ශ්‍රී ලංකාවෙන් ප්‍රථම වරට වාර්තා වූ කලු කොකාගෙන් Black Heron (Egretta ardesiaca) ජීවිතයට​ ඉගෙන ගත හැකි දේවල්..

Mar 31, 2026 at 09:30 AM

|

Lanka Leader

ශ්‍රී ලංකාවෙන් ප්‍රථම වරට කලු කොකෙක් (Black Heron) 2026.03.27 දින යාපනයෙන් වාර්තා වී තිබේ.තනිකර කලු ශරීරයක් සහ දීප්තිමත් කහ පාට පාද ඇඟිලි සහිත මෙම පක්ශියා ප්‍රමානයන් පුංචි සුදු කොකෙකු පමන වේ.අප්‍රිකානු මහාද්වීපයෙන් වාර්තාගත මෙම පක්ශියෙක් ශ්‍රී ලංකාවෙන් හමුවීම සුවිශේශී කරුනකි.නමුත් මෙම කෙටි ලිපියේ අරමුන වන්නේ මෙම පක්ශියා අනුසාරයෙන්  ජීවිතයට​ ඉගෙන ගැනීමට ලැබුනු කරුනු කීපයක් බෙදා ගැනීම වේ.

* ඉස්මතු නොවී සිටීමේ වටිනාකම​

 සම්පූර්නයෙන් කලු පාට නිසා මෙම පක්ශියා පරිසරයේදී කැපී පෙනීමෙන්   වලකී.එය පක්ශියාගේ ආරක්ශාවට මෙන්ම තම කටයුතු කරදරයකින් තොරව කරගෙන යාමට හේතු වේ.

* අන් අයගෙන් පැහැදිලිව වෙනස් වන විශේශතාවයක් තිබීමේ වටිනාකම

​මේ පක්ශියා ගොදුරු සෙවීමේදී තම පියාපත් යුගල විහිදුවා ගෙන ඉන් විශාල සෙවනැල්ලක් ජලය මතට පතිත කරයි.මේ සෙවනැල්ලේ රැකවරනය සොයා එන මත්ස්‍යයන් සහ අනෙකුත් ජලජ ජීවීන් මෙම පක්ශියාගේ ගොදුරු බවට පත් වේ.මේ විශේශිත ගොදුරු අල්වා ගැනීමේ ක්‍රමවේදය​ "Canopy Fishing" නම් වේ.

* සාර්ථකත්වය වැඩිකර ගැනීම පිනිස සාමූහිකව කටයුතු කිරීම

මෙම පක්ශීන් කීප දෙනෙක් ඇතැම් විට එක්ව මෙම ආකාරයෙන් (Canopy Fishing) වඩා විශාල සෙවනැල්ලක් පතිත වීමට සලස්වන අතර එය සියලු දෙනාගේ දඩයම් වඩාත් සාර්ථක කර ගැනීමට හේතු වේ.

* අන් අයත් සමඟ එක්ව සහ​ සාමකාමීව සිටීම​

කලු කොකා බොහෝවිට වෙනත් ජලජ පක්ශීන් සමඟ සහ සාමකාමීව වාසය කරන්නෙකි.

* ඉහල අනුවර්තනීය හැකියාව 

මේ පක්ශියා තෙත්බිම් පරිසර පද්ධතීන් රාශියකම සාර්ථකව වාසය කිරීමේ හැකියාවෙන් යුතුය​.

* ඉවසීම,දරා සිටීම සහ විනයානුකූල බව​

කලු කොකා දඩයම් කිරීමේදී තම පියාපත් විහිදා නිශ්චලව බොහෝ වේලාවක් සිටින්නෙකි.මේ සෑම විටම පක්ශියා තද හිරු එලියට තම ශරීරය මුලුමනින් නිරාවරනය කර ගනී.එසේ වුවත් එම අපහසුතාවයන් ඉතා හොඳින් දරා සිටිමින් තම අරමුන සාර්ථක කර ගන්නෙකි.

* ඉතා ප්‍රශස්ථ පතිචාරයක් දැක්වීමේ වටිනාකම​

නිශ්චලව සිටින කලු කොකා තමන්ට අවශ්‍ය ගොදුරක් ආසන්නයට පැමිනෙන තෙක් නිශ්චලව සිටියත්,එක්වරම ඉතා වේගවත් ප්‍රහාරයක් මගින් ගොදුර අල්ලා ගැනීමට ඉතා සමත් වේ.

* විශේශ අවශ්‍යතා නොමැතිකම සහ ලද දෙයින් තෘප්තිමත් වීම සාර්ථකත්වයට හේතු වන්නකි

කලු කොකා ජලජ සතුන් රාශියක්  තම ආහාරය ලෙස යොදාගනී.වෙනත් ලෙසකින් දක්වතොත් ආහාර විශේශත්වයක් නොපෙන්වන්නෙකි.ආහාරය ලෙස මසුන් පමනක් නොව උභයජීවීන්,ක්‍රස්ට්‍රේශියාවන් සහ කෘමීන් ඇතුලු පුලු පරාසයක සතුන් අයත් වේ.

ඡායාරූප සියල්ල අන්තර්ජාලයෙනි.

(මුහුණු පොතින් උපුටා ගන්නා ලදී)