විදුලි කාර්මික කම්බි අතරින් උපන් මොනරාගල චොක්ලට් සිහිනය.. 26 හැවිරිදි සසික ඩොලර් හොයන හැටි
අපි හැමෝම දන්නා, හැමෝම කන්න ආස චොක්ලට් කියන්නේ කටට කෙළ උනන පැණිරස කෑමක්. හැබැයි, "චොක්ලට් කියන්නේ පැණිරස කෑමක් නෙමෙයි, ඒක ශරීරයට ගුණදෙන ශක්තිජනක ඖෂධීය ආහාරයක්" කියලා මුළු ලෝකෙටම ඔප්පු කරන්න හදන අපූරු තරුණයෙක් අපිට හමුවුණා. ඔහු නමින් සසික සඳරුවන්. වයස අවුරුදු 26ක් වුණු සසික, මොනරාගල, මැදගම ජීවත් වන Gen Z පරපුරේ වෙනස්ම විදියේ වැඩකාරයෙක්.
වෘත්තියෙන් විදුලි කාර්මිකයෙක් වුණු සසික, අද වෙද්දී ලංකාවේ නම ලෝකයටම ගෙනියන, 100%ක්ම දේශීය, ස්වභාවික චොක්ලට් නිෂ්පාදකයෙක්.
2022 අවුරුද්ද මතකද? රටම ආර්ථික අර්බුදයක ගිලිලා, තෙල් පෝලිම්, ගෑස් පෝලිම් මැද මිනිස්සු හෙම්බත් වුණු කාලයක්. විදුලි කාර්මිකයෙක් වුණු සසිකටත් වැඩ අඩුවුණා. හැබැයි ඔහු නිකන් හිටියේ නැහැ. ගමේ තියෙන කොකෝවා වතුවලින් කොකෝවා ඇට එකතු කරලා වෙනත් අයට විකුණන්න පටන් ගත්තා.
ඔය අතරේ තමයි Oxfam ආයතනයේ මැදිහත් වීමෙන් මාතලේදී දින දෙකක චොක්ලට් නිෂ්පාදන පුහුණුවක් සසිකට ලැබෙන්නේ. අන්න ඒ පුහුණුව සසිකගේ ජීවිතේ උඩුයටිකුරු කළා.
"බිස්නස් එකක් පටන් ගන්න ලොකු සල්ලියක් ඕනෙම නෑ. මම කාගෙන් හරි ණයට ඉල්ලා ගත්තු රුපියල් 33,000කින් උඳු අඹරන මැෂින් එකක් අරගෙන, යූටියුබ් බලලයි මුලින්ම චොක්ලට් හදන්න පටන් ගත්තේ." සසික තමන්ගේ ආරම්භය සිහිපත් කළේ නිහතමානීව.
මැදගම කියන්නේ අධික රස්නයක් තියෙන ප්‍රදේශයක්. මුල් කාලේ සසික හදපු චොක්ලට් එක එක ප්‍රදර්ශනවලට අරන් යද්දී දියවෙලා ගියා. බිස්නස් එකක් නැතිවෙලා, තිබ්බ එකම මැෂින් එකත් කැඩුනා.
"ඕකා ඔය බිස්නස් එක අතෑරලා දැම්මා" කියලා ගමේ අය උපහාසයෙන් කතා හදද්දී, සසික කොළඹ ඇවිත් තව මැෂින් එකක් අරන් ආයෙමත් වැඩ පටන් ගත්තා. අදටත් ගමේ සමහර අය සසිකට කොකෝවා ඇට ටික දෙන්නේ නැතුව පිට අයට දෙනවලු. හැබැයි සසික ඒවයින් සැලුනේ නැහැ. ඔහු බිබිල, මැදගම, බඩල්කුඹුර, බුත්තල සහ මොනරාගල හැම තැනින්ම තමන්ටම වෙන්වුණු ගොවීන්ගෙන් කොකෝවා එකතු කරගන්න ජාලයක් හැදුවා.
සසිකගේ වතුවලට GAP (Good Agricultural Practices) සහතිකය තියෙනවා. කිසිම අහිතකර රසායනිකයක් නැහැ. කොකෝවා ගෙඩිය කඩන තැන ඉඳන්, ඇට වේලලා, පොතු හැරීම දක්වා හැමදේම කරන්නේ සසික ඇතුළු පවුලේ අයගේ අතින්මයි. සසික නැති වෙලාවට මේ හැමදේම කරන්නේ ඔහුගේ ආදරණීය බිරිඳ. ඇය අවුරුදු 7ක පාසල් ප්‍රේම කතාවක කෙළවර සසිකගේ ජීවිතයට ආපු සැබෑ හයියයි.
සසිකගේ නිෂ්පාදන එකතුව
කිතුල් ජගිරි චොක්ලට් - 70% කොකෝවා සහ 30% දේශීය කිතුල් හකුරු (සීනි වෙනුවට හකුරු දැමූ ලංකාවේ ප්‍රථම චොක්ලට් එක).
100% ඩාර්ක් චොක්ලට් (Dark Chocolate) - කිසිම පැණිරසක් නැති, ඇඟට ගුණ, හෘද රෝගීන්ට පවා සුදුසු චොක්ලට්.
100% කොකෝවා බටර් (Cocoa Butter) - කෑමට වගේම රූපලාවන්‍ය නිෂ්පාදන (ලිප් බාම්, ක්‍රීම්, ලෝෂන්) හදන්න ගන්නා ඉහළම තත්ත්වයේ බටර්.
කොකෝ ෂෙල් ටී (Cocoa Shell Tea) - කොකෝවා ලෙල්ලෙන් හදන, චොක්ලට් රහ එන අපූරු තේ වර්ගයක්.
ලංකාවේ මිනිස්සු තවමත් සීනි දාපු පැණිරස චොක්ලට් පස්සේ දුවද්දී, ලංකාවට එන විදේශිකයෝ සසිකගේ චොක්ලට් උන්මාදයෙන් වගේ මිලදී ගන්නවා. දැනට ගාල්ල ප්‍රදේශයේ සංචාරක සාප්පු 3ක් හරහා සසිකගේ චොක්ලට් අලෙවි වන අතර, සතිපතා විදේශිකයන්ගෙන් ලැබෙන ඇණවුම්වලින් සසික ලංකාවට ඩොලර් රැගෙන එනවා.
"අවුරුදු 3ක් කට්ට කෑවොත් මැච් එක ගහන්න පුළුවන්" තරුණ පරපුරට හරි අපූරූ පණිවිඩයක් සසික දුන්නා.
අද කාලේ ගොඩක් තරුණයෝ "ලංකාවේ ඉඳලා වැඩක් නැහැ" කියලා රට යන්න හදද්දී, නැත්නම් මාසෙකට රුපියල් පන්දහස් ගණන් නිකරුණේ නාස්ති කරද්දී සසික කියන්නේ වෙනස්ම කතාවක්
"ඕනෑම බිස්නස් එකක් පටන් ගත්තු ගමන් ලොකු වෙන්නේ නැහැ. මම අවුරුදු 2-3ක් එක දිගට කට්ට කෑවා. මම තරුණයන්ට කියන්නේ එකම දේ කරකර ඉන්නේ නැතුව මොකකට හරි අතගහන්න. ඒ මුල් කාලේ අමාරුවෙන් හරි අල්ලන් හිටියොත් අනිවාර්යයෙන්ම මැච් එක ගහන්න පුළුවන්!"
රුපියල් 33,000ක පොඩි මැෂින් එකකින් පටන් අරන්, අද වෙද්දී ලෝක වෙළඳපොළ ආක්‍රමණය කරන්න හීන දකින සසික කියන්නේ, නියම දේශීය ව්‍යවසායකත්වයේ සැබෑ සන්නාමයක්!
සිය රට දේ සිරි සැප දේ කියන එක වචනයට සීමා නොකර ක්‍රියාවෙන් ඔප්පු කළ මේ වෙල්ලස්සේ වීරයාට අපෙන් උණුසුම් සුබපැතුම්!
(මුහුණු පොතින් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
අද, හෙට සහ අනිද්දා දීප ව්‍යාප්ත විදුලි කප්පාදුවක්..