කැලෑ පත්තර ඇමති... ?

Apr 27, 2026 at 10:32 AM

|

Lanka Leader

භාණ්ඩාගාරයෙ ඩොලර් 2,500,000 ක් නැති වීම පුදුමයක් නෙවේ...‼️

RDA එකෙන් ඔවුන්ගෙ කොන්ත්‍රාත්කරුවන්ට රුපියල් 380,000,000 වැඩිපුර ගෙවලා කියලා ඊයෙ බුකිය පුරා නිවුස් එකක් සංසරණය වෙනවා...

මේ තියෙන්නෙ ඒ ප්‍රවෘත්තිය අසත්‍යයක් කියලා ප්‍රවාහන ඇමති බිමල් රත්නායකගෙ ෆේස්බුක් ගිණුමේ දාලා තියෙන ලිපියක්...

මේක කාර්යාලීය ලිපියක්ද...? කැලෑ පත්තරයක්ද...?

කෝ දිනයක්...? කෝ වගකිවයුතු නිලධාරියෙක්ගෙ නමක්..? කෝ අත්සනක්...?

මේ ලියුම ගහන්නෙ ඇමතිවරයා නෙවේ වෙන්න පුළුවන් ඒත් තමන් විෂය බාර ඇමති විදියට මේ වගෙ ලිපියක් සමාජගත කරන්න කලින් කියවන්න ඕන නැද්ද...?

ඒ ප්‍රවෘත්තිය අසත්‍යයක් නම් අඩුම ගානෙ ඇමතිට කොන්දක් තියෙන්න ඕන වගකීම බාර අරගෙන තමන්ගෙ අත්සනින් ලිපිය නිකුත් කරන්න..

නෑ මේ ආණ්ඩුව එහෙම වගකීමක් ගන්නෙ නෑ. සෑමවිටම වගකීම පහළ නිලධාරීන්ට විතැන් කරනවා.

ඒකට කාරණා කීපයක් බලපානවා..

🔴 මේ ආණ්ඩුවට අත්දැකීම් නෑ..

🔴 මේ ආණ්ඩුවට වැඩ බෑ..

🔴 මේ ආණ්ඩුවට නව්‍යකරණයෙන් යුතු නිර්මාණශීලී චින්තනයක් නෑ..

🔴 මේ ආණ්ඩුවට කැපෑසිටි නෑ..

ඒ නිසා වගකීමක් ගන්න බයයි..

ඔෆීසියල් ලිපියක් හරි දැන්වීමක් හරි ලියනකොට දිනයක්, ලිපිනයක්, අත්සනක් ඕන කියලා උගන්නන්නෙ තුන හතර පන්තිවලදි..

රටේ කැබිනට් ඇමති කෙනෙග්ගෙත් වගකීම මෙහෙමනම් භාණ්ඩාගාරයෙ ක්ලැරිකල් ස්ටාෆ් කෙනෙක්ගෙ අතින් වැරදි ඊමේල් ඇඩ්‍රස් එහෙකටද ඩොලර් මිලියන 2.5 ක් ට්‍රාන්සර් වීම පුදුමයක් නෙවේ..

ජනාධිපති ඉඳන් කැබිනට් මණ්ඩලයෙ ඉඳන් පහළටම දශක ගානක්  තිස්සේ තාප්පෙක පෝස්ටරයක් ගහගෙන හිටියා මිසක ඊට වඩා වැදගත් ලිපියක්වත් ලියන්න ඉගෙන ගත්තෙ නෑනෙ..

මේක විහිළුවක් නෙවේ. මේකෙ තියෙන භයානකත්වය තමයි සිංහල ලිපියක්වත් හරියට ලියාගන්න බැරි මේ වැඩ බැරි ආණ්ඩුව ඉන්දියාව එක්ක, ඇමරිකාව එක්ක ඉංග්‍රීසියෙන් ගහපු ගිවිසුම් වල මොනවා තියෙන්න ඇද්ද...?

මම හිතාගෙන හිටියෙ මුන් ප්‍රායෝගිකව වැඩ කරන්නෙ දන්නෙ නැතත් අඩුම තරමෙ පොතේ උගත්තු කියලා. අන්තිමට මුන්ට ඔෆීසියල් ලෙටර් එකක්, නෝටිස් එකක් ගහගන්න දන්නෙ නෑනෙ.

ඔය පරණ බිල්ඩිමක තීන්ත ටිකක් ගාගෙන, පීලි පැනපු රේල් පාරක් හදාගෙන වගෙ සූපිං වැඩ ටිකක් කරගෙන ඉන්නවා ඇරෙන්න අළුත් ව්‍යවස්ථා, නව අධ්‍යාපන ප්‍රතිසංස්කරණ වගේ ලොකු ලොකු වැඩ වලට අත නොගහා හිටියා නම් ඇති..

කරන්න වැඩක් නැත්නම් ඔය කුරුම්බැට්ටි මැෂිමක් හදාගෙන , සිගරට් පෙට්ටි වලින් පුටු සෙට් එකක් හදාගෙන, කොලේක හාවෙක් ඇඳලා පුළුන් වලින් අලවගෙන, මලක් ඇඳලා ඒකෙ පරිප්පු ඇට අලවලා වගේ වැඩක් කරගෙන ඉන්න..

අඩුම ගානෙ වෙසක් එකට බැටරි දෙකක් මෝටරේකට අල්ලලා බුදූ රැස් වළල්ල කරකවන්නවත් යන්න එපා. උඹලාට ඒවා බර වැඩියි..

මොකද ඔයාලා හරි පුංචි මොළ තියන පුංචි කැපෑසිටි එකක් තියෙන හරිම පුංචි මිනිස්සු ඉන්න ආණ්ඩුවක්.. එච්චරයි..

- නිලන්ත සත්සර ගමගේ 

(සමාජ මාධ්‍යයෙන් උපුටා ගන්නා ලදී)