතුවෙනවා. රජය විපක්ෂය විසින් ඉදිරිපත් කරන අදහස්වලට සවන් නොදී ජාත්‍යන්තර මුල්‍ය අරමුදලේ වැඩපිළිවෙළට ඉදිරියට ගෙන යාම සඳහා ජාත්‍යන්තර ණය හිමියන් ඉදිරිපත් කර තිබෙන යෝජනාවට එකඟවුණොත් දැවැන්ත ප්‍රශ්නයකට මුහුණ දෙන්න සිදුවෙනවා. 2038 වනතුරු ණය ප්‍රතිව්‍යුහගතකරණය කරන්න සිදුවෙනවා.
ඒ වගේම ආර්ථික පරිවර්තන පනත හරහා රජය ජාත්‍යන්තර මුල්‍ය අරමුදල සමග එකඟවුණ කාරණා නීතිමය තත්ත්වයකට හරවා ගැනීමට සිදුකරන උත්සාහය පිළිකුලෙක් යුතුය හෙළා දකිනවා. ජනාධිපති රනිල් වික්‍රමසිංහ එකඟ වුණ දර්ශක ඊළඟට පත්වෙන රජයට වෙනස් නොකර ඉදිරියට ගෙන යාමට බලකිරීමට ජනාධිපති රනිල් වික්‍රමසිංහට කිසිඳු අයිතියක් නෑ. මේ සම්බන්ධයෙන් අපි ශ්‍රේෂ්ඨාධිකරණයට ගොස් තිබෙනවා. ශ්‍රේෂ්ඨාධිකරණය විසින් අපි පෙන්වා දුන්න ව්‍යවස්ථාවට විරුද්ධ කාරණා ආර්ථික පරිවර්තන කෙටුම්පතින් ඉවත් කරයි කියලා බලාපොරොත්තු වෙනවා.
ජාත්‍යන්තර මුල්‍ය අරමුදලට සමගි ජනබලවේගය සෘජුවම ප්‍රකාශ කර තිබෙනවා ජාත්‍යන්තර මුල්‍ය අරමුදලේ වැඩපිළිවෙළ සංශෝධනය කරනවා කියලා. ඒ සඳහා වන හේතු සමගි ජනබලවේගය ජාත්‍යන්තර මුල්‍ය අරමුදලට දන්වා තිබෙනවා. රට ස්ථාවර කිරීමෙන් පසුව රට වර්ධනය කිරීම සඳහා අවශ්‍ය වැඩපිළිවෙළ ජාත්‍යන්තර මුල්‍ය අරමුදල සමග රජය ඇතිකරගත් එකඟතාවය තුළ නෑ. දැනට තිබෙන ආර්ථික වර්ධන වේගය අනුව රට වැටී තිබෙන අගාධයෙන් ගොඩ ගන්න අපහසුයි. රටේ ආර්ථික වර්ධන වේගය සියයට 10 දක්වා වර්ධනය කර ගතයුතුයි. ඉදිරි දශකයේ සෑම වසරකම සියයට 10 ක ආර්ථික වර්ධන වේගයක් අත්පත් කරගත යුතුයි. එයයි සමගි ජනබලවේග ආණ්ඩුවක වැඩපිළිවෙළ. ඒ සඳහා අවශ්‍ය වෙනස්කම් සිදුකළ යුතුයි. සමගි ජනබලවේග ආණ්ඩුවට ඒ හැකියාව තිබෙනවා.
ගෝලීය ආර්ථිකය හදිසියේ වෙනස් වුණොත් නැතිනම් ලංකාව තුළ ආර්ථිකමය ගැටලුවත් ඇති වුවහොත් රටේ ආර්ථික කළමනාකරණයේ යම් වෙනස් කිරීම් සිදුකරන්න වෙනවා. එවැනි තත්ත්වයක් තුළ රටේ ආර්ථික කළමනාකරණය වෙනස් කර නොගතහොත් රට කඩාවැටීම ලක්වෙනවා. ජාත්‍යන්තර මුල්‍ය අරමුදල සමග ජනාධිපති රනිල් වික්‍රමසිංහ මහතා එකඟවුණ දර්ශක ඉලක්කවල සමගි ජනබලවේගය එකඟවන්නේ නෑ. ඒවා වෙනස් විය යුතුයි. ජාත්‍යන්තර ණය හිමියන් සමග ණය ප්‍රතිව්‍යුහගතකරණය කර ගන්නේ ජාත්‍යන්තර මුල්‍ය අරමුදලේ ඉලක්ක නීතියක් බවට පරිවර්තනය කර ගන්නනම් ඒක ප්‍රජාතන්ත්‍ර විරෝධි ක්‍රියාවක්."
සම්බන්ධිත පුවත් | Related News
ප්‍රධාන පුවත්
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)
ඉන්දියාව සමග ආණ්ඩුව අත්සන් කළ ගිවිසුම් නීති විරෝධීයි.. ඒ ගිවිසුම්වලින් රටේ ස්වෛරීත්වය පාවා දීලා - ආචාර්ය ගුණදාස අමරසේකර (වීඩියෝ)
ඉන්දියාවත් එක්ක ගැසූ හොර ගිවිසුම් ගැන කරුණු කියන්න ජනපති ලේකම් කාර්යාලයට ගිය ජාතික සංවිධාන නියෝජිතයන්ට කුඩම්මාගේ සැලකිලි..
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට පෙත්සමක් භාරදෙයි..
ඉන්දියාව අසල්වාසී රාජ්‍යයක් මිස ලොකු අයියා නොවෙයි.. ඉන්දියාවේ උපකාර පිටුපස සැඟවුණු යටි අරමුණු වටහාගත යුතුයි - මහාචාර්ය පූජ්‍ය ඉඳුරාගාරේ ධම්මරතන හිමි (වීඩියෝ)
ගිවිසුම් 7ක් මගින් ලංකාව යටත් කර ඉන්දියානු ව්‍යාප්තවාදයේ ගොදුරක් බවට පත් කිරීමේ ඉන්දියානු මෙහෙයුම මේ මොහොතේ නිවැරදිව හඳුනාගත යුතුයි - මහාචාර්ය පූජ්‍ය මැදගොඩ අභයතිස්ස හිමි (වීඩියෝ)
ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි... අනුර වටේ ඉන්න පාර වරද්දන උපදේශකයන්ගේ කෙරුවාව මෙන්න (වීඩියෝ)
ලෝක කම්කරු දිනය අදයි..
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම්වලට විරෝධය පළ කරමින් ජාත්‍යන්තර පෙත්සමක් අත්සන් තබති.. (ඡායාරූප)
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම් 7ට විරෝධය පළ කරමින් ජාත්‍යන්තර පෙත්සමක් අත්සන් තැබීම අද..
මැතිවරණ කොමසාරිස් ප්‍රජාතන්ත්‍රවාදයේ මූලධර්ම නොදන්නා උද්දච්ච පුද්ගලයෙක්: තනතුරට සුදුසු නැහැ - ජාතික සංවිධාන කියයි
පාකිස්තානයකට එරෙහි ප්‍රහාරයකට මෝදි අවසර දෙයි..