රාජා.... හෝ.... මා හෝ.... ගංගා හෝ
"රාජා.... හෝ.... මා හෝ.... ගංගා හෝ.... යන්න මන්තරයක්‌ නොවේ. එහි අදහස "එක්‌කෝ රාජාට සැනසිල්ලක්‌ ලැබී නින්ද යයි. එසේ නොවුණහොත් රජු අතින් මා මිය යයි. නැතිනම් ගඟ පිටාර ගලා අප දෙදෙනාම ගසාගෙන යයි"
අතුරු මිතුරු දඹදිව තුරු
රාජකපුරු සෙට්‌ටියා
විවිධ ගුරාලා, කට්‌ටඬියෝ, කපුවෝ පිළිබඳ පුවත් අද නිතර ජනමාධ්‍යවලින් වාර්තා වේ.
ඉතිහාසය හා සම්බන්ධ එවැනිම ගුරෙක්‌ පිළිබඳ කතාවක් ඔබට ගෙනහැර පෑමයි. මේ ගුරා නිසා අපේ රාජධානියක්‌ පවා බිඳ වැටී සිංහල ජනයා මහත් ඛේදවාඡකයන් ඉරණමකට පත් විය.
දකුණු ඉන්දියාවෙන් මෙරටට පැමිණි අරිට්‌ඨ කී වෙන්ඩු පෙරුමාල්ය. මොහු ඇතුළු පිරිස සෙට්‌ටි, හෙට්‌ටි ආදී නමින් හඳුන්වන ශිව ආගම අදහන යන්ත්‍ර මන්ත්‍ර ගුරුකම්වලට ප්‍රසිද්ධ ආඬි ගුරාලාය.
නමුත් ඇත්තෙන්ම
👉අරිට්‌ඨ කී වෙන්ඩු පෙරුමාල් නම් හෙට්‌ටියා යන්ත්‍ර මන්ත්‍ර හෝ ගුප්ත විද්‍යාවද හරියට නොදනී. මොහු ලංකාවට පැමිණියේ සීතාවක රාජසිංහ රජ සමයේය.
මෙකල ලංකාවට පෘතුගීසින්ගෙන් බොහෝ අඩම්තේට්‌ටම් එල්ල වූ අවධියකි. සීතාවක රාජසිංහ රජුද ලංකාද්වීපය පෘතුගීසි ග්‍රහණයෙන් මුදා ගැනීමට නොනිමි අරගලයක නිරතව හෙම්බත්ව සිටියේය.
නිරන්තර හැල හැප්පීම් නිසාත්, සතුරන් කෙරෙහි වූ අසීමිත වෛරය නිසාත් චිත්ත පීඩාවට පත්ව සිටි යුදකාමී, රණශූර රාජසිංහයෝ මානසික සහනයක්‌ පතා වෙන්ඩුපෙරුමාල්ගේ බසට නැඹුරු විය. 👉ඔහුගේ ඉගැන්වීම අනුව රජු බුදු දහම අතහැර ශිව ආගම වැළඳ ගත්තේය.
කැලණි ගඟ මත තැනූ මණ්‌ඩපයක රජු වෙනුවෙන් යාගයක්‌ පැවැත්වීමට සැලසුම් කළ ඔහු එහිදී මන්තරය ලෙස ජප කළේ රාජා.... හෝ.... මා හෝ.... ගංගා හෝ.... යන්නයි. නමුත් එය මන්තරයක්‌ නොවේ. එහි අදහස "එක්‌කෝ රාජාට සැනසිල්ලක්‌ ලැබී නින්ද යයි. එසේ නොවුණහොත් රජු අතින් මා මිය යයි. නැතිනම් ගඟ පිටාර ගලා අප දෙදෙනාම ගසාගෙන යයි" යන අදහසයි.
👉චිත්ත පීඩාව නිසා දින ගණනක්‌ නින්ද නොගිය රජුට මේ ශාන්ති කර්මය අවස්‌ථාවේ හොඳින් නින්ද ගියේය. එය වෙන්aඩුපෙරුමාල්ට වාසනාවක්‌ විය.
මේ නිසා ඔහු කෙරෙහි පැහැදුනු රජු ඔහු කියන කියන තාලයට වැඩ කරන්නට විය.
👉වෙන්ඩුපෙරුමාල්ද රජු නොමඟ යවමින් බිලි පූජා දෙමින් තව තවත් රජුට සමීප විය. රාජධානියේ උසස්‌ තනතුරු, නිලතල සියල්ල ඔහුට හිමිවිය.
දැන් රජුට ඔහුගෙන් තොර ලෝකයක්‌ නැත. රජුගේ සමීපතම මිතුරා හා විශ්වාසවන්තයා ඔහු විය.
මේ අතුරු මිතුරුකම නිසා අවංකව රජුට සේවය කළ අයට රාජධානියේ තැනක්‌ නැති විය.
👉දඹදිවින් පැමිණි මේ අතුරු මිතුරා රාජධානියේ අභ්‍යන්තර කටයුතුවලට අත දමමින් රාජ්‍ය පාලනයේ අවුල් වියවුල් ඇති කළේය.
👉කුකුළන්ගේ බෙල්ල කැපීම වැනි බිලි පූජා නිසා බෞද්ධ සංඝරත්නයත්, බෞද්ධ ජනතාවත් රජුගෙන් දුරස්‌ විය. රජුට සමීපව සිටි අය රජුගෙන් දුරස්‌ විය.
මෙය සීතාවක රාජධානියේ පිරීහිමට ප්‍රබල ලෙස බලපෑවේය. උඩරට සමඟ සටනින් පැරදී
👉පෙතංගොඩ උයනට ආ සීතාවක රාජසිංහ රජුගේ පාදයේ උණ කටුවක්‌ ඇනුණු අවස්‌ථාවේ වෙන්ඩුපෙරුමාල් රාජකීය වෛද්‍යවරුන්ට රජුට ප්‍රතිකාර කිරීමට ඉඩ නොදී තමා එය මන්තර බලයෙන් සුව කරන බව පැවසීය.
👉එසේ කියා ඔහු රාත්‍රි කාලයේ රජුගේ තුවාලයට අශ්ව බෙටි දියකර වක්කළේය. මේ නිසා විෂ බීජ ශරීරගත වූ රජු පිටගැස්‌ම සැදී මරණයට පත් විය.
ඔහු එසේ කළේ රජු මියගිය විට සීතාවක රාජ්‍යයේ බලය තමාට පවරා ගැනීමටය.
එහෙත් රජු මියගොස්‌ නොබෝ දිනකින් පෘතුගීසින් සීතාවක අල්ලා ගත්තේය. ඉතා සටකපට අවස්ථාවාදියෙක් වූ මේ ආඬිගුරා එතැන් පටන් පෘතුගීසින්ට එක්‌ වී ජයවීර බණ්ඩාර නමින් පෙනී සිටියේය. මේ අතර උඩරට විමලධර්ම රජු යෙද වූ උපායක ප්‍රතිඵලයක්‌ ලෙස මේ පුද්ගලයා පෘතුගීසින් විසින්ම මරා දමනු ලැබීය.
මෙසේ සීතාවක රාජධානිය විනාශ මුඛයට ඇද දැමූ මේ ආඬිගුරාට ඇතැමුන් සරදමට මේ වැකිය කියූ බව ජනප්‍රවාදයේ සඳහන් වේ. එම කවියෙන් කියවුණෙ
"මේ හෙට්‌ටියාට සීතාවක රාජධානියේ වැඩවලට අත දාන්න එපා" යන්නයි.
අතුරු මිතුරු දඹදිව තුරු
රාජකපුරු සෙට්‌ටියා
අලුත ගෙනා මනමාලිට
හාල්පතක්‌ ගරාලා
ඉහළ ගෙටත් බෙදාලා
පහළ ගෙටත් බෙදාලා
කුකුළ කපල ගේ මුල්ලේ
කිකිළි කපලා දොරමුල්ලේ
අතක් ගනින් හෙට්ටියෝ
- Indu Abenayake -
සම්බන්ධිත පුවත් | Related News
ප්‍රධාන පුවත්
උතුර සහ නැගෙනහිර වෙනම රටක්... මම සහාය දෙන්නේ අනුරට - අර්චුනා රාමනාදන් කියයි (වීඩියෝ)
පාර්ලිමේන්තු මන්ත්‍රී අර්චුනා රාමනාදන්ට එරෙහිව පැමිණිල්ලක්... හඬපටයකුත් ලීක් වෙයි
ජාතිවාදයන්ගේත් - ආගමික අන්තවාදයන්ගේත් 'විසකුරු ප්‍රකාශනයක්' වන 'බෙදුම්වාදයට' ද කිසිදු ඉඩකඩක් නොතබන ලෙස ජනපතිගෙන් ඉල්ලා සිටිනවා! - ජානිපෙ ජාතික සංවිධායක ජයන්ත සමරවීර
IMF එකෙන් අහලම විදුලි බිල සංශෝධනය කරන යෝජනාව හදනවලු
යුක්රේනයේ යුද උන්මාදයට එරෙහි මොස්කව් ප්‍රතිචාරය පුටින් ගෙනහැර දක්වයි (සම්පූර්ණ කථාව).
නියෝජ්‍ය ඇමැතිවරු 29ක් දිවුරුම් දෙති
අපි සම්ප්‍රදාය වෙනස් කළා යැයි කියමින් යාපනෙන් ආපු අලුත් මන්ත්‍රී විපක්ෂ නායක පුටුවේ වාඩිවෙලා... අයින් වෙන්න බෑ කියයි (වීඩියෝ)
නාඩු මෙට්‍රික් ටොන් ලක්ෂ 22ක් මෝල්හිමියෝ හංගලා... මෝල්හිමියන්ගේ කූඨ උපායට නව රජයත් හසුවෙලා - ජාතික ගොවිජන එකමුතුවේ සභපාති අනුරාධ තෙන්නකෝන්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
මහාචාර්ය හිනිදුම සුනිල් සෙනෙවි නිර්මාණ කොල්ලකරුවන්ගේ ලැයිස්තුවේ?
රුසියාවේ නව න්‍යෂ්ටික මූලධර්මයෙහි වන ප්‍රධාන කරුණු
ආණ්ඩුවට ලැබුණු ජනවරමට එරෙහිව ක්‍රියා කරන්නේ නෑ... ජනවරම ආරක්ෂා කරමින් ජනතාවගේ අපේක්ෂා වෙනුවෙන් පෙනීසිටිනවා - ජාතික නිදහස් පෙරමුණෙන් නිවේදයක්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
බෙදුම්වාදීන් විසින් මිලට ගත් හිමාලයා භික්ෂූන් ජනපති අනුරට උගුල අටවයි
නාඩු සහල් මෙට්‍රික් ටොන් 65,000ක් ඉන්දියාවෙන් ගෙන්වයි
ජර්මනියෙන් චීනයට තර්ජන