ඊශ්‍රායල හමුදා ගුවන් යානා ඊයේ(03) රාත්‍රියේ බේරූට් නගරයට තදාසන්න ප්‍රදේශයක පිහිටි ස්ථානයකට බෝම්බ ප්‍රහාරයක් එල්ල කර ඇති බව වාර්තා වේ. හිස්බුල්ලා සංවිධානයේ ඝාතනයට ලක්වූ නායක හසන් නස්රල්ලාගේ අනුප්‍රාප්තිකයා මෙම බංකරය තුළ සැඟව සිට ඇති බව ‍ය්නෙට් පුවත් සේවය පැවසීය.

"ඊයේ(03) රාත්‍රියේ ඊශ්‍රායල ගුවන් හමුදා ගුවන් යානා ටොන් 73 ක බෝම්බ ප්‍රමාණයක් හිස්බුල්ලාගේ 'ප්‍රධාන බුද්ධි විධානය' ලෙස හඳුනාගෙන ඪහියෙහ් ප්‍රදේශයේ බංකරයකට හෙළන ලදී. හසන් නස්රල්ලාගේ අනුප්‍රාප්තිකයා වීමට නියමිතව සිටි හෂෙම් සෆිදීන් නැමැත්තා සංවිධානයේ අනෙකුත් ඉහළ පෙළේ සාමාජිකයින් සමඟ බංකර සංකීර්ණයට පැමිණ සිටි බව විශ්වාස කෙරේ.” පුවත් පත පැවසීය.පුවත් සේවයට අනුව ප්‍රහාරයේ ප්‍රතිඵලය තවමත් අනාවරණය වී නැත.

(හෂෙම් සෆිදීන්)

ඊශ්‍රායල හමුදාව මේ වන විට  උතුරු ඇරෝස් නමින් ප්‍රහාරක මෙහෙයුමක් ලෙබනනයේ ක්‍රියාත්මක කරමින් සිටියි. එලෙසම ඊශ්‍රායල ගුවන් හමුදාව රටේ විවිධ ප්‍රදේශ හරහා හිස්බුල්ලා ඉලක්ක වෙත දැඩි ප්‍රහාර දියත් කරමින් සිටියි. සැප්තැම්බර් 27 වන දින බේරූට් හි ගුවන් ප්‍රහාර කිහිපයක ප්‍රතිඵලයක් ලෙස, හිස්බුල්ල සංවිධානයේ මහලේකම් හසන් නස්රල්ලා ඇතුළු ඉහළ පෙළේ හිස්බුල්ලා අණදෙන නිලධාරීන් ඝාතනය කරන ලද්දේය.මේ අතර දකුණු ලෙබනනයේ ගොඩබිම් මෙහෙයුමක් ද ඔක්තෝබර් 1 වැනිදා ආරම්භ විය.

ප්‍රාදේශීය මාධ්‍යවලට අනුව, ලෙබනන් සෞඛ්‍ය අමාත්‍ය ෆිරාස් අබියාඩ් උපුටා දක්වමින්, ඔක්තෝබර් 3 වන විට, ප්‍රහාර වලට ගොදුරු වූවන්ගේ මුළු සංඛ්‍යාව 1,974 දක්වා ළඟා වී තිබේ.

හිස්බුල්ලා ඉලක්ක දහස් ගණනකට පහර දුන් බව ඊශ්‍රායල හමුදාව වාර්තා කර ඇත. 2006සිදුවූ දෙවන ලෙබනන් යුද්ධයෙන් පසුව ඊශ්‍රායල ප්‍රහාරවල තීව්‍රතාවය මෙතරම් ඉහළ ප්‍රමානයකින් දක්නට නොලැබුණු බව යුද නිරීක්ෂකයින් පවසයි.

Israeli Airstrike Targets Hezbollah Bunker With 73 Tons of Bombs