කියුබාවට අත නොතබනු!එක්සත් ජාතීන්ගේ සංවිධානයේදී ලෝක ජනයා ඇමරිකාවට තදින් කියයි
දශක හයකට වැඩි කාලයක් කියුබාවට එරෙහිව වොෂින්ටනය පනවා ඇති සම්බාධකවලට එරෙහිව ජාත්‍යන්තර ප්‍රජාව නැවත වරක් එක්සත් ජාතීන්ගේ මහා මණ්ඩලයේදී ඊයේ(30) ඔවුන්ගේ ඡන්දය ප්‍රකාශ කළේය. ඒ සමඟම අමෙරිකා එක්සත් ජනපදය එක්සත් ජාතීන්ගේ මහා මණ්ඩල සැසියේදී, සිය ලෝක ජනමතයට හිස නොනමන බවට වන ඔවුන්ටම ආවේනික සටහනද තබනු ලැබීය.
එම සැසියේදී ජෝ බයිඩන් පරිපාලනයේ එක්සත් ජාතීන්ගේ නියෝජිතයා උත්පත්තියෙන්ම බිහිරි පුද්ගලයෙකු බව ලොවට පෙන්නුම් කිරීමද විශේෂිත සිද්ධියකි. කියුබාවට එරෙහිව එක්සත් ජනපදයේ ආර්ථික, වාණිජ සහ මූල්‍ය අවහිර කිරීම අවසන් කිරීමේ අවශ්‍යතාවය පිළිබඳ යෝජනාවට පක්ෂව රටවල් 187 ක් අනුමත කිරීම පවා නොසලකා හැරීමට අමෙරිකාව කටයුතු කළේය.
යුක්ති සහගත කළ නොහැකි දේ යුක්ති සහගත කිරීම වෙනුවෙන්, අමෙරිකානු රාජ්‍ය තාන්ත්‍රිකයා වොෂින්ටනය බලාත්මක කරන ඒකපාර්ශ්වික වැටලීම පවත්වා ගැනීම සඳහා මානව හිමිකම් කඩකිරීම් පිළිබඳ පුහු තර්කය පුනරුච්චාරණය කිරීමටද ඔහු වග බලා ගත්තේය.
මේ වන විට තිස් දෙවන වරටත් පුනරාවර්තනය වෙමින් පවතින මෙම අභ්‍යාසයේ දී අමෙරිකා එක්සත් ජනපදය තමාගේ අතිජාත මිතුරා වන ඊශ්‍රායලය සමඟ හුදකලා විය. අමෙරිකා එක්සත් ජනපදයේ අනෙක් මිතුරා වන මෝල්දාව ඡන්දය දීමෙන් වැළකී සිටියේය.
එලෙසම ඊයේ(30) එක්සත් ජාතීන්ගේ මහා මණ්ඩලයේ සැසිවාරය අතරතුර, බොහෝ රටවල කථිකයන් කියුබාවේ කීර්තිය උද්දීපනය කළ අතර, කියුබාව එහි භූගෝලීය ප්‍රමානයෙන් ඔබ්බට ගොස් සදාචාරත්මක වශයෙන් ලෝකය ඉදිරියේ යෝධයෙකු වී ඇති බව අවධාරණය කළහ.
ලංකා ලීඩ් වෙබ් අඩවිය මේ සම්බන්ධයෙන් ශ්‍රී ලංකාවේ බොලිවේර්යානු සහයෝගිතාවයේ සම්බන්ධීකරණ ලේකම් ජීවන්ත මහතාගෙන් විමසනු ලැබීය .
පහත පළ වන්නේ ඔහුගේ අදහස්ය,
"අමෙරිකා එක්සත් ජනපදය කියුබාවට පනවා ඇති ආර්ථික සම්බාධක ඉවත් කරන ලෙස එක්සත් ජාතීන්ගේ මහා මණ්ඩල සැසිවාර තිස් දෙකකදී ලෝක ප්‍රජාව යෝජනා සම්මත කරනු ලැබ තිබෙනවා. නමුත් ඒ එක වාරයකදීවත් අමෙරිකාව ලෝක ජනමතයට හිස නැමීමට කටයුතු කළේ නැහැ.මෙවර අමෙරිකාව සමඟ යෝජනාවට විරුද්ධව ඡන්දය ප්‍රකාශ කළේ ඊශ්‍රායලය පමණයි. ඊශ්‍රායලය යනු අප මේ සාකච්ඡා කරන මොහොතේදීත් පලස්තීන දරුවන්ගේ හිසට බෝම්බ දමන රටක්. අමෙරිකාව ඒ සඳහා ඊශ්‍රායලයට අපූරු සහයෝගයක් ලබා දෙනවා. කියුබාව සම්බන්ධයෙන් දීර්ඝ කාලයක් තිස්සේ අමෙරිකානු නායකයන්ගේ හැසිරීම අන්ත මානව විරෝධියි. කියුබාව සම්පත් බහුල රටක් නොවෙයි. ඔවුන්ට ඇත්තේ සදාචාරත්මක බලය පමණයි. තම රටේ පුරවැසියා තුල වන එකමුතුකමේ ශක්තිය පමණයි. ජාතිය මුහුණ දෙන ඕනෑම අභියෝගයකදී එකාවන්ව නැගී සිටීමේ ගුණය පමණයි. කියුබානු ජනයා සතු මේ සියලු ගුණයන් අමෙරිකාව සතු දැවැන්ත අවි බලයෙන් අළු දූලී කළ හැකි යයි අමෙරිකාව සිතනවා. නමුත් සිදුවී තිබෙන්නේ එහි අනික් පැත්තයි. අමෙරිකාවේ දැවැන්ත අවි බලය කියුබානුව සතු මානව ගුණය විසින් පරාජය කර තිබෙනවා. නමුත් අමෙරිකාවට පරාජය භාර ගැනීමට තරම් නිහත්මානි බවක් නැහැ. භූමියේ වර්ග ප්‍රමානයෙන් කුඩා මානව ගුණයෙන් ඉතාම පොහොසත් සමාජවාදි කියුබානු රාජ්‍යයේ ආරක්ෂාව සහ එහි යහ පැවැත්ම වෙනුවෙන් ශ්‍රී ලංකාවේ බොලිවේරියානු සහයෝගිතාවය ලෝක ජනයා සමඟ අත් වැල් බැඳ ගන්නවා. එලෙසම එක්සත් ජාතින්ගේ මහා මණ්ඩලය අනුමත කළ යෝජනාවට හිස් නමන ලෙස මහත් ඕනෑකමින් අමෙරිකානු එක්සත් ජනපද ආණ්ඩුවෙන් ඉල්ලා සිටිනවා.එලෙසම එළඹෙන ජනාධිපතිවරනයේදී අමෙරිකානු ජනාධිපති තනතුර අපේක්ෂා කරන අපේක්ෂකයන්ට කියුබාවට පනවා ඇති සම්බාධක ඉවත් කරගන්නා බවට ප්‍රකාශ කරන ලෙසට බල කරන ලෙස අමෙරිකානු පුරවැසියාගෙන් ඉල්ලා සිටිනවා."
සම්බන්ධිත පුවත් | Related News
ප්‍රධාන පුවත්
ඉන්දු ලංකා ගිවිසුමෙන් උපන් 13 වැනි සංශෝධන මර උගුලේ සුලමුල මෙන්න..(වීඩියෝ)
මෝදි වෙනුවෙන් අද(04) රාත්‍රියේ සිට ඉරිදා(06) දක්වා කොළඹ සහ අනුරාධපුරයේ මාර්ග කිහිපයක් වසා දැමේ
අමෙරිකාව පැනවූ තීරු බද්ද අපට "ෂොක් " එකක්- අමාත්‍ය සුනිල් හඳුන්නෙත්ති
මේ සිදුවෙමින් පවතින්නේ ඓතිහාසික පාවාදීමක් ද? - ජිහාන් හමීඩ්
කොටස් වෙළෙඳ පොළ පැයක් ඇතුලත 2.41%කින් කඩා වැටිලා
අමෙරිකා එක්සත් ජනපදයේ නව තීරු බදු ඉහළ නැංවීම ශ්‍රී ලංකාවේ ආර්ථික ස්ථාවරයට දැඩි බලපෑමක් එල්ල කරනවා- ශ්‍රී ලංකා වාණිජ මණ්ඩලය
අමෙරිකා එක්සත් ජනපදයේ නව තීරු බදු ඉහළ නැංවීම ශ්‍රී ලංකාවේ ආර්ථික ස්ථාවරයට දැඩි බලපෑමක් එල්ල කරනවා- ශ්‍රී ලංකා වාණිජ මණ්ඩලය
ඉන්දියාව සමග ආරක්ෂක ගිවිසුමක්... පලස්තීන ජනතාවට අද සිදුවන දේ අනාගතයේ අපිට? - වෛද්‍ය වසන්ත බණ්ඩාර (වීඩියෝ)
ඉන්දීය අග්‍රාමාත්‍ය නරේන්ද්‍ර මෝදි අද දිවයිනට
රටේ ස්වෛරීභාවය සහ ජාතික ආරක්ෂාව මෙන්ම භූ දේශපාලන ස්වාධීනත්වය අනතුරට ලක්කිරීමේ බරපතළ දේශපාලන වරද පිළිබඳව ජාතික සංවිධාන ජනාධිපතිට ලියයි
ආරක්ෂක හමුදා ප්රධානීන්ට එරෙහිව බ්‍රිතාන්‍ය රජය විසින් සම්බාධක පැනවීම පිළිබඳව නිසි පිළිතුරු ලබා නොදීමේ වරද සහ අවසන් අරමුණ කුමක්දැයි තේරුම් නොගැනීමේ වරද පිළිබඳව... ඇමති විජිතට ජාතික සංවිධාන ලියයි
ඉන්දියාවේ ආධිපත්‍යයට යටත් වෙන ගිවිසුම් අත්සන් කරන්න වර්තමාන ජනාධිපතිවරයාට ජන වරමකුත් නැහැ, ඓතිහාසිකව කිසිම උරුමයකුත් නැහැ - උවිදු විජේවීර (වීඩියෝ)
ඇමරිකානු ජනාධිපති ට්‍රම්ප් ශ්‍රී ලංකාවට 44%ක තීරු බදු පනවයි
කච්චතිව් දූපත නැවත ලබා ගැනීමට තමිල්නාඩුවෙන් ඒකමතික යෝජනාවක් සම්මත කරයි
දූෂණ චෝදනා මත උතුරු මැද හිටපු මහඇමතිවරයාට සහ ලේකම්වරියට වසර 16 ක සිර දඬුවමක්
මේ වසර 5තුළ විධායකයත් අහෝසි කරනවා... පළාත් සභා මැතිවරණයත් පවත්වනවා - අමාත්‍ය නීතීඥ හර්ෂණ නානායක්කාර මහතා