"The Island" පුවත් පතේ ලින් ඔකර්ස් දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන්නෙක්දැයි සැකයි - ශ්රී ලංකාවේ රුසියානු තානාපති කාර්යාලය
අද (31) "The Island" පුවත් පතේ පලවූ "Economic stress set to heighten globally as conflicts rage (ගැටුම් උග්‍ර වන විට ගෝලීය වශයෙන් ආර්ථික පීඩනය ඉහළ යයි)" ලිපියේ සඳහන් සාවද්‍ය කරුණු සම්බන්ධයෙන් රුසියානු තානාපති කාර්යාලය සිය නොසතුටට පළ කර සිටියි.
එලෙසම එම ලිපියේ සාවද්‍ය නිගමන රාශියක් තිබෙන බවද පවසයි.
අද (31) ශ්රී ලංකාවේ රුසියානු තානාපති කාර්යාලය නිවේදනයක් නිකුත් කරමින් මේ බව පවසා සිටියි.
නිවේදනය මගින් ලිපිය ලියන ලද ලින් ඔකර්ස් මහතා පළ කර ඇති සාවද්‍ය කරුණු නිවැරදි නොකරන්නේ නම් ඔහු කුමන හෝ දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන බව ඔප්පු වනු ඇතැයි පවසයි.
ශ්රී ලංකාවේ රුසියානු තානාපති කාර්යාලය නිකුත් කළ නිවේදනයේ සිංහල පරිවර්තනය පහළින්...
"The Island" පුවත් පතේ පලවූ "Economic stress set to heighten globally as conflicts rage (ගැටුම් උග්‍ර වන විට ගෝලීය වශයෙන් ආර්ථික පීඩනය ඉහළ යයි)" ලිපිය සම්බන්ධවයි
අද (31) "The Island" පුවත් පතේ පලවූ ලින් ඔකර්ස් මහතා රචනා කරන ලද Economic stress set to heighten globally as conflicts rage (ගැටුම් උග්‍ර වන විට ගෝලීය වශයෙන් ආර්ථික පීඩනය ඉහළ යයි) නමින් පළවූ සම්ප්‍රදායිකව තරමක් ආන්දෝලනාත්මක නවතම ලිපියක් කෙරෙහි ශ්රී ලංකාවේ රුසියානු තානාපති කාර්යාලය අවධානය යොමු කරන ලද්දේය. ගෝලීය වශයෙන් අත්‍යාවශ්‍ය ප්‍රශ්න කෙරෙහි අවධානය යොමු කරන ඔහු ගැඹුරු විග්‍රහයක් කිරීමට සහ සම්පූර්ණ සත්‍ය කතා කිරීමට අවධානය යොමු නොකිරීම තරමක් බලාපොරොත්තු සුන් කරවන්නකි.
ලින් ඔකර්ස් මහතාගේ බොහෝ විග්‍රහයන් සහ තක්සේරු කිරීම් පාඨකයාගේ ඇහිබැම ඉහළ නැංවිමට හේතුවේ. විශේෂයෙන්ම, "අද ලෝකයේ සිදුවෙමින් පවතින බොහෝ ප්‍රධාන යුද්ධ සහ ගැටුම්වල කොටස්කරුවන් වන්නේ රුසියාව සහ චීනය" බව ඔහුගේ ප්‍රකාශය ප්‍රශ්නකාරි ප්‍රකාශයක් වන්නේය. මෙම ප්‍රකාශය නිවැරදි නොවනවා පමණක් නොව සියළු ව්‍යසනයන්ගේ සැබෑ මහ මොළකරු අපේ ලෝකයේ බොහෝ කලාපවල සිදුවන යුද ගැටුම්වල ප්‍රතිලාභියා වන ඇමරිකා එක්සත් ජනපදය පිළිබඳව සඳහන් කිරීමට ද ඔහුට මග හැරෙයි.
මේ සම්බන්ධයෙන් ඔකර්ස් මහතාට ඔහුගේ වෘත්තීය රාජකාරි නිසි ලෙස ඉටු කිරීමට උපකාර විය හැකි රුසියානු විදේශ කටයුතු අමාත්‍යාංශයේ ප්‍රකාශිකා මරියා සකාරෝවා මහත්මිය විසින් මෑත කාලීනව කළ ප්‍රකාශය පිළිබඳව සන්ඳහන් කිරීමට ශ්රී ලංකාවේ රුසියානු තානාපති කාර්යාලය මෙහිලා සූදානම් බව ප්‍රකාශ කරමු.
“ඊශ්‍රායලය ඉරාන භූමියට ගුවන් ප්‍රහාර එල්ල කිරීම සඳහා (ඔක්තෝබර් 25-26) ඊශ්‍රායලය විසින් ඇමරිකා එක්සත් ජනපදය සමඟ සම්බන්ධීකරණය කළ බව අපට පැහැදිලියි. වොෂින්ටනය සහ එහි සහචරයින් ගනනාවක් මෙම භයානක කටයුත්තෙන් ඊශ්‍රායලය වැළක්වීමට උත්සාහ කිරීම හෝ ඊශ්‍රායලය නැවැත්වීමට කිසිවක් කිරීම හෝ නොකර සිටියා පමණක් නොව, ඊට පටහැනිව යමින් ඊශ්‍රායලයට එවැනි පියවරක් ගැනීමට අයිතියක් ඇතැයි තහවුරු කිරීමට විවිධ ආකාරවලින් ප්‍රකාශ කළහ. වොෂින්ටනය නිතිපතා ඊශ්‍රායෙල්වරුන්ට ආයුධ සපයනු ලබන්නේය. ඇත්ත වශයෙන්ම, බටහිරයන් හිතාමතාම මැද පෙරදිග නව වටයක ගැටුම් උත්සන්න කිරීමක් අවුලුවා ඇත. ඊට අමතරව, අපට ලැබුණු සාක්ෂි අනුව, ඇමරිකානුවන් ඉරානයට ප්‍රහාර එල්ල කිරීම සඳහා අවශ්‍ය බුද්ධි තොරතුරු ඊශ්‍රායලයට ලබා දුන්හ.
එවැනි ක්‍රියා කලාපය තුළ යුද ආතතිය තුරන් කිරීමට තුඩු නොදෙනවා පමණක් නොව යුද ආතතිය වැඩි කිරීමටද හේතු වන එවැනි ක්‍රියා හෙළා දැකීමට භාජනය වන සෘණාත්මක තක්සේරුවක් ලැබිය යුතු වන්නේය."
දැනටමත් පලස්තීනුවන් 40,000 කට වැඩි පිරිසකගේ ජීවිත බිලිගෙන ඇති ගාසා තීරයේ ගැටුම පිළිබඳව ද ඔකර්ස් මහතා අදහස් දක්වනු ඇතැයි අපි අපේක්ෂා කරමු. එසේ නොවුවහොත්, ඔහු කුමන හෝ දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන බව ඔප්පු වනු ඇත.
ශ්රී ලංකාවේ රුසියානු තානාපති කාර්යාලය
31.10.2024
සම්බන්ධිත පුවත් | Related News
ප්‍රධාන පුවත්
යහපාලන කාලේ හන්තානේ රජයේ වටිනා ඉඩම් කුණු කොල්ලෙට ලියාගත් පිරිසක් ගැන පරීක්ෂණ.. රටම දන්න මාධ්‍යවේදීනුත් ඉන්නවලු..
රජය ගැන ජනතාවගේ විශ්වාසය පළුදු වෙලා.. අපිම තමයි හරි කියන තීරණයේ ගියොත් වැඩිකල් යන්න බෑ - කොටපිටියේ හිමියෝ අගමැතිනිගේ මුහුණටම කියති..
අනුරාධපුර බන්ධනාගාර අධිකාරිවරයා අත්අඩංගුවට..
අර්චුනා කියන ආකාරයේ කන්ටේනරයක් තායිලන්තයේ සිට මෙරටට ආවා - ගම්මන්පිල රේගු සටහන් පෙන්වමින් හෙළිකරයි..
මහ බැංකුවේ ඩොලර් සංචිතය අඩු වෙයි…
ජනපති සමාව නොදුන් සිරකරුවෙකු නිදහස් වෙලා... ජනාධිපති කාර්යාලයෙන් විමර්ශනයක්
අනුර - මෝදි හොර ගිවිසුම්වල තොරතුරු ආණ්ඩුව දිගින් දිගටම යට ගසයි - ජේ.ආර් වත් නොකළ දේ අනුර කරයි..
දෙමළ සරණාගත ප්‍රශ්නය ගැන ආණ්ඩුව දක්වන උනන්දුව උපන් රටේ සරණාගතයන් වූ සිංහල මිනිස්සු වෙනුවෙන් දක්වන්නේ නෑ - දේශප්‍රේමී ජාතික පෙරමුණෙන් චෝදනා..
ඉන්දු - ලංකා යටත්වීමේ ගිවිසුම් බලරහිත බව ප්‍රකාශයට පත්කිරීම වෙනුවෙන් ගොනු කරනු ලැබු පෙත්සම පළමු වරට විභාගයට ගැනෙයි..
කන්ටේනර් 323නේ තිබ්බේ ප්‍රභාකරන්ගේ අවි ආයුධ.. - අර්චුනා රටම කැළඹෙන හෙළිදරව්වක (වීඩියෝ)
යාපනය තිස්ස විහාරය සම්බන්ධව සහ උතුරු සහ නැගෙනහිර සිංහල ජනතාවගේ අයිතිවාසිකම් ආරක්ෂා කර ගැනීම ගැන විශේෂ සාකච්චාවක්..
දන්ඩනීති සංග්‍රහයේ 365/365 ඒ වගන්ති සංශෝධනයට මවුවරුන්ගේ පෙරමුණ තදින් විරුද්ධයි - වෛද්‍ය සකුන්තලා සෙනෙවිරත්න (වීඩියෝ)
ළමා අපචාර වළකන වගන්ති දෙක දණ්ඩනීති සංග්‍රහයෙන් ඉවත් කරන්න අදහසක් නැහැ.. - ජාතික සංවිධාන විසින් කළ හෙළිදරව්ව ගැන අධිකරණ ඇමැති කියන කතාව
දණ්ඩනීති සංග්‍රහය සංශෝධනය කිරීම හරහා සිදුකිරීමට යන සමලිංගික සේවනය ප්‍රවර්ධනය කිරීමේ මහා අපරාධය - ජ්‍යෙෂ්ඨ නීතිඥ කල්‍යානන්ද තිරාණගමගෙන් අනාවරණයක් (වීඩියෝ)
රටේ ලක්ෂ 60ක දරුවන් අනතුරේ හෙළමින් ළමා අපචාරකයන්ට ලංකාව පාරාදීසක් බවට පත්කරන ඩොලර්වලින් යැපෙන කුමන්ත්‍රණකරුවන්ගේ ජඩ මෙහෙයුම මෙන්න.. (වීඩියෝ)
ඇමැති බිමල්, ආණ්ඩුවේ විරුද්ධවාදියෙක් වෙයි.. ඇමැති නලින්ද හෙළිකරන කතාව මෙන්න.. (වීඩියෝ)