ඒක ලැජ්ජයි කැතයි.. හෝදන්න දෙයක් නෑ..

Jun 26, 2026 at 06:09 AM

|

Lanka Leader

මම 88/89 කාලේ ජවිපයට සම්බන්ධයි කියලා අත් අඩංගුවට ගත්ත අය හොයන්න ඒ දවස් වල හමුදා සහ පොළිස් ස්ථාන වලට එන අයට ලැබෙන අල්ලස්  ඔෆර් ඇස් දෙකින්  බලලා කන්දෙකෙන් අහලා තියෙන පුද්ගලයෙක්.

අත් අඩංගුවේ ඉන්නවද බලන්න අල්ලස් ගන්න හැටි දැකලා තියනවා

මරලද  නැත්නම් අදාළ ස්ථානයේ  ඉන්නවද  නැද්ද  කියන්ක ඉල්ලන අල්ලස් දැකලා තියනවා.

අදාළ ප්‍රදේශයේ මන්ත්‍රීලා  ⁣වයර් කපපු ටෙලිෆෝනයකින්  ආමි ෂෙල් එකට   පොළීසියට  කෝල් දීලා ඉන්නවද නැද්ද අහලා කියන ගමන් නොකියා අල්ලස් ඉල්ලන හැටිත් දැකලා තියනවා.

පොලොන්නරුවේදී එක අම්මා කෙනෙක් කනේ කරාඔු දෙක ගලවලා දීලා අඩ අඩා  මහත්තයෝ,කොල්ලා ඉන්නවද නැද්ද කියලා මේක අරං ගිහිං බලලා කියන්න පිජ අත්වෙනවා  කියලා දීපු   අල්ලස ඉදිරියේ මටත් ඇඩිලා තියනවා

ඒ හැම තැනකදීම වුනේ දුක වවාගෙන කෑමක්

මමමේ ටික ලීවේ ඇයි .

හැඩතළ වෙනස් වුනාට චරිත් අබේසිංහලා කරලා තියෙන්නේ ඒ වගේ වැඩක් 😀😀

චරිත්ලා අල්ලස අරං  තියෙන්නේ හරක් කටාගේ භාර්යාවගෙන් 

ඩීල් කරලා තියෙන්නේ  දුක සහ බිය එක්ක 

හරි හෝ වැරදි  හරක් කටා හෙවත් නදුන් චින්තකගේ උතුරා යන මත් ද්‍රව්‍ය වෙලදාමට අදාළ මුදලින් ටිකක්  අල්ලසක් ලෙස ඇදගෙන්න  බලලා තියනනවා.

ඒ කාලේ විජේදාස රාජපක්ෂ අධිකරණ ඇමති.

අධිකරණ ඇමතිට නදුන් චින්තක හෙවත් හරක් කටා  රදවන බන්ධනාගාරය වෙනස් කරන්න හැකියාවක් නැති,වෙන්න බෑ.

විජේදාසගේ පුතා පැටලෙන්නේ එතැනට වෙන්න පුළුවන්.

මගේ මතය ඒක ලැජ්ජයි / වැරදියි / දෙන්නාම නීතීඥයන් 

අනාගතයේදී පාර්ලිමේන්තුවෙි නීති හදන තැනට එන්න හිටපු ඒකට සකස් කල එන්න පුළුවන් අය.

ඒ වගේ අය මෙහෙම කරනවා නම් ( අධිකරණයෙන් ඔප්පු කරන්න ඕන ) ඒක ලැජ්ජා සහගතයි.

කන්ටේනර්  317 වරායෙන්  අල්ලසට පැන්නීම  තරමටම හරක් කටාට නීතිය සහ බන්ධනාගාරය ඇතුලේ වංගු ගහන්න

අල්ලස් ගැනීමත් ලැජ්ජා සහගතයි.

මම මේක ලීවේ වැරැද්ද වෙලා නම් වැරැද්ද වැරැද්දමයි කියන්න.

එහෙම ලීවේ

චරිත් වත් විජේදාසගේ පුතාවත් ටිරාන් අලස්වත් වෙනයම් මේකට ගෑවුන කෙනෙක් වත්  මගේ දේශපාලන මතවාදයේ  පක්ෂයේ නෙවෙයි.

ඒ හංදා මට ඒ සිදුවීම ටැග් කරලා මතය අහන්න එපා ඔන්න මම මතය ලීවා.

තවත් මදිනම් මෙහෙමත් ලියනවා අනුර ජනාධිපති වුන නිසාත් චරිත් දිගටම රජය විවේචනය කල නිසාත් මෙය එළියට ආවා.

නැත්නම් මේක එලියට එන්නේත් නැතුව යට යනවා කියලා මම  පෞද්ගලිකව විශ්වාස කරනවා.

ස්තූතියි  

- නුවන් මොණරවිළ