උදයංගට කපිලට අමෙරිකාවෙන් රටට ඇතුළු වීම තහනම් කරයි. සමීප ඥාතීනුත් ඒ අතර!

Dec 10, 2024 at 10:20 AM

|

Lanka Leader

රුසියාවේ හිටපු ශ්‍රී ලංකා තානාපති උදයංග වීරතුංග මහතාට සහ ශ්‍රී ලන්කන් ගුවන් සේවයේ හිටපු ප්‍රධාන විධායක නිලධාරී කපිල චන්ද්‍රසේන මහතාට ඇමෙරිකා එක්සත් ජනපදය සම්බාධක සහ වීසා සීමා තහනම් පනවා ඇතැයි වාර්තා වේ.

 උදයංග වීරතුංග මහතා ශ්‍රී ලංකා ගුවන් හමුදාවට මිග් ගුවන් යානා මිලදී ගැනීමේදී දූෂිත වැඩපිළිවෙළක් ක්‍රියාත්මක කර ඇති බවද කපිල චන්ද්‍රසේන මහතා ශ්‍රී ලංකන් ගුවන් සමාගමට එයාර්බස් ගුවන් යානා මිලට ගැනීමේදී අල්ලස් ගත් බවද චෝදනා ඉදිරිපත කිරීමට පාදක කර තිබේ.

ඒ අනුව ඔවුන් දෙදෙනාට සහ ඔවුන්ගේ සමීපතම පවුලේ සාමාජිකයන් සියළු දෙනාගේ නම් ප්‍රසිද්ධ කර අමෙරිකාවට ඇතුළුවීම තහනම් කර ඇතැයි පැවසේ.

අමෙරිකා එක්සත් ජනපදය අදාළ තහනම ප්‍රකාශයට පත් කරමින් පහත පරිදි 

ශ්‍රී ලංකා ගුවන් සේවයේ හිටපු ප්‍රධාන විධායක නිලධාරී කපිල චන්ද්‍රසේන:

7031(ඇ) වගන්තියට අනුව රාජ්‍ය දෙපාර්තමේන්තුව විසින් කපිල චන්ද්‍රසේන සැලකිය යුතු දූෂණයකට සම්බන්ධ බවට ප්‍රසිද්ධියේ නම් කරයි. චන්ද්‍රසේන ශ්‍රී ලංකන් ගුවන් සමාගමේ ප්‍රධාන විධායක නිලධාරියා ලෙස කටයුතු කරමින් සිටියදී ශ්‍රී ලංකාවට එයාර්බස් ගුවන් යානා වෙළෙඳපොළ වටිනාකමට වඩා මිල දී ගැනීම සහතික කිරීම සඳහා අල්ලසක් ලබා ගත්තේය. මෙම ක්‍රියවෙහි කොටසක් ලෙස, ඔහුගේ සමීපතම පවුලේ සාමාජිකයන් ද නම් කරනු ලැබේ.

උදයංග වීරතුංග, රුසියාවේ හිටපු තානාපති:

7031 (ඇ) වගන්තියට අනුව රාජ්‍ය දෙපාර්තමේන්තුව උදයංග වීරතුංග සැලකිය යුතු දූෂණයකට සම්බන්ධ බවට ප්‍රසිද්ධියේ නම් කරයි. වීරතුංග ශ්‍රී ලංකා ගුවන් හමුදාවට මිග් ගුවන් යානා මිලදී ගැනීම සම්බන්ධ දූෂිත යෝජනා ක්‍රමයකින් පුද්ගලිකව ප්‍රතිලාභ ලබා ගත්තේය. මෙම ක්‍රියාවෙහි කොටසක් ලෙස, ඔහුගේ සමීපතම පවුලේ සාමාජිකයන් ද නම් කරනු ලැබේ.

කෙසේ වුවද පසුගියදා මිග් යානා ගනුදෙනුව සම්බන්ධයෙන් උදයංග වීරතුංග මහතාට එරෙහි පනවා තිබූ නඩුවට පෙනි සිට මාධ්‍ය වෙත අදහස් දක්වමින් නීතිපති දෙපාර්තමේන්තුව වසර දයකට ආසන්න කාලයක් තිස්සේ නඩුව ඇසීමට අවශ්‍ය ආකාරයට අධිකරණයට කරුණු ඉදිරිපත් කර නොමැති බවයි.

මිග් ගනු දෙනුව සම්බන්ධයෙන් පනවා ඇති නඩුවට වසර දහයකට ආසන්නයි! තවත් පමා නොකර නඩු කටයුතු ඉක්මනින් අවසන් කරන්න නීතිපති දෙපාර්තමේන්තුව මැදිහත් විය යුතුයි- හිටපු ශ්‍රී ලංකාවේ රුසියානු තානාපති උදයංග වීරකෝන්