👉 ලංකාවේ බුදුදහමට අමතරව හින්දු, ඉස්ලාම්, ක්‍රිස්තියානි ආදි තවත් ආගම් කීපයක්ම තිබේ.

👉 ඔවුන්ගේ ආගමික ග්‍රන්ථවලද අප දන්නා සාමාන්‍ය යථාර්ථයෙන් ඔබ්බට ගිය අත්භූත සිදුවීම් ගැන කතන්දර ඕනෑ තරම් තිබේ.

👉 නමුත් ඒ කිසිවෙකු තමන්ගේ ආගමික ග්‍රන්ථවල හෝ ආගමික සාහිත්‍යයේ එන දේවල් විද්‍යාත්මකදැයි ප්‍රශ්න අසන්නේ නැත.

👉 එම ආගම්වල පූජකයන් එවැනි බාල රැඩිකල් ප්‍රශ්නවලට පිළිතුරු දෙන්නේද නැත.

👉 ඒ කිසිවෙක් තමන්ගේ ආගම් හේතුවාදීකරණය කිරීමට, භෞතිකවාදී කිරීමට උත්සාහ දරන්නේ නැත.

👉 එම ආගම්වල නායකයන්ද තමන්ගේ ආගමික කරුණු ගැන පරස්පර මත ඉදිරිපත් කරමින් සමාජ මාධ්‍යවල ගහමරා ගන්නේද නැත.

👉 ක්‍රිස්තියානි, හින්දු, ඉස්ලාම් ආදී මේ කිසිදු ආගමක ආගමික නායකයන් හෝ අනුගාමිකයන් තමන්ගේ ආගම්වලට අපහාස කරන්නේද නැත.

👉 පුද්ගලයන් කීප දෙනෙකු කරන වැරදි උලුප්පා පෙන්වමින් එයින් සමස්ත ආගමික සංස්ථාවම හෑල්ලුවට ලක් කිරීමක් ඔවුන් අතින් කිසිදා සිදුවන්නේ නැත. 

👉 පූජකයන්ගේ ලෝගු සුනඛයන්ට පෙරවන, මත් ද්‍රව්‍ය ගැන ස්ත්‍රීන් ගැන සමාජ මාධ්‍යවල පම්පෝරි ගසන මානසික රෝගීන් මේ කිසිදු ආගමක නැත.

👉 එවැනි බාල වැඩ මහා වීර වික්‍රමයන් ලෙස සලකා එවැනි දෑ කරන පුද්ගලයන්ව සමාජ මාධ්‍යවල එක රැයින් වීරයන් කරන, ඇත්ත කතා කරන පට්ට පොරක් වැනි කොමෙන්ටුවලින් ඔවුන්ට සංග්‍රහ කරන අඳබාල සංස්කෘතියක් අන් කිසිදු ආගමක නැත.  

👉 බුදු දහමට මෙන් අන් කිසිදු ආගමක අයට තමන්ගේ පූජනීය සිද්ධස්ථාන රැකගැනීම සඳහා උසාවි ගාණේ රස්තියාදු වෙමින් සටන් වදින්නට සිදුව නැත.

👉 අන් කිසිදු ආගමක් අදහන්නන්ට තමන්ගේ ආගමික සංස්කෘතික අයිතිය වෙනුවෙන් පෙනී සිටීම නිසා ජාතිවාදී ලේබල ඇලවෙන්නේ නැත.

👉 බුදුදහමට මෙන් ලංකාවේ අනෙක් ආගම්වලට අභ්‍යන්තරයෙන් හෝ බාහිරින් සංවිධානාත්මක ප්‍රහාර එල්ල වන්නේද නැත.

👉 නමුත් බුදු දහමට ඇතැම් අන්‍යාගමිකයෝ, නිරාගමිකයෝ, වාමාංශිකයෝ, හේතුවාදියෝ, බෞද්ධයෝ ඇතුළු සියල්ලෝ එක්ව පහර දෙන අතර, භික්ෂූන් වහන්සේලා මෙන්ම භික්ෂූ වේෂධාරීහු පවා දැන හෝ නොදැන මේ කටයුත්තට තම දායකත්වය සපයති. 

👉 කාලයක් තිස්සේ ලංකාවේ බුදුදහම මුහුණ දී ඇති ඉරණම මෙවැන්නකි. අද ඊට අදාළ තවත් පිළිකුල් සහගත සිදුවීම් වේගයෙන් පෙළගැසෙමින් තිබේ. 

👉 ලොකුම ඛේදවාචකය වන්නේ මේ සියල්ලට බෞද්ධ සමාජයෙන්ම සැලකිය යුතු සහයෝගයක් හිමිවීමය. 

👉 බෞද්ධයා තුළ ඇති චින්තන නිදහස, බෞද්ධ සංස්කෘතිය තුළ ඇති ලිහිල් සහනශීලී ප්‍රතිපත්ති අද බෞද්ධයාටම පාරාවළල්ලක් වී ඇත්තේ එසේය. 

👉 මේ තත්ත්වය සහ මීට අදාළ දිග කතාව නිසි පරිදි කියවා ගැනීම මේ මොහොතේ අප හමුවේ ඇති ප්‍රමුඛතම අභියෝගයක් නොවේද?