පසුගිය 30 වනදා රාත්‍රියේ නැඟෙනහිර ස්පාඤ්ඤයට ඇදහැලුණු ධාරානිපාත වර්ෂාව හේතුවෙන් දකුණු ස්පාඤ්ඤයේ මලගා නගරයේ සිට නැගෙනහිර ස්පාඤ්ඤයේ වැලෙන්සියා දක්වා වන ප්‍රදේශයේ විශාල ගංවතුර තත්වයක්  ඇති විය.

දේශීය කාලගුණ විද්‍යාඥයින් උපුටා දක්වන රොයිටර් පුවත් සේවයට අනුව වැලෙන්සියා ප්‍රදේශයේ සමහර ප්‍රදේශවලට වසරක් තිස්සේ වැටෙන වර්ෂාව පැය අටක් ඇතුළත ඇද හැළී තිබේ. වර්ෂාපතනයේ ප්‍රතිඵලය හේතුවෙන් දශක තුනකට පසු රට තුළ ඇති වූ භයානක ගංවතුර තත්ත්වයක් ඇති විය.

ස්පාඤ්ඤ රජයේ මූලාශ්‍ර උපුටා දක්වන එල් පායිස් පුවත් පත පවසන පරිදි ව්‍යසනයෙන් අවම වශයෙන් පුද්ගලයින් 70 දෙනෙකු මිය ගොස් ඇති අතර සමහර පුද්ගලයන් තවමත් අතුරුදහන් බව පැවසේ. අතුරුදහන් වූවන් සෙවීමට සහ වින්දිතයන්ගේ සිරුරු සොයා ගැනීමට ස්පාඤ්ඤ හමුදාව යොදවා ඇති බව එල් පායිස් පුවත්පත පවසයිMy thoughts & prayers are with the people of #Valencia #Spain(වීඩියෝ)

අවම වශයෙන් ජර්මනියේ පුද්ගලයින් 185 දෙනෙකු මිය ගිය 2021 වර්ෂයේ ඇතිවූ යුරෝපා සංගමයේ ඇතිවූ ගංවතුරෙන් පසු වැඩිම මරණ සංඛ්‍යාව වාර්තා වු ගංවතුර තත්වය මෙය බව පැවසේ. 1996 වර්ෂයේ ඇතිවූ  එවැනිම ගංවතුර තත්වයකින් පුද්ගලයින් 87 දෙනෙකුට ජීවිත අහිමි වූ අතර ඉන් පසුව ස්පාඤ්ඤයේ ඇති වූ මාරාන්තික ගංවතුර තත්වය මෙය වේ.Flood Destruction in Spain(වීඩියෝ)

ස්පාඤ්ඤ මාධ්‍යවලට අනුව මිනිසුන් දුසිම් ගණනක් ට්‍රක් රථ මත හෝ ඉන්ධන පිරවුම්හල්වල සහ නිවාසවල වහලවල් මත රාත්‍රිය ගත කළහ. වර්ෂාව හේතුවෙන් පුද්ගලයන් 140,000කට පමණ බලපෑම් එල්ල වූ බව එම පුවත් පත පවසයි.

ගංවතුර හේතුවෙන් නැගෙනහිර ස්පාඤ්ඤයේ මාර්ග වල ගමනාගමනය ඇණහිට ඇති අතර සමහර ප්‍රදේශවල දුම්රිය සේවා ගමන් වාර අත්හිටුවීමටද සිදු විය. මැඩ්රිඩ් සහ වැලෙන්සියා නගර අතර මෙන්ම මධ්‍යධරණී කොරිඩෝව හරහා බාර්සිලෝනා දක්වා අධිවේගී දුම්රිය සේවාද අත්හිටුවන ලදී.Massive floods in Massanassa of Valencia, Spain.(වීඩියෝ)

පුද්ගලයින් 300ක් පමණ රැගත් අධිවේගී දුම්රියක් මලගා අසලදී පීලි පැනීමකට ලක්ව ඇති අතර, සිද්ධියෙන් ජීවිත හානි කිසිවක් සිදුවී නොමැති බව ඒ පී පුවත් සේවය වාර්තා කළේය.

ව්‍යසනයේ ප්‍රතිවිපාක පෙන්වන වීඩියෝ රාශියක් සමාජ මාධ්‍යවල සංසරණය විය. එම "වීඩියෝ ක්ලිප්" වලින් දැක්වෙන්නේ වීදි හරහා ගලා යන ජලය සහ මඩ ධාරා වලින් වාහන ඇද ගෙන යන බවයි. එක් ඡායාරූපයක දැක්වෙන්නේ ගංවතුරෙන් විනාශ වූ මෝටර් රථවලින්  වීදියක හට ගැනුණු දැවැන්ත බාධකයකි.

"අපි මීයන් මෙන් කොටු වී සිටිනවා. මෝටර් රථ සහ කුණු කන්ටේනර් වීදි දිගේ ගලා ගියා. නගරයේ ජල මට්ටම මීටර් තුනක් දක්වා ඉහළ ගියා,"Utiel නගරයේ නගරාධිපති රිකාඩෝ Gabaldon AP පුවත් සේවය වෙත පැවසීය.

වීඩියෝ සහ ඡායාරූප මගින් ජලයෙන් සහ මඩෙන් යටවී ඇති විශාල ප්‍රදේශ පෙන්නුම් කළේය. රොයිටර් පුවත් සේවයට සම්මුඛ සාකච්ඡාවක් ලබා දුන් සාක්ෂිකරුවන්ට අනුව, ගංවතුර සමහර ස්ථානවල මීටර් දෙකක් පමණ උසකට ළඟා විය. ප්‍රවාහන යටිතල පහසුකම්වලට හානි වීම හේතුවෙන් සමහර ප්‍රදේශවලට ප්‍රවේශ විය නොහැකි බව විවිධ මාධ්‍ය මගින් ප්‍රචාරය කළේය.

කුණාටුව උතුරින් කැටලෝනියා සහ අරගොන් ප්‍රදේශ දෙසට මෙන්ම දකුණින් ඇන්ඩලූසියාවට ද ගමන් කළ අතර ගංවතුර අවදානම හේතුවෙන් කැඩිස් නගරය  අනතුරු ඇඟවීමේ රතු නිවේදනයක් නිකුත් කළ බවද එල් පායිස් පුවත් සේවය වාර්තා කළේය.

Dozens killed in Spain’s worst floods in decades (VIDEOS)