ජාතික ජන බලවේගය අද වන විට ධෛර්යවන්ත ගැහැනුන්ගෙන් සමන්විත ව්‍යාපාරයක් බවට පත්වී ඇති බවත්, 2024 ජයග්‍රහණ ගැන යම් කුකුසක් තිබුනේ නම් අද වන විට එම කුකුස මුළුමනින්ම අහවර වී ඇති බවත් එහි නායක පාර්ලිමේන්තු මන්ත්‍රී අනුර දිසානායක මහතා සඳහන් කරයි.

භාණ්ඩ හා සේවා මත අය කරන එකතු කළ අගය මත බදු (වැට්) අනුපාතය සියයට 18 දක්වා වැඩිවීම අද (01දා) සිට ක්‍රියාත්මක වේ.

සිපෙට්කෝ ඉන්ධන මිල ගණන් සංශෝධනය කර තිබේ.

භික්ෂූන් වහන්සේලා කිහිප නමක් සහ ගෝලීය ද්‍රවිඩ සංසදයේ සාමාජිකයන් පිරිසක් විසින් එළි දක්වා ඇති හිමාලයා ප‍්‍රකාශනයට ශ්‍රී ලංකා අමරපුර සංඝ සභාවේ එකඟතාවයක් හෝ සාකච්ඡාවක් හෝ පවත්වා නැති බව එම නිකාය විසින් නිවේදනයක් නිකුත් කරමින් සඳහන් කරයි.

65 වන කියුබානු විප්ලව දින සැමරුම වෙනුවෙන් අද(31) දින මෙරට කියුබානු තානාපති කාර්යාලයේ දී චාම් උත්සවයක් සංවිධානය කර තිබිණි.

වෙන්නප්පුව බෝතලේගම අක්කර හයහමාරක පමණ ගංජා හරිතාගාරයක් වටලා එහි අයිතිකරු කොස්වත්ත පොලිසිය විසින් අත්අඩංගුවට ගෙන තිබේ.

පසුගිය දා දෙමළ ඩයස්පෝරාව හා ශ්‍රී ලංකික හිමිවරුන් හත් නමක් එක්ව ජනාධිපති රනිල් වික්‍රමසිංහ මහතා වෙත ලබාදුන් 'හිමාලයා ප්‍රකාශනය' හරහා බෙදුම්වාදීගේ උවමනාවන් ඉටුවන බවත්, හිමාලයා ප්‍රකාශනයේ ඊළඟ දිගුව ලෙස සත්‍ය සෙවීමේ කොමිසම බලාත්මක කිරීමේ පනතක් පාර්ලිමේන්තුවේ සම්මත කිරීම සිදුවන බවත් විශ්‍රාමික ලුතිතන් ජෙනරාල් ජගත් ඩයස් මහතා පෙන්වා දෙයි.

හිමාලයා ප්‍රකාශයට එරෙහිව සහ ඊට පක්ෂපාතිත්වය දක්වන භික්ෂූන්ට මෙන්ම එම ප්‍රකාශයට තම මතය පළ නොකරන නායක හිමිවරුන්ට සහ දේශපාලන පක්ෂ වලට විරෝධය පළ කරමින් විවිධ පාර්ශව මේ වන විට අදහස් දක්වන්නට කටයුතු කරමින් සිටී.ඒ අතරින් පසුගිය 29 වනදා මල්වතු අස්ගිරි මහනායක හිමිවරුන් බැහැ දැක හිමාලයා ප්‍රකාශනයේ බරපතලකම පිළිබඳව සහ ඒ මගින් සිදු කෙරෙන පාවාදීම පිළිබඳව කරුණු දැක්වීමට ගරුතර මහා සංඝ රත්නය සහ ජාතික සංවිධාන නායකයින් සහභාගි වූ බව ලංකා ලීඩර් වෙබ් අඩවවියට වාර්තා විය.එම අවස්ථාවට ජාතික විද්වත් භික්ෂු සංසදය නියෝජනය කරමින් මහාචාර්ය පූජ්‍ය මැදගොඩ අභයතිස්ස හිමි, ආචාර්ය මාදුරුඔයේ ධම්මිස්සර හිමි, හෑගොඩ විපස්සී හිමි, මහාචාර්ය ඉත්තදෙමළියේ ඉන්ද්‍රසර හිමි ඇතුළු බෞද්ධ භික්ෂූන් වහන්සේලා රාශියක් සහභාගි වී ඇත්තාහ.

2024 ජනාධිපති අපේක්ෂකයා ලෙස ඉදිරිපත්වීමට අවශ්‍ය වැඩකටයුතු සිදුකරමින් සිටින බව පාර්ලිමේන්තු මන්ත්‍රී ධම්මික පෙරේරා මහතා පවසයි.