අවිස්සාවේල්ල, පුවක්පිටිය  ප්‍රදේශයේ විදුලිය විසන්ධි වීමක් පිළිබඳව විදුලිබල මණ්ඩලය දැනුවත් කිරීමේ දී,  ඒ පිළිබදව තැකීමක් නොකරමින් විදුලිබල මණ්ඩල සේවකයන්  කටයුතු කර ඇති බව වාර්තා වේ.

විදුලිය විසන්දි වීම පැමිණිලි කර පැය  දහයකට  පසුව පැමිණිල්ල ගැන  විදුලි බල මණ්ඩලයෙන් ප්‍රතිචාර දක්වමින් පවසා ඇත්තේ පසුවදා විදුලිය යථා තත්ත්වයට පත් කිරීමට කටයුතු කරන බවය.

අදාළ ප්‍රදේශයේ   පුවක්පිටියේ ජයවිරු ළමා නිවාසය සහ මත්ලෝලී පුනරුත්ථාපන  කඳවුරටත් පිහිටා ඇති අතර, ප්‍රදේශයේ ගොවි ජනතාව තේ වගාවන්වලට  වතුර ලබා ගන්නේ ද විදුලිමෝටර් හරහා බව ප්‍රදේශවාසීන් පවසති. 

මේ පිළිබඳව අදහස් දැක්වූ ප්‍රදේශවාසියෙකු පැවසුවේ ළමුන්ට පාඩම් වැඩකටයුතු කිරීමට මෙන්ම,  ප්‍රදේශවාසීන්ගේ එදිනෙදා අත්‍යවශ්‍ය කටයුතු කර ගැනීමට මෙමගින් දැඩි බලපෑමක් සිදු වූ බවය.

එසේම ආරක්ෂාව සහ ආහාර පිසීම ඇතුළු කරුණු හේතුවෙන් ජයවිරු මත් ලෝලී පුනරුත්ථාපන කඳවුර සහ එහි ආබාධිත ළමා නිවාසයේ ළමුන්  පවා එමගින් දැඩි පීඩාවකට පත් වූ බවත් ඔහු පවසයි.

"ප්‍රදේශයේ ජනතාව විදුලිය නොමැතිකමින් පීඩා විදිද්දිත් විදුලබල මණ්ඩලයේ කට්ටියට ඒක ගානක් නෑ. විදුලිය නැහැ කියලා  විදුලිබල මණ්ඩලයේ අංකයට  පැමිණිලි දැම්මේ  දවල් 12 09  ට. ඒ පැමිණිල්ලට විදුලි බල මණ්ඩලයෙන් කතා කළේ රාත්‍රී නමයයි හතළිස් එකට. හෙට උදේට ලයිට් දෙන්නම් කියලා කිව්වා අපිට ලයිට් නැතත් ජයවරු ළමා නිවාසයට ලයිට් දෙන්න කියලා කියද්දිත් ඒ ගැන තැකීමක් කළේ නෑ. අපිට  කුප්පි ලාම්පුවෙන් ඉන්න  කියල නොදන්වාම විදුලිය කපනවා. අනික වැස්සක් තිබුනෙම නැහැ ගස් කඩන් වැටිලා කිසි දෙයක් එහෙම වෙන්න. වෙනදා විදුලි බල මණ්ඩලයෙන් එවන මැසේජ් එකේ රෙපෙයාර් එකක් තියෙන හින්දා කියලවත් කියනව එහෙම එහෙකුත් නෑ. රෑ කියන්නේ අද උදේට එන්නම් කියලා.. ඒ වුණාට විදුල බල මණ්ඩලය  මුදල් ගෙවන්න බැරි වෙච්ච ලක්ෂ ගානකගේ විදුලිය විසන්ධි කරලා." යැයි ඔහු චෝදනා නගයි.