ආරුගම්බේ සිදුවීම ප්‍රතිනිර්මාණයක් ද?... සිදුවීමට කළින්ම චිත්‍රපට, වීඩියෝ කරළියට ඇවිත්?

Oct 25, 2024 at 09:51 AM

|

Lanka Leader

ආරුගම්බේ ප්‍රදේශයේ රැඳීසිටින ඊශ්‍රායල ජාතිකයන් ඉලක්ක කර ප්‍රහාරයක් එල්ලකිරීමේ සැලසුමක් ඇතැයි අමෙරිකානු සහ ඉන්දීය බුද්ධි අංශ පසුගිය දිනක මෙරට ආරක්ෂක අංශ දැනුම්ත් කර තිබිණි.

මෙරට සිටින ඊශ්‍රායල ජාතිකයින් ඉල්ලක්ක කර මෙම ප්‍රහාරයක් එල්ල කිරීමට සැලසුම් කර තිබූ බවයි අරක්ෂක අංශ හෙළි කළේ.‍

අම්පාර දිස්ත්‍රික්කයේ පොතුවිල් ආසන්නයේ පිහිටි ආරුගම්බේ, සර්ෆින් ක්‍රීඩාවට ප්‍රචලිත සංචාරකයන් බහුලව පැමිණෙන ලොව ආකර්ෂණීයම සංචාරක කලාපයක් වන අතර, එම ප්‍රදේශය ඊශ්‍රායල ජාතිකයන් ද වැඩි වශයෙන් ගැවසෙන කලාපයකි.

එවන් පසුබිමක අදාළ ප්‍රහාරය ඔක්තෝබර් 19ත් 23ත් අතර කාලය තුළදී එල්ලවිය හැකි බවටයි ඉන්දීය බුද්ධි අංශ දැනුම්දී තිබුනේ.

එම තොරතුරුවලින් අනාවරණ කර ඇත්තේ හිස්බුල්ලා සංවිධානයේ නායකයන් පසුගිය දිනවල ඊශ්‍රායාලය මඟින් ඝාතනය කිරීම හේතුවෙන් ඊට පළිගැනීමක් ලෙස මෙම ප්‍රහාරය මෙරට තුළ දියත් කිරීමට සැලසුම් කර ඇති බවය.

කෙසේ වුවද, ඊශ්‍රායලය හිතවාදී කණ්ඩායමක් විසින්  2015 වසරේ මෙරට මඩකලපුව ප්‍රදේශයේ සංවිධානය කළ පෙළපාලියක් දැක්වෙන වීඩියෝවක් සහ 2023 වසරේ නිෂ්පාදනය කළ Arugam Bay නම් චිත්‍රපටයක වීඩියෝවක් පිළිබඳව මෙහිදී අවධානය යොමුවිය යුතු බව අප විශ්වාස කරමු.

මෙම චිත්‍රපටයේ කතා තේමාව සහ අදාල සිදුවීම සිදුවන ස්ථාන ලෙස 'ආරුගම්බේ' මුහුදු කලාපය වෙන්කර තිබීම අහම්බෙන් සිදුවූ දෙයක් ලෙස සිතීමට නොහැකි වන්නේ චිත්‍රපටයේ කතාවද බොහෝ සෙයින් මෙම සිදුවීමත් සමග සමපාත වන හෙයිනි.

දැනට දින කිහිපයකට පෙර ආරුගම්බේ ප්‍රදේශයේ ඊශ්‍රායල ජාතිකයන් ඉලක්ක කර ප්‍රහාරයක් එල්ල කිරීමේ සැලසුම හෙළිදරව් වීම සහ 2023 වසරේ අරුගම්බේ නමින්ම විදෙස් චිත්‍රපටයක් නිෂ්පාදනය වීම  අහම්බයකින් සිදුවූවක් ද එසේත් නොමැති නම් මෙය එක්තරා සූක්ෂම මෙහෙයුමක් දැයි මෙහිදී ප්‍රශ්නාර්ථයක් මතුවෙයි.

එමෙන්ම මෙහි දක්වා ඇති අනෙක් වීඩියෝවේ දැක්වෙන්නේ 2015 වසරේ දී මෙරට මඩකලපුව ප්‍රදේශයේ දී 'ඊශ්‍රායලය තනි නොවේ" යන්න  තේමා කරගනිමින් පැවැත්වූ පෙළපාලියකි. එය ආගමික මතවාද මත පදනම්ව පැවැත් වූ පෙළපාලියක් බව සදහන් වන අතර, එහි අරමුණ ඊශ්‍රායලයේ අනාගත වැඩපිළිවෙල සමග යම් සබඳතාවක් පෙන්වන බව මෙම වීඩියෝව තුළින් දැකගත හැකිය.

ප්‍රකට දාර්ශනික රුසියානු ජාතික Aleksandr Dugin පවා සඳහන් කරන ආකාරයට අනාගත සැලසුමක් ඇතිව ලෝකයේ සිදුවන බොහෝ සිදුවීම්වල පෙර ජවනිකා  ඉතා සූක්ෂම අයුරින් ප්‍රකට වන බවත්, පසුව එය ප්‍රතිනිර්මාණය කිරීම සිදුවන බවත් මෙම සිදුවීම් මගින් පැහැදිලි වන බවයි අපගේ විශ්වාසය.

ඊශ්‍රායලය විසින් අනාගතයේ දී ලෝකය තුළ සිදුකිරීමට යන පරිවර්තනය කෙබඳු දැයි තවමත් නිශ්චිතව පැවසීමට නොහැකි වුවද, මෙවැනි සිදුවීම් පිටුපස ඊශ්‍රායල මෙහෙයුමේ අංකොන් තිබිය නොහැකි දැයි ප්‍රශ්නාර්ථයක් මතුවන්නේ මෙම සිදුවීම්වල යම් යම් ජවනිකා මීට පෙර කලඑළි බැස තිබීම හා ඒවා සාක්ෂි සැපයීම නිසා නොවේද?

වීඩියෝ පහළින්...