කොළඹ දිස්ත්‍රික්කයේ ගරු අගමැතිතුමාගේ ඡන්ද බල ප්‍රදේශය වන අවිස්සාවිල්ල පුවක්පිටියේ සිට රට තුළට  කිලෝමීටර් හතරක්  පමණ ඇතුළත  වන්නට පිහිටා  ඇති  ජයවිරු දුබලතා සහිත වූවන්ගේ ළමා නිවාසය සහ මත් ලෝලී නිවාරණ සහ පුනරුත්ථාපන මධ්‍යස්ථානය  පිහිටා තිබේ.

එම ස්ථානයට යන පාර මුලදී සහ අවසානයේදී සකසා ඇතත් අනෙකුත් ප්‍රදේශය සකසා නොමැති අතර පෙර පැවැති වර්ෂාවන් හේතුවෙන් සහ  පාර සෝදාපාලුවට ලක් වීමෙන්  පයින් හෝ යාමට නොහැකි තරමට පාර විනාශ වී ඇත. 

කිලෝමීටර් හතරක් වන එම දුර ප්‍රමාණයට යාමට ප්‍රදේශයේ ත්‍රීවිල් රථ රියදුරන් ආසන්න වශයෙන් රුපියල් දහසක් හෝ අටසීයත් අතර මුදලක් අයකරනු අතර එසේ කරන්නේ පාරේ දුෂ්කර බව හේතුවෙන් බව පැහැදිලි කරයි. 

එසේ මෙම පුනරුත්ථාපන කඳවුරේ ආබාධිත ළමයෙක් හදිසි හෝ අවිස්සාවේල්ල මූලික රෝහලට රැගෙන යාමට  සුවසැරිය වාහන පැමිණෙන්නේ නැත. අඩු ගණනේ  අපද්‍රව්‍ය වලවල් රැගෙනයාමට ගලි වාහනයක් හෝ ගෙන්වා ගැනීමට අපහසු බව මීට පෙර සිටි විශ්‍රාම ගිය පාලකයන් අප සමග පවසා ඇත. 

රජයේ නිලධාරින්ද රාජ්‍ය ඇමතිවරු ද ඇමතිවරියන්ද එම ස්ථානයට රජයේ  සුඛෝපභෝගී වාහනවලින් හදිසියේදී පැමිණීයත් මේ කාරණය ගැන කිසිවෙක් කතා කරන්නේ නැත. 

ගරු  අග්‍රාමාත්‍යතුමාගේ  ඡන්ද බල ප්‍රදේශය බැවින් මේ සම්බන්ධයෙන් එතුමාගේ අවධානය යොමු කරන්නේ නම් කාලෝචිත බව හැඟේ. 

මීටර අට සියයක් පමණ දුරට මේ පාර සාදා දෙන ලෙස ඉල්ලීමක් කරන්නේ පාලකයන්ගේ හෝ රාජ්‍ය නිලධාරිගේ අතින්  මුදල් වියදම් කර නොවේ. 

මේ රටේ මහජනතාව ගෙවන බදු මුදල් වැයකර එම ජයවිරු ළමා නිවාසය දුෂ්කර තත්ත්වයෙන් මුදවා ගන්නා ලෙස  හා එහි සිටින දරුවන්ගේ ජීවිත සුරක්ෂිත කිරීමට කටයුතු කරන ලෙස යුතුකමක් ලෙස ඉල්ලා  සිටිමු. 

- මහජන යුතුකම් කේන්ද්‍රය