උවිඳුගේ youtube සාකච්ඡාවට මහාචාර්යවරයකුගෙන් පිළිතුරක්
පසුගිය දා උවිඳු විජේවීර මහතා youtube නාලිකාවක් සමග පැවැත්වූ සංවාදයක දී එහි නිවේදකයා දිගින් දිගටම වර්තමාන ජනතා විමුක්ති පෙරමුණ හා එදා රෝහණ විජේවීරයන් විසින් නිර්මාණය කළ ජනතා විමුක්ති පෙරමුණ අතර සමානතා මතු කිරීමට දැරූ උත්සාහය පරාජය කරමින් පිළිතුරු දීමට උවිඳු විජේවීර සමත් වීම පිළිබඳව මහාචාර්ය එඩ්වර්ඩ් එම් පෙරේරා මහතා මුහුණු පොතේ සටහනක් තබා තිබේ.
එම සටහන පහළින්...
මෙම සාකච්ඡාව මුළ සිට අග දක්වාම ඉතාමත් සාවධානව මම අසා සිටියා.
මුළු සාකච්ඡාව පුරාම ප්‍රශ්න අසන චතුරංග උත්සාහ කළේ ජනතා විමුක්ති පෙරමුණේ නිර්මාතෘ වූ රෝහණ විජේවීරට තිබූ පිළිගැනීම ඔහුගේ පුත් උවිඳු හරහා NPP හා අනුර කුමාරගේ බංකොලොත් JVP කණ්ඩායම්වලට ලබාදීමටයි.
මා අපේක්ෂා කළාටත් වඩා හොඳින් උවිඳු පිළිතුරු දුන්නා පමණක් නොවෙයි අද ඇමරිකාවට සහ ඉන්දියාවට ගැතිකම් කරමින් බංකොලොත් ගෝලීය දේශපාලනයකට බඩගාමින් ප්‍රවේශයක් ලබා ගන්න උත්සාහ කරන NPP/JVP පිරිස් (සෘජුව නොකළත්) දේශපාලන වශයෙන් නිරුවත් කරන්නත් දක්ෂ වුණා.
මා මේ සටහන තබන්නේ මාගේ සමීප මිත්‍රයෙක් ව සිටි රෝහණ විජේවීරගේ පුත්‍රයා වන උවිඳු විජයවීරට දේශපාලන තල්ලුවක් දීමට නොව උවිඳු දෙවන පරපුරේ සාමාජිකයෙක් ලෙස සිතන පතන ආකාරය බොහෝ දුරට නිවැරදි බව කීමටයි. 71 අරගලයේ දී විජේවීරවත් පාවාදෙමින් CIA එකට දැනුවත්ව හෝ නොදැනුවත්ව සේවය කළ පොඩි අතුල සහ ලොකු අතුලට විශාල ජනතා ප්‍රසාදයක් ලබාදීමට දේශයේ හතුරන් ක්‍රියාකරන අතර විජේවීර විප්ලවය සූදානම් කළේ CIA කාරයෙක් ලෙසයි කියා ප්‍රචාරය කරන්න තරම් මේ ද්‍රෝහීන් සැහැසි වුණා.
මෙම සාකච්ඡාවෙන් චතුරංග බලාපොරොත්තු වුණු ඉලක්කය ඉටු වුණේ නැහැ. ඔහු මුළු කාලය තුළම හැසුරුණේ NPP/JVP වෙනුවෙන් කැපවුණු, විජේවීරගෙන් තොර JVP කණ්ඩායමේ මඩ පැල්ලම් පමණක් නොව ලේ පැල්ලම් ද සෝදා හරින්න කොන්ත්‍රාත් ගත් පුද්ගලයෙක් ලෙසයි.
හරකා නිතැතින්ම හැරෙන්නේ පොල් පැලය දෙසට වගේම
චතුරංග, වත්මන් තරුණ පරපුර කෙරෙහි උවිඳු තුළ ඇති මානුෂික ආකල්ප හා සානුකම්පිත බව සූරාගෙන එය වත්මන් දූෂිත JVP යට ආදේශ කිරීමට නිශ්ඵල උත්සාහයක යෙදුණා.
රෝහණ විජේවීරගේ ජවිපය තුළත් නරුමයන් නොසිටියා නොවෙයි.
පන්සිල් නො ගත්තේ අන්න ඒ පිරිසයි.
නොකෙලෙස් පිටිසර ගම්වල තරුණ තරුණියන් මෙන්ම ගම්බද පන්සල් වල තරුණ සාමණේර හිමිවරුන් විජේවීරගේ දේශපාලන දර්ශනය ට ආකර්ෂණය වුණේ කිසිම පුද්ගලික වාසියක් බලාගෙන නොව ස්වයංපෝෂිත වූ නිවහල් ශ්‍රීලංකාවක් ගොඩ නංවා ගැනීමටයි. ඔවුන් පන් සිල් රැක්කා පමණක් නොව දුරාචාරයෙන් තම පරපුරේ සගයින්ව බේරා ගැනීමටත් කටයුතු කළා. මත්පැන් හා දුම් බීමෙන් තරුණ පරපුර ගලවා ගැනීමත් විජේවීරගේ එක් ප්‍රධාන බලාපොරොත්තුවක් වීම තුළින් ඔහු ලංකාවේ මත්පැන් නිෂ්පාදකයින්ගේ සහ දුම්කොළ සමාගම් වල වෛරයට ලක් වුණා.
ගංගොඩවිල සෝම හාමුදුරුවන්ගේ මොන අඩුපාඩු කම තිබුනත් තරුණ පරපුර මත්ද්‍රව්‍ය වලින් හා දුම්පානයෙන් වළකා ගැනීමට සාර්ථක උත්සාහයක් දැරුවා.
උන්වහන්සේගේ මරණයටත් ශ්‍රී ලාංකිකයෙක් සම්බන්ධ රුසියාවේ ක්‍රිස්තියානි පල්ලියක් සෘජුවම සම්බන්ධ වී සිටියා.
කුලියාපිටියේ ලයනල් ජයතිලක මන්ත්‍රීවරයා දුම්බීමෙන් හා මත්පැන් පානයෙන් වැළකෙන ලෙස තරුණ පරපුරට තරයේම අවවාද කිරීමේ ප්‍රතිඵලයක් ලෙස වෙඩි තබා ඝාතනය කරනු ලැබුවා. එසේ කර, ඝාතනයේ වගකීම විජේවීරගේ JVP යට බැර කළා.
R. ප්‍රේමදාසට ජනාධිපති අපේක්ෂකත්වය දීමට විරුද්ධවූ JR ජයවර්ධනට පක්ෂපාතී UNP නායකයින් කිහිප දෙනෙක්ම වෙඩි තබා ඝාතනය කළේ ප්‍රේමදාසගේ සැළසුමක් මතයි. ඝාතකයා වූයේ විජය කුමාරතුංග ඝාතනය කළ රණසිංහ මයි. පාවිච්චි කලේ කළේ එකම අවියයි.
අද NPP/JVP යෝධ ශක්තියක් ලබා ඉදිරියට පැමිණ ඇත්තේ යුගයේ අවශ්‍යතාවක් වෙනුවෙන් කියා නැවත වතාවක් ඉතිහාසය ආපස්සට හරවන්න දේශයේම හතුරන් විදේශීය බලවතුන් හා ක්‍රිස්තියානි සංවිධාන සමග එකතුවී රටේ භෞමික අඛණ්ඩ තාවයටත්, හෙළ සංස්කෘතිය ටත් බුදුදහමටත් එරෙහිව දැවැන්ත ප්‍රහාරයක් එල්ල කරමින් සිටිනවා.
අවාසනාවකට මෙන්, විශ්‍රාමික රණවිරුවන් යැයි කියාගන්නා ක්‍රිස්තියානි බලවේගය විසින් මෙහෙයවන පිරිස් ජාතික ජන බලවේගයට එක්වී රට මුදා ගන්නා ආකාරය ගැන පුරසාරම් දොඩනවා.
නමුත් ඔවුන්, ඔවුන්ව මෙහෙයවන අදෘශ්‍යමාන බලවේගය එදා රණවිරුවන් නොකා නොබී මව්බිම වෙනුවෙන් ත්‍රස්තවාදීන් පරාජය කිරීමට සටන් කරද්දී, රටේ මුර දේවතාවුන් වූ අපේ සන්නද්ධ හමුදාවල සාමාජිකයින් ලොවට හදුන්වා දුන්නේ ලෝකයේ සිටින ම්ලේච්ඡතම යුද හමුදාව ලෙසින්.
එපමණක් නොවෙයි එම හමුදාව බෞද්ධ හමුදාවක් ලෙසත් ජාත්‍යන්තරය ඉදිරියේ හංවඩු ගසා තිබුණා. වත්මන් JVP නායකත්වය හෝ NPP රූකඩයන් අතරෙන් එක් අයෙක් හෝ අපේ මවුබිම, භෞමික අඛණ්ඩතාවය හෝ මිනීමරු එල්ටීටීඊ සංවිධානය පිටුපස හොල්මන් කළේ ලංකාවේ කතෝලික සභාව බව ලොවට හෙළි කරමින් ලිපියක් නොව එක වගන්තියක් ලියූ බව හැකිනම් ඔප්පු කරන්න කියා
මා වෙස් මුහුණු බැඳගෙන දේශපාලන කරන කුහක තක්කඩි වංචනික පිරිස් වලට විවෘත අභියෝගයක් කරනවා.
ශ්‍රී ලංකාව සමාජ ආර්ථික හා සංස්කෘතික වශයෙන් දරුණු සෝදාපාලුවකට ලක්වුණේ දේශීය හා විදේශීය අදෘශ්‍යමාන බලවේග වල නින්දිත කුමන්ත්‍රණයක් නිසා බව හෙළි කරන්න තරම් කොන්දක් පණ ඇති අයෙක් වත්මන් JVP එකේ සිටිනවාද කියා සොයා බළාම මීළඟ ජනාධිපතිවරණයට හා මහ මැතිවරණයට සූදානම් වන ලෙස මා රටේ සියලුම ජනවාර්ගික කොටස් වලින් ඉතාමත් ආදරයෙන් ඉල්ලා සිටිනවා.
(මහාචාර්ය එඩ්වර්ඩ් එම් පෙරේරා)
සම්බන්ධිත පුවත් | Related News
ප්‍රධාන පුවත්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
අද, හෙට සහ අනිද්දා දීප ව්‍යාප්ත විදුලි කප්පාදුවක්..