ප්‍රමාද වී ගුවන් තොටුපළට ආ ලක්මාලිට වූ විපත..

Oct 9, 2026 at 05:39 AM

|

Lanka Leader

ලක්මාලි හේමචන්ද්‍ර මන්ත්‍රිනියට චීනයට යන ගුවන් යානයට ගොඩවීමට නොහැකි වූ පුවතක් සම්බන්ධයෙන් සමාජ මාධ්‍යයේ සංවාදයක් නිර්මාණය වී ඇත.

මෙම සිදුවීම සම්බන්ධයෙන් සමාජ මාධ්‍යයේ පළ කර ඇති සටහනක් පහතින් දක්වා ඇති අතර, ප්‍රමාද වී පැමිණීම හේතුවෙන් සිදුවූ මෙම සිදුවීම මගින් 'පැලවත්තේ පාර්ට්' සියල්ලන්ටම, සෑම තැනටම හරියන්නේ නැති බව පෙනෙන හෙයින් පහතින් එම සටහන මෙසේ පළ කරමු..

"මීට ස්වල්ප මොහොතකට පෙර චයිනා ඊස්ටර්න් ගුවන් සේවයේ කොළඹ සිට ශැංග්හයි දක්වා ගමන් කරන MU 6018 ගුවන් යානය කටුනායක ගුවන් තොටුපළෙන් පිටත් වුණා.

මේ ගුවන් යානයේ පාර්ලිමේන්තු මන්ත්‍රීනි ලක්මාලි හේමචන්ද්‍ර චීනය බලා ගමන් කිරීමට තිබුණා.

නමුත් ඇය ගුවන් තොටුපළට ආවේ ප්‍රමාද වෙලා. ඇය එද්දි ගුවන් යානය පිටත් වීමට සියල්ල සුදානම් වෙලා තිබුණා.

එම නිසා කාර්ය මණ්ඩලය ඇය ගුවන් යානයට නංවා ගැනීම ප්‍රතික්ෂේප කළා.

ලක්මාලි තමන්ගේ සුපුරුදු හඬින් සහ ස්වරයෙන් ඔවුන්ට තමන්ගේ බලය පෙන්වලා තමන් මන්ත්‍රීවරියක් බව කිව්වා.

කාර්ය මණ්ඩලය එය තමන්ට අදාල නැති බවත් තමන්ට අදාල නීතිය බවත් කිව්වා.

ඉන්පසුව ලක්මාලි හේමචන්ද්‍ර දුරකථන ඇමතුම් ලබා ගත්තා. 

ජනාධිපති ලේකම් කාර්යාලයෙන්, සහ සංචාරක සංවර්ධන අධිකාරියේ සභාපති කිරි ගොවියා ඇතුළු කිහිපදෙනෙක් දුරකථන ඇමතුම් ලගා දුන්නා.

සිවිල් ගුවන් සේවා අධිකාරියේ අධ්‍යක්ෂක ජෙනරාල් දමින්ද රඹුක්වැල්ල කතා කළා.

නමුත් මේ කාර්ය මණ්ඩලය චීන ජාතිකයන්. ලක්මාලිට ඇඹරෙන්න මේ ශ්‍රී ලංකන් ගුවන් සේවය නෙවෙයි.

අවසානයේ ගුවන් යානය තත්පරයක් හෝ ප්‍රමාද නොවී නියමිත වේලාවට පිටත් වුණා.

ලක්මාලි හේමචන්ද්‍රට ගුවන් යානයට පිවිසීමට නොහැකි වුණා.

ඉස්සර ෆේස්බුක් එකේ කමෙන්ට් දදා හිටියට, කාර්ඩ් බෝඩ් අල්ලන් හන්දි ගානේ හිටියට ලක්මාලි දැන් ශ්‍රී ලංකා උත්තරීතර පාර්ලිමේන්තුවේ මන්ත්‍රීවරියක්. මහජන නියෝජිතයෙක්.

මහජන නියෝජිතයන්ට විශාල වගකීමක් තිබෙනවා. ඔවුන් වෙලාවට වැඩ කළ යුතුයි. 

ඔවුන් රට නියෝජනය කරන නිසා ජාත්‍යන්තරය ඉදිරියේ වැදගත් විය යුතුයි. 

නමුත් ජවිපෙ සහ පැලවත්ත ලක්මාලි 'පාවිච්චි' කරන්නේ 'ගොන් පාර්ට්' දැමීමට සහ විපක්ෂයට 'ගෙරවීමට' නිසා ලක්මාලිට තවමත් ඒ වගකීම දැනෙන්නේ නැහැ.

මැදපෙරදිග රැකියාවකට යන ග්‍රාමීය කාන්තාවක් පවා තමන්ගේ ගුවන් යානය ලබා ගන්න වෙලාවට ගුවන් තොටුපළට යනවා.

මේ ශ්‍රී ලංකාවේ මහජන නියෝජිතයො!

පරක්කු වෙලා ගිහිල්ලා, ජාත්‍යන්තර ගුවන් සේවා වලට සද්දෙත් දානවා.

ලැජ්ජයි!"