නාමල් රාජපක්ෂට අනුශාසනාවක්.!

Feb 23, 2024 at 07:44 AM

|

Lanka Leader

“සතිය” සමාජ මාධ්‍ය පිටුවේ පලවූ වාර්තාවක් දුටුවෙමි.. 

නාමල් මෙසේ කීවා නම් ඔහුට අනුව එය සත්‍යය.. 

මක්නිසාද,

ඔවුනට අපගේ මාතෘ භූමිය හා අපගේ ජීවිත 

සෙල්ලමකි.

විහිළුවකි.

විකිණීමට සුදුසු වෙළද භාණ්ඩයකි.

රතුපස්වල ජලය ඉල්ලූ මිනිසුන්ට මරණය ලබා දුන්නේ මොවුහු ය.

පාස්කු ප්‍රහාරය දා සිනාසුනු මුහුණින් මාධ්‍ය කාකච්ඡා තැබුවේ ද මොවුහු ය.

හම්බන්තොට වරාය, ත්‍රිකුණාමලයේ තෙල් ටැංකි, ශ්‍රී ලංකා ගුවන් සේවය, ටෙලිකොම් සංස්ථාව, රටෙහි බලශක්තිය, මිල්කෝ කිරි සමාගම හරහා රටෙහි වටිනා ඉඩම්ද විදේශ සමාගම් වෙත විකුණා අපට බදුබර ගසා අපගේ ලේ උරා බොන යක්ෂයෝ මොවුහු ය.

ඉදින් ඔබ පමණක් නොව තම රට ජාතිය ආගම ගැන පම්පෝරි ගසා පාර්ලිමේන්තු ගිය බොහෝ දෙනාගේ නිරුවත ඔබගේ නිරුවත සේම ය.

මොහුගේ කියමනට අනුව නාමල්ගේ (Namal Rajapaksa)

මව වූ ශිරන්ති දූෂණය කරනවා කියා හෝ ඔහුගේ පියා වූ මහින්ද මරණවා යැයි යමෙක් කියතහොත් එය ද එය කිරීමට ඔහුට බලයක් නැති නිසා නොසලකා හැරිය යුතුය.

එසේ නම් සනත් නිශාන්ත මරණයට පත්වූ දා එම මරණය ගැන කියූ ප්‍රකාශයන් නිසා යම් පුද්ගලයන් අත්අඩංගුවට ගත්තේ කුමක් නිසාද.?

හරීන් බබෙකු හෝ සාමාන්‍ය සිවිල් මිනිසෙකු නොවේ.

ඔහු රටෙහි ඉඩම් හා සංචාරක අමාත්‍යවරයාය.

ඔහු විදේශීය සමුළුවකදී නියෝජනය කරන්නේ රටෙහි ජනතාව මිස ඔහු හෝ ඔහුගේ පවුල නොවේ.

එබැවින් වගකීමක් රහිතව ඔහු කටයුතු කරන්නේ නම් හා විහිළු සපයන්නේ නම් ඔහු අමාත්‍යවරයෙකු ලෙස නොව එදා රජ දවස රජ මාළිගාවේ සිටි කවටයා සේ,

“පාර්ලිමේන්කුවේ කවටයා”

ලෙස කටයුතු කිරීමට ඉඩදීම වටී.

එකී කවටයා රකින කුමරා සේ ඔබටද අභිෂ්ක විය හැකිය.

තම රට ජාතිය ආගම පෙරමුණට ගෙන විහාරස්ථානවල සිටින භික්ෂූන් ද රවටාගෙන සිදුකරන මජර දේශපාලනය දෙස අපි සබුද්ධිකව බලා සිටින්නෙමු.

රට ජාතිය සම්බුදු සසුන අනතුරෙහි ලා සිදුකළ හා මේ සිදුකරන විනාශයන්ට විපාක විදීමට ඔබට හා ඔබගේ සහචරයන්ට ඉතා නුදුරු දිනෙකම සිදුවනු ඇති.

කකුළුවා දිය රත්වන තුරු නර්තනයේ යෙදෙන්නේ යම්සේද ඔබලා ද නර්තනයේ යෙදී සිටිනු අපට මැනවින් පෙනේ..

වැරදි නිවැරිදි නොකරන්ගන්නේ නම් හා වරද කරනවුන් වෙනුවෙන් පෙනී සිටින්නේ නම් ඔබගේ දේශපාලන  පරිච්ඡේදය ද අපට ඉතා ඉක්මනින් නිමකරන්නට සිදුවන බවට මෙයින් අනතුරු අගවා සිටිනු කැමැත්තෙමි.

- පූජ්‍ය බලංගොඩ කස්සප හිමි -