පක්ෂ නායකත්වයන් ගැන නොසිතා සජබ එජාප සියලු දෙනා එක්ව වැඩ කර ජයග්‍රහණය ලබාගත යුතු බව හිටපු ජනාධිපති රනිල් වික්‍රමසිංහ මහතා කඩුවෙල ආසනයේ සමගි ජන බලවේග පළාත් පාලන නියෝජිත පිරිසක් හමුවේ පැවසීය.

නව ශ්‍රේෂ්ඨාධිකරණ විනිශ්චයකාරවරු සිව්දෙනෙක් ජනාධිපති අනුර කුමාර දිසානායක මහතා ඉදිරියේ ජනාධිපති කාර්යාලයේදී අද (12) පෙරවරුවේ දිවුරුම් දුන්හ.

අගමැතිනි හරිනි අමරසූරිය අගමැති පුටුවේ අසුන් ගැනීමෙන් අනතුරුව ප්‍රකාශ කරන ලද්දේ කෙතරම් අවශ්‍ය වුවද පෙර පරිදි නිදහසේ ගමන් බිමන් යෑමට සිය නිල ආරක්ෂකයන් අවස්ථාව ලබානොදෙන බවයි.

යුක්රේන-රුසියා ගැටුමේදී මියගිය හිටපු හමුදා නිලධාරීන් කිහිපදෙනෙකුගේ අනන්‍යතාව තහවුරු කිරීම සඳහා රුසියාව ශ්‍රී ලංකාවේ සහාය ඉල්ලා තිබේ. වන්දි ගෙවීම සඳහා මාර්ගය සකස් කිරීම සඳහා DNA පරීක්ෂණ හරහා මියගිය නිලධාරීන් හඳුනා ගැනීමට පහසුකම් සපයන ලෙස රුසියාව අදාළ බලධාරීන්ගෙන් ඉල්ලා ඇති බව වාර්තා වෙයි.

බැංකුවල තැන්පත් කර ඇති තැන්පතුවලට අය කරන රැඳවුම් බද්ද ඉහළ නැංවීමත් සමග තැන්පතු සැලකිය යුතු ලෙස බැංකුවලින් ඉවත් කරන ඇති බව වාර්තා වෙයි. එම මුදල් වලින් කොටසක් කොළඹ කොටස් වෙළඳපොලේ හා වෙනත් ආයෝජන සඳහා යොමු කිරීමට නැත්පතුකරුවන් පෙළඹෙමින් සිටිතැයි සදහන්ය.කොළඹ කොටස් වෙළඳපළ ඉහළ ඉහළ යාමට මෙම තත්වයද බලපා තිබේ.

හම්බන්තොට - අගුණුකොළපැළැස්ස අංක 09 සමූපකාර ප්‍රාදේශිකයේ නිලවරණයෙන් ජාතික ජනබලවේගය පරාජයට පත්ව තිබෙනවා. ඒ අනූව එහි බලය තහවුරු කරගැනීමට සමත්ව ඇත්තේ ස්වාධීන කණ්ඩායමක් විසිනුයි.

රෝගින්ගේ මුඛය පිරිසිඳු කිරීම සඳහා භාවිත කරන විශබීජ නාශක බෝතල් ගෙන්වීමක් සඳහා, අසාදු ලේඛනගත කළ බංග්ලාදේශ සමාගමකට ටෙන්ඩර් ලබාදීමට රාජ්‍ය ඖෂධ සංස්ථාව අනුමත කර ඇතිබවට වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය චෝදනා කරයි.

පොහොසත් මුස්ලිම් රටවල් තිබිය දී රෝහින්ග්‍යා සරණාගතයන් ශ්‍රී ලංකාවට පැමිණීම කුමන්ත්‍රණයක් බව හිටපු ඇමැති, ආචාර්ය සරත් වීරසේකර පවසයි.

වර්තමාන ආණ්ඩු යටතේ ජනමාධ්‍ය නිදහස දැඩිව සීමා වෙමින් ඇතැයි චෝදනා කරමින් හිටපු පාර්ලිමේන්තු මන්ත්‍රී ඩලස් අලහප්පෙරුම මහතා විසින් නිකුත් කර ඇති නිවේදනයට සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා ප්‍රතිචාර දක්වයි.