මොකද්ද මේ RHO අයදුම්පත් කැදවීමේ ප්‍රශ්නය?.. මේක Medical Students ලාට බලපානවද?..
මේ දවස් වල ඔයාලා දන්නවා ඇති GMOA(රජයේ වෛද්‍ය නිළධාරීන්ගේ සංගමය) අකණ්ඩ වැඩ වර්ජනයක් ක්‍රියාත්මක කරා. මේකේ රජය විසින් ආයතන සංග්‍රහයට පටහැනි විදියට පත්වීම් දෙන්න හදන කතාවක් තියෙනවා වගේ, මේක ඇතුළෙ Medical Students ලට දරුණු විදියට බලපාන ලොකූ ගැටළුවක් අන්තර්ගත වෙනවා කියලා ගැඹුරින් විමර්ශනය කරාම අපිට පේනවා.
*මුළින්ම මේක මහා පරිමාණයෙන් බලපාන්නෙ 21/22 AL වල වෛද්‍ය ශිෂ්‍යන්ට*
කොහොමද ඒ ?
අපි හිමීට මේ ප්‍රශ්නෙ ලෙහා ගමු.
ශ්‍රී ලංකාවේ අවසන් වතාවට පුරප්පාඩු සම්බන්ධ සමීක්ෂණයක් කරලා තියෙන්නෙ 2015. ඊට අදාළව පුරාප්පාඩු තියෙන්නෙ 850ක් වගේ ප්‍රමාණයක්. මේකට හරියන්න තමයි නව පත්වීම් දෙන්නෙ.
ඒ කියන්නෙ අපි ඉස්සර හිතන් ඉදියනෙ කොහොම හරි intern හම්බුණාම, ඒ රෝහලේම හරි RHO ඉදලා ජාතික වෛද්‍ය සභාවෙ පිළිගත් වෛද්‍යවරයෙක් විදියට පත්වීම අරගෙන MO කෙනෙක් වෙලා වැටුපට සේවය කරන්න පුළුවන් කියලා. ඒක ඇත්තටම වළංගු වෙනවා දැනට Out වෙලා ඉන්න batch වලට. මොකද ඒවෑ ප්‍රමාණය ගොඩක් අඩුයි. ERPM වලින් ගන්න ප්‍රමාණෙත් එක්ක ඒ පිරිස එකතූ උණා කියාලා කිසිම වෛද්‍ය ශිෂ්‍යෙක්ට පාඩුවක් වෙන්නෙ නෑ. නමුත් ඉදිරියේදී OUT වෙන්න ඉන්න Batches වල ප්‍රමාණය 2000 + වෙනවා. ඒකට ERPM ආවම 800ක් එකතු වෙනවා කියලා හිතමු. තවා දැන් රජයෙන් PMC හරහාත් වෛද්‍ය උපාධිය විකුණන හන්දා KDU ඒකෙත් 300ක් එළියට දැම්මා කියලා හිතමු. දැන් මුළු HO ලා ප්‍රමාණය 3000 + වෙනවා. මේ කට්ටිය ඉස්සර විදියටනම් RHO වුණා කියන්නෙ sure රජයේ පිළිගත් වෛද්‍ය වරයෙක් විදියට පත්වීම අරන් වැටුපට සේවය කරන්න පුළුවන්.
හැබැයි දැන් තියෙන ප්‍රශ්න දෙකක් එනවා. පළවෙනි එක රජයට එතරම් පිරිසකට වැටුප් ගෙවීමේ හැකියාවක් නෑ. දෙවෙනි එක වැටුප් ගෙවන්නවත්, එයාලා බදවාගන්න පුරප්පාඩු නෑ. එතකොට මොකක්ද කරන්නේ ?
අන්න ඒකට කරන්න දෙයක් නැති හන්දා තමයී ආණ්ඩුව මේ විදියෙ තීරණ වගයකට ආවෙ.
*1. දුෂ්කර රෝහල් 100ක් පමණ දුෂ්කර කාණ්ඩයෙක් ඉවත් කරා.*
එතකොට මොකක්ද වෙන්නෙ, දුෂ්කර රෝහල් වල වසරක් සේවය කරලා ස්ථාන මාරු වීමේ හැකියාව තියෙනවා. නමුත් දුෂ්කර නොවන ස්ථාන වල වසර 4ක් අකණ්ඩව සේවය කරන්න ඕනි. එතකොට මේ කරපු වැඩෙන් වුණේ ඇත්තටම දුෂ්කර වුණත් දුෂ්කර නොවන කාණ්ඩයේ රෝහල් වලට සේවයට ආපු වෛද්‍යවරුන්ට වෘතිය එපා වෙනවා. ඔවුන් සේවයෙන් ඉවත් වෙනවා. පුළුවන් අය එක්කො රට යනවා රජයේ අවශ්‍යතාවයෙන් කොටසක් හරි.
*2. MO පත්වීමට අයදුම්පත් කැදවීම.*
මේක තමයි බරපතලම ප්‍රශ්නය. අපි දන්නවා දැන් AHS එකෙටත් මේ රජය ගෙනාපු විසදුම. ඒ තමයි පොදු පරීක්ෂණ විභාගය !
ඔන්න ඔය ක්‍රමය MBBS Degree එකටත් ඇතුළත් කරන්න වෙනවා. නැත්නම් HO ලාගෙන් MO ලා තෝරගන්න විදියක් නැති වෙනවා. ඔන්න ඔය තත්වෙට පාර කපාගන්න තමයි ආණ්ඩුව මේ විදියෙ ක්‍රියාවලියක් මේ පාර කරේ. එතකොට අපි කොහොම හරි intern කරා කියලා HO කාලෙන් පස්සෙ හැමෝටම වෛද්‍යවරයෙක් විදියට වැටුවපක් සහිත සේවය කරන්න අවස්ථාව ලැබෙන්නෙ නෑ. මෙච්චර අවුරුදු 7/8ක් කට්ට කාලා degree එක ගොඩ දාගෙන අනිතිමට Goverment, private, ERPM ඔක්කොම එකට පොදු පරීක්ෂණයකට මුහුණ දීලා ඒකෙන් pass වුණොත් තමා පත්වීම හම්බෙන්නෙ.
කොහොමද අධ්‍යාපනයට අත්තටු දෙන්න ආපු ආණ්ඩුවේ ආතල් එක ?
අවුරුදු 6ක් campus එක ඇතුළේ කට්ට කාලා කට්ට කාලා, අන්තිමට පොදු පරීක්ෂණයකින් වෛද්‍යවරයෙක් වෙන්න සුදුසුකම පරීක්ෂා කරනවාට වෛද්‍ය ශිෂ්‍යන් විදියට අපිට එකග වෙන්න පුළුවන්ද ? එහෙනම් මොකටද මෙච්චර දුකක් විදින්නෙ වෛද්‍ය පීඨ ඇතුළෙ... ඊට පස්සෙ අවුරුද්දයි මාස 2ක් බලා ඉදලා intern හම්බුණාට පස්සෙ අනන්ත දුක් විදගෙන,කුණු බැනුම් අහගෙන අවුරුද්දක් නහින්නෙ ?
මේක මේ විදියට සිද්ධ වෙන්න දීලා නිකන්ම බලා ඉදියොත් වෙන්නෙ අනාගත වෛද්‍ය වෘතිකයන් වෙන්න අපේක්ෂාවෙන් දහසක් බලාපොරොත්තු තියන් වෛද්‍ය පීඨ වලට ඇතුළත් වෙච්ච ශිෂ්‍යන්ගේ හීන කුඩු වෙලා යන එක ?
මෙන්න මේ හන්දා තමයි ආණ්ඩුව මේ ගෙන යන ප්‍රතිපත්ති වලට වෛද්‍ය ශිෂ්‍යන් විදියට අපි විරුද්ධ විය යුත්තේ. ඒ කියන්නෙ සරලවම, වෛද්‍ය ශිෂ්‍යන් විදියට අපි PMC හරහා KDU එකෙන් මුදලට වෛද්‍ය උපාදිය විකිණීමට වගේම ERPM වලට විරුද්ධ විය යුත්තේ මේ නිසයි. ඒක කරන්නනම් අනිවාරෙන්ම වෛද්‍ය අධ්‍යාපනය උදෙසා ජාතික ප්‍රතිපත්තියක් අවශ්‍ය කරනවා. ඒ හරහා වෛද්‍ය ශිෂ්‍යයෙකුගේ රැකියාවෙ සුරක්ෂිත භාවය ආරක්ෂා වෙනවා. ඒ වගේම නැවත වටයකින් carder revision එකක් අත්‍යවශ්‍ය වෙනවා. ඒ හරහා නව පුරප්පාඩු හදුනා ගැනීමට හැකි වෙනවා.
GMO එක කතා කරන්නෙ අපේ ප්‍රශ්නෙට නෙමේ. එයාලව සම්බන්ධ කරගන්නෙ නැතුව ආයතන සංග්‍රහයට පටහැනිව මේ දේවල් රජය කරපු එකට. හැබැයි මේකේ බලපෑම සෘජුවම අපිටයි එල්ල වෙන්නෙ. ඒ ප්‍රශ්නෙට කතා කරන්න ඕනි අපි.
අපි මේ ඉගෙනගන්නෙ, කැප කිරීම් කරන්නෙ, අනාගත වෛද්‍යවරයෙකු වීමේ සිහිනය උදෙසා. නිදහස් අධ්‍යාපනයෙන් ඉගෙන ගන්න අපේ බලාපොරොත්තුව ඒක. දේශපාලන අරමුණු හන්දා ඒක නැති වෙන්න බෑ. අපේ අනාගතය වෙනුවෙන් අපි බැදී සිටිය යුතුයි. මතු පරපුරේ අනාගතයත් අපි මත රදා පවතී.
නිදහස් ආධ්‍යාපනය සුරැකේවා !!!
(මුහුණු පොතින් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..