නෝර්වේ රාජ්‍ය සමාජ මාධ්‍යවලට අවතීර්ණ විය හැකි වයස් සීමාව ඉහළ දමයි

Oct 26, 2024 at 06:28 PM

|

Lanka Leader

සමාජ මාධ්‍ය භාවිතය සඳහා අනුමත වයස් සීමාව අවුරුදු 13 සිට 15 දක්වා වැඩි කිරීමට සහ තරුණ පරිශීලකයින්ට අන්තර්ජාල ක්‍රියාකාරකම්වලින් සිදුවන බලපෑම සම්බන්ධයෙන් ඇතිවී තිබෙන කනස්සල්ලට විසඳුම් සෙවීමට දැඩි පාලනයන් හඳුන්වා දීමට නෝර්වේ රජය සැලසුම් කර තිබේ.

නෝර්වීජියානු අගමැති Jonas Gahr Store ට අනුව, "කුඩා දරුවන්ගේ මොළය විනාශ කරන" තාක්ෂණික දැවැන්තයන්ගේ සමාජ මාධ්‍ය වේදිකා වලට එරෙහිව ස්කැන්ඩිනේවියානු රටක් වන නෝර්වේ රාජ්‍යය සිය ව්‍යාපාරය තීව්‍ර කර ඇත. නව නීති මගින් NetFlix වැනි තාක්ෂණික සමාගම් සහ අනෙකුත් එවැනි ආයතන වයස අවුරුදු 15 ට අඩු බාල වයස්කරුවන්ගෙන් පුද්ගලික දත්ත රැස් කිරීම වළක්වනු ඇත.

මෙම පියවර "ඇල්ගොරිතමවල බලය යොදවා කරන අන්‍රථකාරි වැඩ වලින්" ළමයින් ආරක්ෂා කිරීමට උත්සාහ කරන බව ප්‍රාදේශීය පුවත් ආයතනයක් වන VG පුවත් පත පවසයි.

රාජ්‍ය මාධ්‍ය අධිකාරියට අනුව, නෝර්වේහි සමාජ මාධ්‍ය භාවිතය සඳහා දැනට පවතින අවම වයස් සීමාව අවුරුදු 13ක් වන නමුත්, මෙම සීමාව නොතකා, රටේ නව හැවිරිදි ළමුන්ගෙන් අඩකට වඩා සමාජ මාධ්‍ය භාවිත කරනු ලබන බව හෙළිවී තිබේ.

“එය තරමක් ප්‍රබල සංඥාවක් යවයි. සමාජ මාධ්‍යවල හානිකර අන්තර්ගතයන්ගෙන් ළමයින් ආරක්ෂා කළ යුතුය, ”අගමැති Jonas Gahr Store 23 වනදා VG පුවත් පත වෙත පැවසීය.

"මෙය උස් සටනක් බව අපි දන්නවා. මන්ද මෙහි ප්‍රබල බලවේග තිබෙනවා. නමුත් දේශපාලනයට අවශ්‍ය වන්නේ ද එයයි."

හානිකර වෙබ් අඩවි අන්තර්ගතයන්ගෙන් ළමයින් ආරක්ෂා කිරීමේ අරමුණින් පුද්ගලික දත්ත පනත සංශෝධනය කිරීම සහ සමාජ මාධ්‍ය වේදිකා සඳහා වයස් සත්‍යාපනය කිරීමේ ක්‍රමයක් ක්‍රියාත්මක කිරීමටද මෙම මුලපිරීමට ඇතුළත් වේ.

සමාජ මාධ්‍ය මගින් හුදකලා වූ දරුවන්ට ප්‍රජාව පිළිබඳ හැඟීමක් ලබා දිය හැකි බව පිළිගන්නා අතරම, එය “සමාජ මාධ්‍ය කර්මාන්තය විසින් අනිසි ලෙස භාවිතා කරන” බව පැවසූ අගමැතිවරයා භාෂණයේ නිදහස  මත කෙරෙන ඇල්ගොරිතමවල ආධිපත්‍යයට එරෙහිව අනතුරු ඇඟවීය.

"එය ළමයින්ට හුදකළා මනසක් ඇතිවීම සහ සමාජයෙන් ඉවත්ව සිටීමට හේතු විය හැක, මන්ද සෑම දෙයක්ම තිරය මත ඉක්මනින් ප්‍රදර්ශනය වෙනවා." අගමැති Jonas Gahr Store පැවසීය.

පවුල් අමාත්‍ය ඛ්ජෙර්ස්ටි ඨොප්පෙ මහතා පැවසුවේ මෙම පියවර දෙමාපියන්ට උපකාර කිරීම අරමුණු කරගත් බවයි.

“තාක්ෂණයේ දැවැන්තයන් සමඟ කරන සටනක දී දෙමාපියන්ට තනිව සිටිය නොහැකියි. අපි දැඩි නීති සම්පාදනය කිරීම ගැන සලකා බලන්නේ ඒ නිසයි. බොහෝ දෙමාපියන්ට මෙය අවශ්‍ය නමුත් එය කළ නොහැකි යැයි හැඟේ.

ප්‍රංශය, එක්සත් ජනපදය සහ ඕස්ට්‍රේලියාව ඇතුළු රටවල් කිහිපයක් ද ජංගම දුරකතනයේ හෝ වෙනත් විද්‍යුත් උපාංග වල තිරයට ඇබ්බැහි වීම අඩු කිරීමට සහ බාලවයස්කරුවන් නුසුදුසු අන්තර්ගතයට ප්‍රවේශ වීමෙන් ආරක්ෂා කිරීමට රෙගුලාසි හඳුන්වා දෙමින් සිටින බැවින් මෙම පියවර ගෙන තිබෙනවා."

මෙම වසර මුලදී ප්‍රංශයේ පාසල් 200ක් “ඩිජිටල් විවේකයක්” පරීක්‍ෂා කිරීමට පටන් ගත් අතර එය වයස අවුරුදු 15 දක්වා සිසුන්ට පාසල් වේලාවේදී ස්මාර්ට් ෆෝන් භාවිතා කිරීම වළක්වයනු ලැබීය.

රුසියාවේ, සෞඛ්‍යයට හෝ ජීවිතයට අවදානමක් ඇති හදිසි අවස්ථා හැර, පාසල්වල සිසුන්ට ඔවුන්ගේ ජංගම දුරකථන භාවිතා කිරීම තහනම් කරමින් සැප්තැම්බර් මාසයේදී සමාන සීමාවන් ක්‍රියාත්මක කළේය.