බීජ සඟවා බීජ මිල ඉහළ දැමිමේ කුමන්ත්රණයක් ක්රියාත්මකයි... - ජාතික ගොවිජන එකමුතුවේ සභාපති අනුරාධ තෙන්නකෝන්ගෙන් අනාවරණයක්
පහුගිය කෘෂිකර්ම ඇමතිවරුන්ට හා ඇතැම් ඉහළ නිලධාරින්ට සම්බන්ධ බීජ කොම්පැනි විසින් හිඟයක් මවාපාමින් හිතුමතේ බීජ මිල ඉහළ දැමීමේ කුමන්ත්රණයක් පවතින බව ජාතික ගොවිජන එකමුතුවේ සභාපති අනුරාධ තෙන්නකෝන් මහතා පවසයි.
මේ වන විට මාස්කන්නය ආරම්භ කර ඇති බවත්, එහෙත් තවමත් කන්න රැස්වීම් පවත්වා නැති බව හා ඇමතිවරුන්, ජනාධිපතිවරුන් පත්වන තෙක් බලාසිටිය යුතු නැති බවත් කෘෂිකර්මයට සම්බන්ධ වගකිව යුතු ආයතන හා බලධාරීන්මේ සම්බන්ධව කටයුතු කළ යුතු බවත් ඒ මහතා සඳහන් කරයි.
එමෙන්ම මේ මාස් කන්නයේ පවතින ලොකුම අර්බුදය බීජ හිඟය බවද, මෙය බරපතල කුමන්ත්රණයක් බව ද අනුරාධ තෙන්නකෝන් මහතා පිටකෝට්ටේ ගොවිගෙදර මූලස්ථානයේ පැවති මාධ්ය සාකච්ජාවේදි අදහස් පල කරමින් කියා සිටියේය.
එහිදී තවදුරටත් අදහස් දැක්වූ ඒ මහතා,
"පළමුව අපි අභිනවයෙන් පත්වෙච්ච ජනාධිපතිවරයාට ජනතාව වෙනුවෙන් සුභ පතන අතර කෘෂිකර්ම ඇමතිවරයකු රටේ ජනාධිපතිවරයා වීම පිළිබඳව ගොවි ජනතාව විදිහට අපි සතුටු වෙනවා.
ගොවි ජනතාවට සංවේදී වී මේ රට කෘෂිකර්මාන්තයේ නියැලෙන ගොවි ජනතාවත් වී වගාව ඇතුළු කෘෂිකර්මාන්තයත් යහපත් දිසාවකට ගොඩනංවාලීම මේ ආණ්ඩුවේ වගකීමයි. ඒ වගේම අපි හැමදාමත් අලුතෙන් කෘෂිකර්ම ඇමතිවරු පත්වෙනකොට අලුත් නිලධාරීන් පත් වෙනකොට ඔවුන් සමග අපි සාකච්ඡා කළා මේ ප්රශ්න පිළිබඳව දිගින් දිගටම හැබැයි කියන්න කණගාටුයි පත්වෙච්ච කිසිදු ඇමතිවරයෙක් හෝ බලධාරියෙක් මේ රටේ කෘෂිකර්මාන්තය ගොඩ නංවලා ගොවි ජනතාවගේ ජීවන තත්ත්වය උසස් මට්ටමට ගෙනල්ලා පාරිභෝගිකයාත් ආරක්ෂා කරගෙන කෘෂි ව්යවසායකත්ව වෙළඳුනුත් ආරක්ෂා කරගෙන මේ රටේ ආහාර සුරක්ෂිතතාවය ගොඩනඟන්න ප්රමුඛ දායකත්වයක් දුන්නේ නෑ
ඒ වගේම ඔවුන් කරේ කෘෂිකර්මය යෙදවුම් සහ මෙවලම් ගෙන්නන බීජ ගෙන්වන මහා පරිමාණ සමාගම්වලින් අත යට කොමිස් අරගෙන ඔවුන්ගේ මඩිය තරගත්ත එකයි .
එනිසා පහුගිය කාලේ කෘෂිකර්ම ක්ෂේත්රයේ වෙච්ච අයතා සම්බන්ධයෙන් දූෂණ හා වංචා සම්බන්ධයෙන් විධිමත් පරීක්ෂණයක් කර අදාළ වගකිවයුත්තන්ට දඬුවම් දී රටට අහිමි වෙච්ච මුදල් යළි පවරා ගත යුතුයි.
විශේෂයෙන්ම අපි පහුගිය කාලේ හිටපු කෘෂිකර්ම ඇමතිවරයාට එරෙහිව රහස් පොලිසියේ පැමිණිල්ලක් කරා රුපියල් බිලියන 16.9 ක ය කාබනික පොහොර වංචා මගඩියක් සම්බන්ධයෙන් . මේ පිළිබඳව පැමිණිල්ල බාරගත්තෙවත් නෑ.
ඒ වගේම පහුගිය කාලේ මහා ආන්දෝලනාත්මක සිද්ධියක් වෙච්ච චීන පොහොර ගනුදෙනුව පිළිබඳව මම පැය හතරක් අල්ලස් දූෂණ කොමිෂන් සභාවේ සාක්ෂි දුන්නා හිටපු කෘෂිකර්ම ඇමති මහින්දානන්ද අලුත්ගමගේ ඇතුළු එවකට හිටපු කෘෂිකර්ම රාජ්ය ඇමතිලා හා ඉහල නිලධාරින් වගකිව යුතුයි. මේ චීන පොර ගනුදෙනු නිසා රටට අහිමි වෙච්ච පාඩුව ඩොලර් මිලියන 6.9 ක් . ඒ සම්බන්ධව අදටත් වෙච්ච දෙයක් නෑ අවසානයේ පොහොරත් නෑ රටට සල්ලිත් නෑ මේ පිළිබඳව වගකිවයුතු සියලු දෙනාගේ තරාතිරම නොබලා විධිමත් පරීක්ෂණයක් කර රටට අහිමි වෙච්ච ධනස්කන්ධය යළි ඔවුන්ගෙන් පවරා ගත යුතුයි.
.දැන් මේ මාස් කන්නය ආරම්භ වෙලා තියෙන්නේ. මේ රටේ වී වගාව කරන ගොවි ජනතා ප්රමාණය සමස්ත ජනගහනයෙන් සීයට විස්සක්. ඒ වගේම අනෙකුත් කෘෂිකර්ම කටයුතුවල සෘජුව හා වක්රව නියැලෙන ප්රමාණය සමස්ත ජනගහනයෙන් 67 % ක්.හැබැයි අද ගොවි ජනතාවගේ ජීවන තත්ත්වය මුළුමනින්ම කඩා වැටිලා. අස්වනු කාලෙට ගොවියාට අස්වනු ටික නිසි මිලට විකුණා ගන්න විදිහක් නෑ. කන්නෙ පටන් ගන්නකොට කලට වෙලාවට පොහොර ටික නෑ. අපේ රටේ බීජ ටික දැන් ඇත්තටම නැතිවෙලා අදාල බලධාරීන් මේ සියලු දේවල් සපයන්නේ කොම්පැනිවල අත යටින් ලැබෙන වරප්රසාද වරදාන ප්රමාණයන් අනුව.
ඒ නිසා අලුත් කෘෂිකර්ම ඇමැතිවරයා වෙච්ච ඒ වගේම අලුත් ජනාධිපතිවරයාගේ වගකීම පහුගිය කාලය පුරා කෘෂිකර්ම ක්ෂේත්රයේ ඇතිවෙච්ච ඇති කරපු මහා පරිමාණ දූෂණ වංචාවන් සම්බන්ධයෙන් අදාල බලධාරීන්ට දඬුවම් කිරීම.
මේ මස් කන්නේ ගොවියාට අවශ්ය බීජ හිඟයක් මවා පාමින් බීජ මිල සීඝ්රව ඉහළ යනවා. සමහර කෘෂිකර්ම ඇතිවරුන්ට නියමින් හෝ අනියමින් සම්බන්ධ සමාගම් මේ කුමන්ත්රණය දියත් කරලා තියෙන්නේ දැන්.අද වන විට රුපියල් 13000ට 14000 ට තිබ්බ බඩ ඉරිගු බීජ කිලෝ එකක් රු 17500/= යි .වට්ටක්කා බීජ ඇත්තෙම නැහැ.අපේ රටේ වට්ටක්කා බීජ වල ඉඳන් වැටකුළු කැකිරි ඇතුළු හැම බීජ වර්ගයක්ම ගෙන්වන්නේ පිටරටින්.
මේක බීජ මාෆියාවක් පවත්වාගෙන යනවා මේකට ඇතැම් හිටපු කෘෂිකර් නමැතිවරු සම්බන්ධයි ඒ වගේම ඉහල කෘෂිකර්ම අමාත්යාංශයේ හිටපු සමහරක් ඉහළ නිලධාරීන් සම්බන්ධයි මේ පිළිබඳව වහාම පරීක්ෂණ කළ යුතුයි.
ගොවියාට අවශ්ය බීජ ටික ගුණාත්මක හා නිසි සාධාරණ මිලට ලබාදිය යුතුයි. හිටපු කෘෂිකර්ම ඇමති කෙනෙක්ගේ සහොදරයෙක් බීජ ගෙන්වන සමාගමක් තියෙනවා පහුගිය කාලේ මොණරාගල පැත්තේ පැණි කොමඩු බීජ පැළ උන්නේ නෑ. ඒ ආයතනය තමයි බීජ ගෙන්නලා විකුණුවේ.
ඒ වගේම මෙවර ජනාධිපතිවරණයේදී රනිල් වික්රමසිංහගේ ජනාධිපතිවරණ රැස්වීම තිබූ අනුරාධපුරයේදී බඩ ඉරිඟු වගා කරන ගොවීන් රැස්වීමට ගෙන්න ගත්තේ බඩ ඉරිඟු බීජ දෙන්නේ රැස්වීමට එන අයට විතරයි කියලා අනුරාධපැත්තේ හිටපු කෘෂිකර්ම ඇමතිවරයෙක් කිව්වා.
ඔය හිටපු කෘෂිකර්ම ඇමතිවරු එකතුවෙලා තමන්ගේ පාක්ෂිකයන්ට බඩු බෙදුවා බීජි දුන්නේ තමන්ගේ පාක්ෂිකයන්ට. එනිසා බරපතල ප්රශ්නයක් තියෙනවා මේ රටේ කෘෂිකර්මාන්තය කඩාවට්ටන්න දායක වුණේ ඒ වගේම මේ රටේ ගොවි ජනතාවගේ ජීවන තත්ත්වය කඩාවැටන්න දායක වුණේ මේ හිටපු කෘෂිකර්ම ඇමැතිවරු හා ඇතැම් ඉහළ නිලධාරීන් හා බලධාරීන්.
නව ජනාධිපතිවරයා බලය ඉල්ලුවේ 76 වසරක කඩා වැටිච්ච රට 76 වසරක සාපය නිමා කරලා රට හදන නිවැරදි දිසානතියකට අරන් යන්න.ඒ වගේම තමයි ඔහු දිනවන්න ඡන්දය පාවිච්චි කරපු මේ රටේ සමස්ත බහුතරය ගොවිජනතාව. ඒ නිසා මේ එළඹෙන මස් කන්නේ ගොවි ජනතාවට තියෙන ප්රශ්න ටික නිවැරදිව හඳුනාගෙන ඒවාට ඉක්මන් විසඳුම් වුණේ කලට වෙලාවට පොහොර ටික අවශ්ය බීජ ටික ඒ වගේම කෘෂි යෙදවුම් හා උපකරණ වල බද්ධ ඉවත් කරලා කෘෂි නිෂ්පාදනය සඳහා යන නිෂ්පාදන පිරිවැය අවම කරන්න අවශ්ය කටයුතු කළ යුතුයි.
මේ රටේ කෘෂි නිෂ්පාදන ආර්ථිකය ගොඩනගන්න කෘෂි නිෂ්පාදන ක්ෂේත්රයේ ගැටලු හඳුනාගත යුතුයි.
අපි දන්න විදිහට කෘෂි ආර්ථික සංගණනයක් අවුරුදු තිස්පහකින් විතර කරල නෑ .එදිනෙදා අවශ්ය පරිභෝජන භාණ්ඩ පිළිබඳව විශේෂයෙන්ම එළවළු අවශ්යතාවයන් පිළිබඳව සංඛ්යාත්මක දත්ත නෑ. මේ රටේ කෘෂි නිෂ්පාදනයෙන් සියයට තිහකට ප්රමාණයක් වන සත්ව හානිය නිසා විනාශ වෙනවා ඒ වගේ අස්වනු විකුණාගත නොහැකිව හා ආර්ථික මධ්යස්ථානවලින් විනාශ වෙන එළවළු හා පළතුරු ප්රමාණය දෛනිකව ටොන් 30කට ආසන්නයි.එය සමස්ත නිෂ්පාදනයෙන් සියයට දහයකට ආසන්න ප්රමාණයක්.
ඒ වගේම අපේ රටේ පවතින කාලගුණික හා දේශගුණය විපර්යාසයන් හේතුවෙන් මියගිය වේවා වර්ෂාව නිසා වේවා සිදුවනු හානිය අටකට ආසන්නයි. මෙය සමස්තයක් විදිහට මේ රටේ කෘෂි නිෂ්පාදනයෙන් සියයට පනහකට ආසන්න ප්රමාණයක් නාස්ති වෙනවා. බරපතල ප්රශ්නයක් මේ සම්බන්ධව පහුගිය කාලයේ හිටපු කිසිදු ඇමතිවරයකුට හෝ ආණ්ඩුවකට හෝ රාජ්ය බලධාරියෙකුට ඇත්ත වුවමනාවක් තිබ්බෙත් නෑ එහෙම වැඩපිලිවෙලක් තිබ්බෙත් නෑ..
හැබැයි බීලූණු අස්වනු නෙලන කාලෙට බීලු පිටරටින් ගෙන්වන්න අල අස්වනු නෙලන කාලෙට අල පිටරටින් ගෙන්වන්න මේ අයට වැඩපිළිවෙළක් තිබුණා.
බිත්තර ප්රශ්නය හොඳටම සාක්ෂියක්. අද මේ රටේ කුඩා හා මධ්යම පරිමාණ බිත්තර නිෂ්පාදකයා නන්නත්තාර වෙලා. අපිට දැනගන්න තියෙන තොරතුරු අනුව එක ආනයනික බිත්තරයකින් තියෙන අත යට ගනුදෙනු රුපියල් 7.50 ආසන්න ප්රමාණයක්. ඒ වගේ පිටරටින් ගෙන්වන හැම ආහාර ද්රව්යකින්ම අත යට ගනුදෙනු තියෙනවා . මේ රටේ කෘෂිකර්මාන්තය කඩා වැටීමට මේ රටේ ගොවි ජනතාවගේ ජීවන තත්ත්වය කඩාවැටීමට එදා මෙදා තුර බලයට ආපු ආණ්ඩු ඒ වගේ මේ ආණ්ඩුවට හිටපු කෘෂිකර්ම ඇමතිවරු කෘෂිකර්ම ක්ෂේත්රයට සම්බන්ධ ඇතැම් ඉහළ නිලධාරීන් වගකිවයුතුමයි.
.ඒ පිළිබඳව සොයා බලා විධිමත් පරීක්ෂණ කරන්න ඕන. ඒ වගේම පහුගිය කාලේ මේ රටේ කෘෂිකර්මාන්තය නගා සිටීම සඳහා ලැබිච්ච විදෙස් ආධාර ප්රමාණය ඩොලර් මිලියන 750 කට ආසන්නයි. ඒ සම්බන්ධ විධිමත් ක්රමවේදයකට සොයා බැලිය යුතුයි.
අදාල ව්යාපෘති සම්බන්ධයෙන් පරීක්ෂා කිරීම සඳහා කටයුතු කළ යුතුයි. මේ අලුතෙන් පත්වෙච්ච ජනාධිපතිවරයාට වගේම කෘෂිකර් ඇමැතිවරයාට තියෙන බරපතල අභියෝගයක්.
මේ රටේ ඡන්දය දුන්න හැම කෙනෙක්ම බලාපොරොත්තු උනේ ඉක්මන් විසඳුම් ටිකක්. කළ හැකි ටිකක් විශේෂයෙන්ම ගොවි ජනතාවගේ . එළඹෙන මාස්කන්නේ ඒ කියන්නේ මේ මාස් කන්නේ විසඳුම් දෙන්න ඕනේ පුළු පුළුවන් විදිහට. ඒ පිළිබඳව ගොවිජනතා වගේම අපි බලන් ඉන්නවා."
මාධ්යවේදීන් අසන ලද ප්රශ්න සහ ඒවාට ලබාදුන් පිළිතුරු පහළින්,
පහුගිය කෘෂිකර්ම ඇමැතිවරුන් හා බලධාරීන් මේ අයථා ගනුදෙනු හා බීජ මාෆියාවට සම්බන්ධ වන්නේ කොහොමද? ඒ ඇයි ..?
අනිවාර්යයෙන්ම සෘජුව හා වක්රව සම්බන්ධයි . ඊට එරෙහිව අපි ඒවා හෙළිදරව් කරනකොට අපිට මිලියන 1000 - 500 වැනි විශාල වන්දි ඉල්ලලා එන්තරවාසි එව්වා . පරීක්ෂණ යටපත් කරා විතරක් නෙවේ අපරාධ පරික්ෂණ දෙපාර්තමේන්තු ට පැමිණිලි දාපුවාම ඒ පිලිබදව හැරෙන තැපෑලෙන් උත්තර එනවා ඒවා පරීක්ෂණ කරන්න අපරාධ පරික්ෂණ දෙපාර්තමේන්තු වට බලයක් නෑලු කියලා. ඔන්න ඔහොමයි පහුගිය කාලේ ආණ්ඩු හා කෘෂිකර්ම ඇමතිවරු කටයුතු කලේ.
ඇතැම් හිටපු ඉහල නිලධාරින් බීජ කොම්පැනි වල පොහොර සමාගම් වල නිල නොලත් මාකටින් මැනේජර්ස්ලා.. මේවා තමා මාෆියාව. තමන්ගේ මැතිවරණ ව්යාපාර වලට වියදම් කරේ මහා පරිමාණ ආනයනික පොහොර සමාගම් දුන්නු අතයට පරිත්යාග . ඇතැම් නිලධාරින් ට පිටරට සාප්පු සවාරි එක්ක විදෙස් සංචාර .මේවා තමා මේ ජාවාරම් මාෆියාවේ සම්බන්ධකම්.
සම්බන්ධිත පුවත් | Related News
ප්රධාන පුවත්
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..
පළාත් සභා ඡන්දය ඉක්මනින් පවත්වන්නැයි ඉන්දියාවෙන් දන්වයි..
ඇමරිකානු - ඉරාන යුද්ධය අවසන් ද? - ආචාර්ය ජගත් චන්ද්රවංශගෙන් අනාවරණයක්
'පාස්කු ප්රහාරය ගැන විමර්ශකයින් පත්කරලා තියෙන්නේ කතෝලික පල්ලියෙන්' - අතරමැදි පෙත්සම්කරුවෝ අධිකරණයට කියති..
ගම්මන්පිල, විමල්, දිලිත් ඇතුළු හය දෙනෙක් අධිකරණයට අපහාස කිරීමේ ප්රකාශ ගැන අභියාචනාධිකරණයට දැනුම් දීමට තීරණ කළා.. - කොටුව මහේස්ත්රාත්
ජයග්රාහී ජාතියක් වීමට නම් මව් භාෂාවට මුල් තැන දිය යුතුයි.. – හිටපු පාර්ලිමේන්තු මන්ත්රී ගෙවිඳු කුමාරතුංග