ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි... අනුර වටේ ඉන්න පාර වරද්දන උපදේශකයන්ගේ කෙරුවාව මෙන්න (වීඩියෝ)

May 1, 2025 at 08:15 AM

|

Lanka Leader

ගිවිසුමක් අවබෝධතා ගිවිසුමක් ද නැතිනම් අවසන් ගිවිසුමක් ද යන්න තීරණය වන්නේ ගිවිසුමේ කොන්දේසි අනුව බවත්, අවබෝධතා ගිවිසුමක් කියන්නේද ගිවිසුමක් බවත්, රනිල් වික්‍රමසිංහ 2017 දී අත්සන් කර ත්‍රිකුණාමලයේ තෙල් ටැංකි ඉන්දියාවට ලබාදුන්නේ ද අවබෝධතා ගිවිසුමක් හරහා බවත්, ඉන්දියාව සමග වත්මන් ආණ්ඩුව අත්සන් කළ ගිවිසුම් ද අවබෝධතා ගිවිසුම් ලෙස ලඝුකළ නොහැකි බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ඉන්දියාවේ විදේශ ලේකම්වරයා පවසන ආකාරයට මෙම ගිවිසුම් ඉන්දු-ලංකා ගිවිසුමෙන් පසුව අත්සන් කළ ඉන්දු-ලංකා ගිවිසුමට වඩා එහා ගිය කොන්දේසි සහිත ගිවිසුමක් බව යැයි ද ඒ මහතා සඳහන් කරයි.

දෙමළ ඩයස්පෝරාවේ මතවාද දරන 'ටෙමිල් ගාඩියන්' බොහෝ සතුටින් සඳහන් කරන්නේ මෙම ගිවිසුම්වලින් වර්තමාන ජනාධිපතිවරයාගේ පක්ෂයේ අතීත ස්ථාවරය කණපිට හැරී ඇති බව යැයිද සඳහන් කරන වෛද්‍ය වසන්ත බණ්ඩාර මහතා, 1987 දී ඉන්දු-ලංකා ගිවිසුම විරුද්ධ වූ දේශප්‍රේමීන් 140ක් වෙඩිතබා මරා දැමූ බවද පෙන්වා දෙයි.

මෙම ගිවිසුම් බරබතළ ඒවා නොවන්නේ නම් පාර්ලිමේන්තුවටවත් ඉදිරිපත් නොකළේ ඇයි දැයි ඒ මහතා ප්‍රශ්න කරයි.

ජනාධිපති අනුර දිසානායක මහතා පාර වරද්දන විශාල උපදේශකයන් පිරිසක් ඇතුළුට එවා ඇති බවත්, මහා සමාගම් නායෝජනය කරන පුද්ගලයෙක් ඒ අතර ඇති බවත් ආර්ථිකයට සම්බන්ධ අවසාන තීන්දුව ගන්නේ ඔහු බවත් පවසන වසන්ත බණ්ඩාර මහතා මෙම ගිවිසුම් ක්‍රියාත්මක වීම ආරම්භ වූ විට රටට විශාල වන්දියක් ගෙවීමට සිදුවන බවත් සඳහන් කරයි.

සවිස්තරාත්මක වීඩියෝව නරඹන්න...